المشاركة الأصلية كتبت بواسطة waleed_d82 (المشاركة 613290)

شكر وتقدير وصلت
طيب انا حقول الي حعملو من اول ماركب العربية من وهي واقفة واتمني اكون صح
1- اخلي الفتيس علي الوضع N
2- ادور العربية
3- اخلي الفتيس علي الوضع D
4- حتتحرك العربية وابتدي ازود بنزين حسب رغبتي في سرعة العربية ولو عايز اهدي فرامل واكمل تاني لو عايز اكمل من غير ما اغير الوضع D طالما العربية موقفتش
5- عند الوقوف نهائيا بضغط فرامل لحد ما تقف العربيه نهائيا وبعدين اخلي الفتيس للوضع P
... الكلام دا مظبوط ولا في علية تعليق ؟
... س ( هل ينفع ادور العربية علي الوضع P )
وشكرا لجميع الاعضاء الي شاركوني معلوماتهم القيمة

المشاركة الأصلية كتبت بواسطة screamseko (المشاركة 613303)

تمام جدا انت كده وصلت بس في نقطتين
حط نقطه كمان بين 2 و3 اللي هي تدوس فرامل قبل متجيب الغيار D
يعني تدور وتدوس فرامل بعد كده تجيب الغيار اللي انت عايزه
عشان العربيه متنطش منك او تمشي منك عشان بنزينها بيبقي عالي

تاني حاجه العربيه اصلا مش حتدور معاك الا علي الوضعين P و N بس ولو حاولت علي اي غيار تاني مش حتدور وده نظام امان عشان الفتيس ميتاثرش

المشاركة الأصلية كتبت بواسطة الكشفى (المشاركة 613304)

استاذى العزيز انت لو على سرعة 100 مش 50 وحابب تنزل السرعة ممكن تخف رجلك من البنزين او الحاجة الملحة بتستخدم الفرامل لغاية السرعة وصلت 30 وعايز تتحرك تانى دوس بنزين و ملكش دعوة بالفتيس خالص
حركات الفتيس الاتوماتيك اغلبها تنقل من وضع الثبات على الارض

المشاركة الأصلية كتبت بواسطة Moh.Osama (المشاركة 613323)