رد: في حاجة بتسحب كهربا من البطارية والعربية مبطلة
 

أنا بأكد على نصيحة "الصقر الجارح" وبطلب منك اول حاجه تعملها بدون تفكير إنك تتخلص من الفيوزات المحروقة على الفور و تحط فيوزات بدون تشعير
أنا مش قادر أقولك مدى خطورة الفيوز المحروق المشعر دا ممكن يسيحلك ضفيرة العربيه كلها ويعمل حريقة لا قدر الله
وربنا يسترها معاك و تقدر تحل المشكله في أقرب وقت:010104~171:

رد: في حاجة بتسحب كهربا من البطارية والعربية مبطلة
 

اخواني انا متشكر جدا لاهتمامكوا جميعا والنهارده ان شاء الله هروح لكهربائي
وياريت لو حد يعرف كهربائي كويس يدلني عليه حتي لو بعيد شوية مش مهم

اما الفيوزات ال 6 اللي اخي سمير عياد كان بيسأل عنهم فهم اللي تحتهم خط
20ِِA ILLU 10A ILLU (RH) -1
25A HI Beam 10A ILLU (LH) -2
10A comp 10A Head RH -3
10A Horn 10A Head LH -4
15A Fuel 20A Head Hi -5
15A FRT-fog DIODE -6


وياريت لو الاخ سمير عياد يقلنا وظائف الفيوزات دي ايه لاني مش فاهم منها حاجات كتير زي illu و head rh وlh , hi
وما معني كلمة diode اللي في مكان الفيوز الاخير

كمان في بعض اماكن عندي مفيهاش فيوزات هل ده مظبوط ولا الفيوز ضايع\
ولو في اماكن مش المفروض يبقي فيها فيوزات يا تري ايه هي الاماكن دي
اسف للاطالة
وشكرا

رد: في حاجة بتسحب كهربا من البطارية والعربية مبطلة
 

و الله اعلم ممكن يكون المالك السابق للعربية كان عامل تعديل للإضاءة الامامية و فوجات و يمكن زينون و الشغل مكنش مظبوط و خرب الضفيرة

illu و head rh وlh , hi

lh معناها شمال
hi معناها العالى
rh معناها يمين
head فوانيس امامية
illu اضائة
diode موحد اتجاه تيار كهربا

يا ريت الماكن اللى مفيهاش فيوزات تقول اسمها لان طبيعى اللانوس فى مصر مش راكب فيوز ال abs و airbag

رد: في حاجة بتسحب كهربا من البطارية والعربية مبطلة
 

طب المكان اللي بيتكتب عليه diode بيتحط فيه فيوز ولا لا
ولو بيتحط فيه فيوز بيبقي كم امبير لانه مش بيكتب جنب الكلمة دي كم امبير
في الغالب الاماكن اللي مش فيها فيوزات هما مكانين مكتوب عليهم diode
ومكانين بتوع ال abs و defog ويمكن ال airbags مش متأكد

رد: في حاجة بتسحب كهربا من البطارية والعربية مبطلة
 

الدايود الفيوز بتاعه عليه الرمز ده
http://library.thinkquest.org/10784/...de_general.gif
و ملهوش أمبير
و فعلا الانظمة المذكورة مش راكبلها فيوزات لانها مش موجودة فى اللانوس المصرى
هل الدايود ده مكتوب تبع انهى سيستم ؟

رد: في حاجة بتسحب كهربا من البطارية والعربية مبطلة
 

الدايود غير الفيوز

فالدايود .........لتوحيد إتجاه مرور التيار

( أى يسمح بمرور الكهرباء للأمام مثلا ولا يسمح لها بالمرور للخلف )

وحسب تصميم وجوده فى الدايره

أما الفيوز ....فلحماية المكون الكهربى الموجود على دائرته الكهربيه هذا الفيوز


.....................

بالمناسبه

مقولتليش

إيه أخبار التكييف عندك

شغال ولا لا ...........؟

رد: في حاجة بتسحب كهربا من البطارية والعربية مبطلة
 

التكييف شغال تمام مفيهوش مشكلة وانا جربته بس مش لفترة كبيرة يعني ربع ساعة مثلا
لكن عايز اعرف اسيب مكان الدايود فاضي ولا اشتريله دايود واركبه
وهو متوافر عند بتوع كماليات السيارات ولا ايه
وانا مش فاهم يعني ايه موجود في انهي نظام
هو موجود ف الفيوز رقم 8 في العلبة اللي في الصالون
واخر فيوز ف العلبة اللي ف الحوض
مش عارف اسيبهم فاضيين ولا اركبلهم دايود
وياريت لو حد يعرف كهربائي بيفهم يدلني عليه ف اي مكان ف القاهرة
وشكرا