مصر موتورز مجتمع السيارات - مطلوب سيارات بالسائق للعمل بشركة بترول بمرتب 2500 جنيه

اقتباس:

المشاركة الأصلية كتبت بواسطة ابو فاروق (المشاركة 636301)

اخي حسبتك غلط في غلط .و اعتزر منك .
اولا لو العربية موديل السنة مش هيقل عن 3000 والا لما ترضي ؟!
ولو علي حسبتك مثلا سيارة فحدود 70 الف موديل 2008 : 2007 مثلا النترا . فـ 2500 جنية مبلغ جداً ممتاز
الحسبة الصح للموضوع
هات لي عقد 3 سنوات مع شركة مثل ما ذكرت 2800 وبسيارة النترا موديل 2008 . وانا امضي معك الان . ولك شهر مني هدية .
انا هجيب سواق بمرتب 1000 جنية يتبقا لي 1800 جنية . شهري صافي يعني فالسنة 21600 الف يعني في 3 سنين 64800 الف . يعني ثمن السيارة فالوقت الحالي. روح بيع العربية تجبلك 55 الف ! دة مكسبك الصافي . في ناس تدخل المجال وتتعامل فية مع السيارة عبارة عن مكنة ( تشتغل تجيب فلوس ) دة بيكسب فالموضوع . وفي عايز يكسب ويكسب لمجرد انة هيشغل عربيتو ! دة ملوش فالمجال .
---
كل شخص لية حسبتو . في مرتبط بقروض . واقساط ومحتاج يشغلها فوراً .. في شايف اني المبلغ دة يدورو في جمعيات يجب لية اكثر .. .
وانا مازلت عند كلامي وفر لي عقد 3 سنين ب 2800 جنية . وانا امضي الان

أستاذي حسبتك فيها بعض الخطأ .. لأنك ماحسبتش قيمة التأمين الشامل سنويا حوالي 2000 جنيه في السنه يعني 6000 في ال 3 سنين .. وكمان صيانه 2000 جنيه في السنه على الأقل في ال 3 سنين كمان 6000 جنيه .. وعندك تجديد تراخيص وفحص حوالي 1800 جنيه ف ال 3 سنين يبقى نقص من مبلغ ال 64800 مبلغ 13800 والباقي 51000 جنيه غير أن العربيه هتعمل عدد كيلوات كبير وهتستهلك جامد وده هينزل من سعر بيعها على الأقل 10000 جنيه عن سعرها وهيا ماشيه عداد معقول
صدقني والله موضوع إيجار العربيات لشركات بالسواق ده نصب في نصب مش بيستفيد منه غير المكتب اللي بياخد منك العموله وبس .. وبعد كده قابل أنت بقى .. دي تنفع تشتغلها 6 أو 7 شهور لو مزنوق لغاية ماتلاقي شغل كويس لكن على طول .. أنت بتخسر خساره فادحه ... أمال هما ليه الشركات دي مابتجبش عربيات بسواقين لو الموضوع مربح كده .. وأهم يوفروا الربح اللي أنت بتاخدوا ؟؟ سيبك من موضوع أصل حسابات الضرايب ماعرفش أيه والحوارات دي .. أنت بعربيتك بالنسبه لهم .. مكسب وتوفير وليس العكس ... صدقني أنا دوست في المواضيع دي وكنت هالبس في الحيطه لولا ربنا ستر .. ونص المكاتب دول على الأقل نصابين لأنه هو اللي بيصرف الشيك من الشركه مش أنت .. وحتى لو أنت اللي بتصرقه برضه كحسبه ماديه ومكسب ... أنت الخسران بهدلتك وبهدلة عربيتك وخساره بعد البيع كل ده أنت اللي بتتحمله .