رد: سؤال الي خبراء الفيلشيا
 

يبقى فرامل الفرده اليمين قافشه شويه على طنبورة فرامل الفرده اليمين

وهى إللى مسببه السخونه والحدفه

وممكن زى ما أنت بتقول

بصفه مبدأيه ترش شوية wd40 على صوابع كالبر الفرده دى

وتدوس وتسيب فرامل كذا مره وأنت واقف مكانك

فى محاوله لتيين حركة نصفى الكالبر على أصابعه

معلش أنا عارف

إنك ممكن تكون بتقول إيه الكالبر ده ....؟

-------------------

ولو ده مكبش نتيجه

هتضطر تروح لمتخصص فرامل

لعمل اللازم للكشف على كالبر وماستر الفرده دى

رد: سؤال الي خبراء الفيلشيا
 

http://im14.gulfup.com/2012-04-03/1333474917553.bmp

دى صوره لنصف كالبر فرامل ( الجزء الثابت )

وفيه جزء مش موجود من الكالبر ( الجزء المتحرك )

والصوابع محدده ومتحوط عليها باللون الأحمر

----------------------

تخيل بأه لو الصوابع مصديه ومانعه سهولة حركة الجزء المتحرك فى إتجاه الجزء الثابت

يعنى كأن الكالبر ( كنصفين )

قافش وتقيل فى حركته

__________________

بالمناسبه

كلمة كالبر .....كلمه إنجليزيه

تعنى الكماشه أو القامطه

والكماشه معروفه بتمسك بيها المسمار بين فكيها

هى دى نفس وظيفة الكالبر

بنمسك بيها طنبورة الفرامل بين فكيها ( لأننا هنعتبرها كماشه )

وقت مانعوز نستعمل الفرامل

( كماشه عن بعد يعنى )

remote control kamasha

رد: سؤال الي خبراء الفيلشيا
 

ربنا يجزيك كل خير يا باشمهندس ويجعلة في ميزان حسناتك حرش WD40 و حقول النتيجة لحضرتك وشكرا

رد: سؤال الي خبراء الفيلشيا
 

السلام عليكم انا ابارح رشت wd4o بسمكنش فية نتيجة وديت العربية للميكانيكي اليوم واصلح العيب كان فيها اي ياعم قال كان فيةرايش علي علي البستم الموجود داخل جهاز الفرامل مش بيرجع مكانة مرة بعد ترك دواسة الفرامل دةيجعل التيل قافش علي الطنبور نضف الرايش وزيت البستموالحمدللة جربت العربية فى زحمة الساعة 2 الظهر العجلة مسخنتش بس الميكانيكي قال لو ظهر العيب مرة اخرى يجب تغير خراطييم اجهزة الفرامل وطبعا حنغير الزيت اية رايكم في الكلام دة واية راي حضرتك يا باشمهندس سمير وشكرا للجميع

رد: سؤال الي خبراء الفيلشيا
 

لست معه

فى إحتياجك لتغيير الخراطيم طالما حالتها حلوه

ومبتسربش زيت

ولكنى معه

فى تغيير الزيت

حتى لو المشكله مش موجوده حاليا

فتغيير زيت الفرامل هام وضرورى

بأى حال من الأحوال

لتنظيف الدوره

ووضع دم جديد ( أى زيت )

داخل دورة الفرامل

-----------

فزيت الفرامل لما بيتعكر

ملوش حل غير تغييره

-----------

أنا عارف

أن ممكن يكون الرايش ده على وش البستم من الخارج

بس ممكن يكون فيه نسب من الرايش

دخلت مع الزيت من جوه

فى حركة البستم التردديه

أثناء إستعمال الفرامل

وإلا

هيقولك ليه

إنك تغير الخراطيم

علشان هو شاكك أنها ممكن تكون مسدوده

وإيه إللى هيسدها

زيت وحش مع رايش طبعا

---------------

يبقى

لو نزلت كل الزيت حاليا بملوثاته

كأنك بتستبق الحدث

وبتحافظ على سريان الزيت جوه الدوره

دا غير إن تغيير زيت الفرامل

شىء أساسى كل فتره من شغل السياره

ولو إتغير كمان مع كل تغيير للتيل الأمامى

فده أحسن أوى

رد: سؤال الي خبراء الفيلشيا
 

شكرا ياهندسة على ردك الشافي :fun_36_3_13[1]:

رد: سؤال الي خبراء الفيلشيا
 

الباشمهندس سمير الف لاشكر لردودك فانا شخصيا اتعلم منها الكثير وجزاك الله خيرا