|
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
بصى انا هقول لحضرتك من الاخر لو عاوزه عربية حلوة و كمان اوتوماتك اشترى i10 هيونداى
لو هتقارنى بين اللوجان او فيرنا او ساجا يبق فى عوامل هتدخل فى المقارنة هل انتى عاوزه تبيعى العربية بعد فترة قصيرة وال لا ؟ وهل انتى عندك شخص هيقدر ياخد السياره للتصليح ام لا لو عاوزه حاجه تعرفى تبيعيها تانى يبق تشترى فيرنا او لوجان مع ان الفيرنا الاوتوماتك قليلة الان حتى فى المصنع بتنتظرى كتير لغايه ما تستلميها اما اللوجان مفيهاش اوتوماتك اصلا الا لو حد هيشتريهالك من الخارج وطبعا ده صعب الساجا بينزل منها اوتوماتك بس قطع الغيار قليلة علشان كده افضل حل لمشكلتك انك تشترى هيونداى i10 اوتوماتك او جيتز اوتوماتك |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
انا معايا سانديرو ستيب واي وهي والنسخه الهاتش باك للوحان... والعربيه لا فيها كمبيوتر ولا معقده ولا اي حاجه وميكانيكيتها بسيطه جدا جدا واي حد ممكن يشتغل فيها
وهي مميزاتها عن الفيرنا لا تحصى... يعني الفيرنا تنجيدها عامل زي الدكك الخشب... يوجع الضهر ... وديه مش حاجه سهله... والعفشه ناشفه جدا...بس لو حضرتك عايز اتوماتيك هات الساجا...فعلا صناعه راقيه ... خامات كويسه... وميكانيكا رائعه... وسعر لا يقارن وبعيدن اللي عايز يشتري عربيه لازم يعمل جوله على كل العربيات اللي في نفس المستوى... ويركبها في المعارض ويقعد ويشوف ايه اللي يريحك ... وايه اللي خطف عينك... خامات التابلوه والفرش والتنجيد...جودة التقفيل وفي النهايه كده ييجي قرار الشرا مزبوط... ونصيحه... خد قرارك واشتري اللي يعجبك... وطوز في اي حاجه اتقالت على اي عربيه... وفي النهايه كل العربيات بتتباع...ومش كل حاجه واخده سمعه حلوة في بلدنا تبقى حلوة .... فيه فرق اني اجيب حاجه الناس عايزاها واني انا اجيب حاجه انا عايزها.... بيبقى طعمها احلى ملحوظه اخيرة... بنك ناصر احسن بنك بيمول الشرا عن طريق المرابحه الاسلاميه معدل ربح 6 % سنويا وهو اقل معدل في العالم كله ولو دفعت 40 الف هايبقى قسطك على 5 سنين كلام فاضي ( في حدود 570 جنيه شهريا) واجرأته بسيطه بالتوفيق ان شاء الله |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
راى انك تشوفى حاجه هاتش باك مثل I10 اوتوماتيك وتصلى استخاره وربنا يوفقك.
|
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
الجديد جديد
وانا شايف العربية i10 جميلة جدا |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
بيكانتوا الجديدة بناتى و ظريفة:018A1D~146:
|
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
انا مش عارف انتو بتفكرو في اعادة البيع لية :shyy:
يعني انا هاروح اجيب عربية زيرو من المعرض وفول اوبشن وبعدين اقول اصل لما اجي ابيعها سعرها هاينزل ....طيب ماتشوف انت هاتفكر في بيعها امتة ....ربنا يديلك الصحة والعمر بس وتعرف تستهلكا قد 25 سنة والا حاجه زي المستعمل اللي بنشوفه مو 70 و80 والعربيات دي من الاخر ..........اللي عاوز يجيب عربيه يفكر في اللي هايحتاجه(السعر-الاوبشن-قطع الغيار-اماكن الصيانة) وشكرا للتحيه ... دي وجهة نظري واسف علي الاطالة:Wkiss5: |
رد: حد خوفنى من اللوجان وقال كلام انا مش فاهماه انها كلها كمبيوتر وبتخسر جامد فى اعادة بيعها
اخوانى الاعزاء
دخلت الموضوع ده لاستعيد ذكرياتى مع لوجانتى الجميلة لانى بعتها من شهر بسبب ازمة مالية احب احكى قصة عن تجربتى مع لوجان قد تكون طويلة لكن سوف احاول تغطية بعض الانتقادات والسلبيات التى وجهت الى اللوجان، من خلال عرض تجربتى فى تسعة شهور وسوف اشير الى بعض السلبيات التى شكها منها بعض الاعضاء وتحتها تجربتى، وقبلها سوف اضع بعض القواعد عند التقييم على السيارة قبل البدء *** سوف تجدون هذا الموضوع فى صفحات اخرى فى المنتدى ****أننى لست خبير فى السيارات لكنى كان عندى لانوس لفترة واشتريت اللوجان زيرو ***أن السيارة سعرها من 68 الف الى 72 الف يعنى اى حد عايز يقارنها يقارنها بسيارات فى الفئة السعرية بتعاعتها يبقى معانا تقريبا (لانوس- فيرنا- اسبرنزا m11- ساجا- اسبرنزا 516- افيو مانيوال اول فئة وهكذا ...... *** العربية لما تلين من الزيرو فترة تليين اللوجان فى الكتالوج 3000 كم والسرعات لاتزيد عن 90 كم ويفضل 70 كم /الساعة فى تلك الفترة، ومدد السواقة يفضل ان تكون داخل البلد علشان تستخدم كل حاجة غى السيارة يعنى جميع الغيارات والدورانات بالدريكسون والمارشدير وهكذا *** أن السيارة الى حد ما حديثة الانتشار فى السوق المصرى *** أن اسم رينو اسم له دلالة فى السوق العالمى حتى لو مقترن بسيارة ب 72 الف جنيه وهذه بعض ارائى فى السيارة يشكو البعض من ارتفاع صوت الموتور أرى: معظم السيارات الاوروبية تمتاز بهذه الصفة يشكو البعض عضة فى الفتيس بالفعل حدث مع البعض ذلك وخاصة فى الغيار الاول والمارشدير والسبب فى ذلك ان دبرياج اللوجان لازم تتغط عليه فى الاخر علشان ياخذ معاك بالاضافة اننا مجرد ما بنطلع بالعربية بندى الغيار التانى وبذلك الغيار الاول لا يستخدم كثيرا واللى كان عندهم المشكلة دى قالولى انها انتهت بعد فترة كل واحد بيدى سبب لانتهاؤه لكن اعتقد انها فترة التليين (3000كم) يشكو البعض من نشفان العفشة بصراحة دى حاجة غريبة قد لا اكون مبالغ ان قلت ان عفشة اللوجان انعم من الكيا سيراتو وانا ركبت الاتنين داخل المدينة فى المطبات والحوارى فى الفيوم لو حد من حضراتكم من الفيوم وينصح بالنيتروجين لتعبة الاطارات مع نعومة العفشة هتحس بفرق كبير لكن ادى لنفسك فرصة علشان تقارن العفشة بعربية (فى نفس سعرها) امشى فى شارع واركب عربية تانية فى نفس الشارع ولو بالسيراتو والله هتحس بالفرق يشكك البعض فى ثبات العربية انا عن نفسى فى اول سفرية على طريق اسيوط جبت بيها 165 كم والله ما حسيت باى حاجة رغم انى فى مرة كنت مسافر وكان عدادى 120 عربية فيرنا عدتنى ركزت معاها لقيت بتعوم قدامى يشكو البعض من التكييف ودى حاجة غريبة جدا التكييف انا كنت بشغله من شهر 5 الى شهر 9 ولا مرة دورت العربية الا لما شغلته حتى وانا واقف فى الاشارات لدرجة انى كنت فى شهر رمضان بنزل اشغل التكييف وهى واقفة فبل المغرب من شدة الحر، بالاضافة ان فيه واحد صاحبى لوجاناوى كان بشكو من حاجة بسيطة فقالى بالهزار يعنى هو انا اشتريت تكييف ب 69الف( سعر العربية وقتها) لشدة البرودة فى التكييف. يشكك البعض صاج العربية برضه غريبة جدا لان سماكة الصاج فى العربية دى اقوى من الافيو نفسها وتصدقوا اقوى من الاكسنت والاكسنت آر بى وغيرهم ودى معلومة اخذتها من تقارير اجنبية مش فاكرها دلوقتى لما كنت بقارن بين النيو اكسنت والافيو واللوجان وعن تجربتى انا خبطنى اكصدام حديد بتاع ربع نقل والله يا دوب ريح مكان لمسة العربية فى حين ان خبطة شبيها فى الافيو لواحد اعرفه دخلتله الباب كله جوه العربية ومعاها اجزاء من الرفرف يشكو البعض من ارتفاع الار بى ام وارتفاع صوت الموتور اعتقد ده سببه ان صاحب العربية ما ادهاش فرصة كافة للتليين وبيقرص على البنزين من غير ما يدى الغيار المناسب يشكو البعض من الوكيل انا مستغرب انصح بالفروع الرئيسية الفرع اللى قدام القلعة كنت بروحه ... بصراحة احترام غير عادى ورد على كافة الاستفسارات وضيافة للعملاء وبلاش تروح المراكز المعتمدة ياريت الفرع الرئيسى فى النهاية اقدر اقول بعض المزايا فى العربية دى
اسوء حاجة فى العربية هو سعر اعادة البيع انا بعت العربية ب 55الف كانت عاملة 15 الف كم بس كان فيها تاثير حادث رهيب لكن ان شاء الله بعد انتشارها هتمسك سعرها فى النهاية انا والله نفسى اشترى العربية دى تانى لكن هستنى لشهر 6 لما تنزل تعديلا العربية لانى سمعت ان مفاتيح الزجاج هتبقى فى الابواب والكلكس هيبقى الطارة ومعاه بعض ازرار التحكم والله دى عربية هايلة فى سعرها المتاح وأسفعلى الاطالة |
| الساعة الآن 04:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017