مصر موتورز مجتمع السيارات - شركة كايرو كاب "تاكسى العاصمة" بدأت تصفية أسطولها من السيارات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: شركة كايرو كاب "تاكسى العاصمة" بدأت تصفية أسطولها من السيارات

اقتباس:

المشاركة الأصلية كتبت بواسطة medoelsoni (المشاركة 745022)

انا مشترى من هناك سيراتو 2009 ومجبوش الورق بتاعها من شهر 5 وربنا يستر ومتكونش نصب

ياريت ياباشا تعارفنا على ماكن بيع السيارات فين فى القاهرة

رد: شركة كايرو كاب "تاكسى العاصمة" بدأت تصفية أسطولها من السيارات

السلام عليكم

يا جماعة مش نصباية ولا حاجة بس فيه حاجة مش مفهومة امبارح واحد عرض عليه سيراتو 2009 ب 53 الف جنيه وقالى ها تدفع 40 فى الاول وها ييجى الورق بعد حوالى شهر وتدفع الباقى وتطلع الرخصة باسمك ولكن عليها حظر بيع من النائب العام وهذا الحظر ينتهى بعد عام ولما سالت من وراه ناس بعلهم من فترة تبين ان الكلام سليم ولما اطلعت على الرخص بتاعتهم فعلا لقيت ان الرخص باسمهم وصادرة من مرور عين الصيرة واخرى من شبرا الخيمة ولكن الرخص مؤقتة وتنتهى بعد 3 شهور وعليها الحظر اللى قلت عليه مش عارف المرور ها يجددلهم بعد 3 شهور تانى ولا ايه وكمان ليه مدهومشى رخصة سارية بالمدة كلها زى الترخيص الطبيعى مع العلم ان الفحص بعد 3 سنيين 2016 وليه النائب العام عامل حظر بيع مع العلم ان الشركة خدت ثمن العربية بالكامل مع العلم ان اللى اشترى اشترى من وسيط بينه وبين الشركة ياريت حد فاهم يجاوبنى على الاسئلة دى وليه كل الشكر

رد: شركة كايرو كاب "تاكسى العاصمة" بدأت تصفية أسطولها من السيارات

امس اخذت صورة من رخصة احدى السيارات التى قاموا ببيعها الى احد المشترين وتوجهت بها الى المرور الذى اصدرها و طلبت مقابلة رئيس الوحدة وشرحت له استفسارى فطلب من العسكرى احضار ملف السيارة وبفتحة تبين وجود شهادة بيانات صادرة من مرور السلام مكتوب فيها ان السيارة عليها اقساط لبنك التنمية الايرانى لم تدفع وايضا عليها نزاع قضائى وهو ما يفسر حظر البيع من النائب العام
وبالاسفسار عن النزاع القضائى هذا من محامى صديقى ابلغنى انه لابد من رفع قضية صحة ونفاذ عن طريق رخصة السيارة لاثبات الملكية المطلقة واستخراج رخصة مستديمة بدون حظر وعرفت ان من اشتروا من سنتين عندهم نفس المشكلة ورفعوا قضايا ولم يحكم فيها نظرا لان كل ما واحد يشترى ويرفع قضية تضم للقضية الاولى وبالتالى القاضى ياجلها وهكذا
يعنى من الاخر العربيات دى كلها مشاكل وقرف
وفى رايى العربية كدة متسواش غير 10 الاف جنيه اعتبرهم انك بتتمتع بعربية سيراتو 2009 اتوماتك لغاية ما البنك يحجز عليها او ان البنك يتفاوض معك على دفع ما تبقى له من ثمن السيارة هذا بخلاف ان يكون عليها ضرائب للحكومة لانها كانت شغالة تاكسى او النائب العام ياخدها منك او انك تسبقهم هما الاتنين وتفككها وتبيعها قطع غيار

اللهم بلغت اللهم فاشهد