|
رد: المختصر المفيد في الإلانترا الجديد
اقتباس:
|
رد: المختصر المفيد في الإلانترا الجديد
الأستاذ المحترم حماده:
بالنسبه لموضوع اقتصاد الدوله لأ يافندم اسمحلي اختلف معاك اقتصاديا: الاعتماد على دخل قد يتغير (زي السياحه او الضرائب ومنها ضراشب العربيات طبعا) نظام فاشل جدا عايز تبني اقتصاد قوي يبقى تبدأ بالزراعه والصناعه وهما دول اساس الاقتصاد اننا نكون دوله منتجه انما مثلا تخيل اننا عملنا مقاطعه وماشتريناش عربيات لمدة سنه (قول يارب) التوكيلات ماتبيعش وبالتالي دخل الدوله من الجمارك يقل والميزانيه يحصل فيها مشاكل ؟ يبقى ده اسمه ايه ؟ تهريج :) ده بالنسبه لاقتصاديا واحب بجد احييك جدا جدا انك شغلت عقلك وجبت عربيتك من بره وعلمت نفسك الصيانه و..و..و.. عشان ماتبقاش تحت رحمة أي حد... أحسنت أما بالنسبه للسعر نفسه, لأ يافندم فيه زياده ومبالغه وهميه, وأنا اديت كذا مثال على عربيات فيها 6 وأحيانا 8 إيرباج وأنظمة أمان مش موجوده في أي عربيه هيونداي في مصر وسعرها ممكن يكون في نفس السعر 160 (زي اللليون والسيتروين الجديده) او أقل (زي الفلوانس) او ازيد شويه (زي الجولف) وطبعا الفرق هلامي جدا ومفيش وجه مقارنه وشكرا لمرورك الكريم |
رد: المختصر المفيد في الإلانترا الجديد
السيارة الإلنترا الجديدة شكلا تعد ممتازة وسعرا تعد نصباية كبيرة على سيارة لا تستحق أن تتعدى حاجز ال100 ألف !!!!!!!!!!!
السيارات الأوروبى فى فئتها السعرية طبعا أفضل بكثير من حيث الأداء وطول العمر والثبات والأمان وكانت صدمتى كبيرة عندما رأيت توكتوك لبس فيها وكانت الخسائر فادحة كأنها علبة كرتون !! |
رد: المختصر المفيد في الإلانترا الجديد
اقتباس:
وانا عمري ما قلت ان كل المصريين بتوع بطاطا وانا اعتبر نفسي اقل واحد كعلم وممكن اتعلم من اي حد بص انت قلت نقطتين احنا مرغمين على اسعار لأنها قدامنا أوك؟ طيب ازاي نغير من الواقع ده ؟ واحد عايز يجيب عربيه مثلا بس زيرو, طيب الزيرو في الرينج ده عادي يعني ولو هيركب حاجه أعلى لازم يزود طيب ايه الحل ؟؟ يركب كسر زيرو, انا عارف ان في ناس كتير مش بتحب ده بس هنعمل ايه ؟ ماهو بالسعر ده غالبا هتركب كوري في accent rb شفتها بس مش مصري هيا تقريبا خليجي أو استيراد مش فاكر بصراحه العربيه غير بتاعة مصر خالص شاشة نافيجيشن و ABS و EPD و مثبت سرعه و بلوتوث وكمان ديسكات قدام وورا (ماتخفش مش هتعوم منك ههههه) وأظن 2 إير باج في الهوندا سيتي بس هتزود المبلغ شويه وممكن تاخد خصم محترم على موديلات السنه اللي فاتت لو لسه عندهم وموديلات السنه الجديده نزلت (الاتنين نفس الشكل على فكره) انما لو هتركب كسر بالسعر ده ممكن تركب هوندا سيفيك وحاجات كتير وصدقني ك سعر قصاد الامكانيات اي كسر (محترم ونضيف) هيكون مش فارق خالص وكأنك راكب زيرو برضه ده لو عندك استعداد تغير مفهوم الزيرو وربنا يوفقك |
رد: المختصر المفيد في الإلانترا الجديد
العربية تستاهل كل قرش فيها
ثانيا هونداى من اكبر مصنعى السيارات فى العالم الرابع على مستوى العالم ثالثا العربية موش ردئية ولا حاجة بل العكس والله اجمل من عربيات اوربى كتير من ناحية الخامات رابعا انت حكمت على العربية من شوية اوبشن موش لازمة بلوتوث وكلام فاضى مكلمتش على قوة الموتور وخلافه |
رد: المختصر المفيد في الإلانترا الجديد
معاك في ان الاوروبي احسن طبعا
ده كعربية .. لكن تعالى قارن في اسعار قطع الغيار وتوافرها وسعر اعادة البيع وسهولة البيع والانتشار المقارنة هلامية برضه لصالح هيونداي |
رد: المختصر المفيد في الإلانترا الجديد
اقتباس:
|
| الساعة الآن 12:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017