|
رد: رجاء من الإدارة إيقاف حسابى
بعد المتابعة للموضوع من خلال طرح صاحب والموضوع وتعليق الاعضاء الكرام عليه
احب ان اذكر رأيى الشخصى ان ما حدث من خلاف بين الاراء ووجهات النظر هو تخطيط قذر لبعض الجهات التى تريد من الناس ان يتم التراشق فيما بينهم وحدوث خلافات وتصبح العملية رابحة اذا اكتملت وقال الناس ان حكم العصابة كان افضل وان كان تابع العصابة لا يزال يحكم فى صورة جديدة فلذلك اذا كان العضو الكريم يرغب فى ايقاف حسابه عليه بتباع نصيحة ابو نورا بعدم الدخول مرة اخرى الى المنتدى اللهم ول امورنا خيارنا ولا تول امورنا شرارنا اللهم عافنا فى من عافيت وقنا شر ما قضيت يا ارحم الراحمين |
رد: رجاء من الإدارة إيقاف حسابى
اللي هقوله رايي الشخصي....
اي دوا لازم بيكون ليه اثار جانبيه ولو المريض اخد جرعه زياده طبيعي ان الاثار الجانبيه هتزيد..... ده اللي بالظبط حصل في ثوره 25 يناير... اننا كشعب اخدنا جرعه زياده من الظلم والافتراء علينا غير الفقرفكان طبيعي اللي حصل وردا علي الاخ اللي بيقول ان الثوار واخدين تصريح بمظاهره مش ثوره....هذا لا ينتقص اي شيء من الثوره وكفانا كلاما باسلوب النظام البائت وحزبه( لازم تصريح واصل الشرعيه بتقول.................... ............الخ) يكفينا من الثوره انها خلعت المسمار من الكرسي ....سيبونا كشعب نفك عن نفسينا ونشعر بالحريه وبالنسبه للي بيحصل سواء البلطجيه ...دول موجودين في اي مجتمع ومصاحبين لاي ثوره قامت واحنا شايفين ان الامن والشرطه بدا في تولي مهامه ولكن من منظور اخر ان ديت وظيفه بياخدوا فلوس عليها اينعم هما زعلوا واخدوا علي خاطرهم بعد انعدام سياسه مننا كشعب في النظر الي ظابط الشرطه وعدم الخوف منهم((( الموضوع ده مضايقهم))) ابن عمتي نقيب ...ايام الثوره عاملي صفحه علي الفيس بووك معاك يا ريس وصور للنظام والنقاش وصل بينا لحد الزعل( هو بيدافع باستماته وانا انتقد ما يحاول انه يدافع عنه) وطبعا كغيره من الظباط قعد في البيت ايام الثوره وحاليا رجع شغله وعادي جدااا.... اسف للاطاله بس الصراحه اي حد بيدافع عن النظام او الحزب او ان زمان كان فيه امن وامان وتطور وازدهار...............ودل وقتي بقي الوضع سيء بسبب الثوره...بيصيبني بحرق الدم والاعصاب...... |
رد: رجاء من الإدارة إيقاف حسابى
اقتباس:
أخى الفاضل محمد فيصل: {وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ} وياريت العضو الكريم يتبع نصيحة أبو نورا |
رد: رجاء من الإدارة إيقاف حسابى
اقتباس:
لكن ادخلى على النت وشوفى الالفاظ اللى مسميين نفسهم نشطاء بيقولوها واللى بيهاجموا بيها اى حد يعارضهم شوفى لما كانوا عايزيقتحموا وزارة الداخلية من شهرين واسمعى السفالة اللى كانوا بيقولها شوفى الجماعة اللى راحوا امريكا الاسبوع اللى فات واتعملهم حلسة استماع فى الكونجرس عشان موضوع ماسبيرو رغم انهم قالو انهم مااشتركوش فى ماسبيرو تفتكرى لية وياريت تقوليلى بيجيبوا التمويل بتاع الزيارات دة منين ولية بيصرفوة الموضوع مش موضوع نظرى بيجيب مين لكن بلد شالت ديكتاتور مش مفروض تبدلة بدكتاتورات تانيين |
رد: رجاء من الإدارة إيقاف حسابى
اختلط الحابل بالنابل وهي دي السياسه اللي ماشيه اليومين دول ونغمه فين الديمقراطيه و الحريه اللي بتنادوا بيها هي دي الثوره و مبادئها وشويه وبدأنا نقول هي دي ثوره دي... دي احتجاجات ... حركه ... فتنه ... مؤامره !!! وشويه و نلاقي ناس بتترحم على زمن مبارك و تقولك طيب يا ريت الحزب الوطني يرجع تاني ارحم من اللي احنا فيه دلوقتي ده ولسبب بسيط جدا ان الثوره حتى الان لم تكتمل لو الثوره كانت كامله فعلا كانت عزلت تماما كل اعضاء الحزب الحاكم السابق والمجالس المحليه و المحافظين و كل المناصب السياديه و السياسيه و الحكوميه الحساسه يعني بلد 80 مليون خلاص مفيهاش الا رجال العهد القديم !!! لو الثوره كانت كامله كانت انتهت حاله الطوارئ و المحاكمات العسكريه (المزاجيه ) و ظهور احكام قضائيه مفعله للرئيس ( المخلوع سابقا - متنحي حاليا - شرعي مستقبلا !! ) لو الثوره اكتملت كان زمانا عايشين في ظل دستور جديد حقيقي و مجلس شعب و انتخابات رئاسيه انا مش حتكلم عن المجلس العسكري و قراراته و منهجيته لانه للاسف هو المؤسسه الشرعيه الوحيده في مصر حاليا و لا بد من الالتزام بها حتى الوصول لشكل شرعي (الدستور المنتظر ) لو الثوره كامله مكناش حنلاقي قنوات بتتقفل و كتاب و صحفيين يمتنعوا او يمنعوا من تقديم برامجهم و الادلاء بارائهم لو الثوره كامه كان القناصه ظهروا و اتحاكموا و قتله سيد بلال و خالد سعيد و غيرهم كتير من زمان لو الثوره كامله مكنش جهاز امن الدوله اتغير اسمه بنفس الوجوه القديمه لو الثوره اكتملت مكنش دكتور احمد عاطف اتخطف 6 ايام بطريقه استخباراتيه محترفه لو الثوره كامله مكناش سمعنا ان في فلول بترشح نفسها بمبداء الديمقراطيه و الحريه لأن الثوره بتقوم علشان تقضي على نظام موجود بالكامل و تبداء نظام جديد تماما وهو ما لم يحدث حتى الان و تحت رعايه المؤسسه الحاكمه بحجه مبادئ الحريه و الديمقراطيه والعداله التي قامت من اجلها الثوره !!! فالثوره لم تكتمل بعد حتى بعد مرور 9 شهور وحتى وان اكتملت قدامنا كتيييييير اوي عقبال ما نطهر نفسنا و البلد من الفساد و الانفلات و الفلول و المنتفعين و الافاقين و المنافقين و المستفيدين من النظام السابق واللي بيحاولو بكل الطرق والوسائل انهم يستردوا مجدهم القديم بالبلبله و التحايل واصطياد الاخطاء و زرع الفتن والاشاعات و كلمه الحق التي يراد بها باطل و التسويق للعهد القديم واظهار مساؤى الثوره و اخطائها و و و ..... وفي النهايه بدل ما نتناقش في مستقبل البلد و مستقبل اولادنا نلاقي نفسنا بنتخانق ونتناقش على فرعيات و ارهاصات و قمامه الافكار بدل ما نلاقي نفسنا بنبص لقدام و ناخد خطوه جديده في الطريق الواسع الطويل نلاقي نفسنا في دوامات من المشاكل و الفتن و المشاكل المفتعله والتحريض والتخوين و التهويل والتهوين و المتناقضات والتداعيات لو الثوره اكتملت مكناش شفنا مشاركات زي مشاركه الاستاذ البربري !!!! احنا لسه في نص الطريق .... و الاراده الشعبيه وحدها والوفاق الشعبي والفطنه المصريه والرغبه الاكيده في انقشاع الظلم والفساد وابتغاء العدل والحريه والكرامه و مرضات الله والايمان الحقيقي والاقتناع الصادق بالحلال البين و الحرام البين دون تحايل او تفصيل ... هما الذخيره الحقيقيه اللي حتخلينا نصمد و نصبر و نصر و نقاوم حتى اكتمال الثوره حتى لو بعد 10 سنين مفيش حاجه بتتغير في يوم وليله .. ان غدا لناظره قريب ان الله لا يمل حتى تملوا |
رد: رجاء من الإدارة إيقاف حسابى
اقتباس:
|
رد: رجاء من الإدارة إيقاف حسابى
اقتباس:
معلش استحملونى شويه وياريت محدش يزعل من كلامى ولا يخونى انا وطنى فى الاول وخايف على بلدى ... انا عاوز نفكر فى موضوع الثورات العربية بطريقه تانيه احنا كلنا ماشين فى طريق واحد طريق لازم نكمل الثورة واهداف الثورة وازاى نتتقم من النظام السابق الفاسد .. لكن محدش فكر فى اصل موضوع الثورات العربية وسقوط الانظمة العربية بالشكل ده هل يصب فى مصلحه العرب ام يصب فى مصلحه ناس تانيه ... الثورات العربية حدثت فى وقت واحد وباسلوب واحد والعالم كله وقف بجانب الثوار الناتو ساعد ثوار ليبا وامريكا ضغطت على مبارك ليسلم السلطه ولو فاكرين اخر خطاب لمبارك قال انا لا اقبل توصيات من الخارج دليل على انه اضغط عليه ليترك الحكم ... والله العظيم لو الثورات دى فيها ضرر على اسرائيل كان العالم كله وقف امامها مش معاها علشان كده لازم نمشى فى الاتجاهين اتجاه الثورة واتجاه الخوف من الثورة ولازم نفكر فى كل اللى بيحصل حولينا ولا يكون كل همنا فلان بيدافع عن مبارك وفلان تبع الفلول (( يوجد ناس بتمكر لينا ونحن لا نمكر لهم . يتظاهرون بمحبتهنا وهم فى الحقيقة يكرهوننا . يقدمون لنا المساعدة والحقيقة هم يؤذوننا ولا يساعدونا)) |
| الساعة الآن 08:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017