مصر موتورز مجتمع السيارات - ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

من الواضح ان حضرتك مش عارف ترد على اغلب المشاركات ولذلك خرجت من الرد على النقد الى نقد الافراد المشاركة ودا فى حد زاتة فشل لا يغتفر فى الدعاية والتسويق المفروض حضرتك من مبادئ التسويق انك تسمع لاى عميل حتى لو كانت نقده لعدم فهم او فى غير محلة وتفصل نفسك عن انتمائك للمكان وتجاوب بحيادية علشان تكسبه معاك ...مع انى بحكم عملى فى السوق ودراستى للدعاية والتسويق عارف كويس ان الكلام اللى ذكرتة فى صلب الموضوع وفى اعضاء كرام ذكروا اسباب اخرى بردوا حضرتك ما رددتش عليهم يبقى ملهوش لازمة الكلام والتوبيك من الاخر يراد به التحجج والدفاع عن مكان اكل عيشك مش ذكر لاسباب منطقية لان المثال بتاعك ابعد ما يكون عن المنطقية فى حين اغلب المشاركات الاخرى اصابت كبد المشكلة وحضرتك ما حللتش ولا واحدة منهم وعاوز حلول ولو قعدنا للسنة الجايه نقول حلول صحيحة 100%عمر السعر ما هينزل لان دا اللى اتعودنا عليهو وسواء الجنيه نزل ولا طلع الاسعار بتفضل تزيد لجشع التجار والشركات والحل اللى ينفع مع دول هوه المقاطعة

وشكرا

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

اولا بشكر صاحب الموضوع ع فتحة باب المناقشة برغم ان اغل اراء ونقد الاعضاء لم يرد علية
تانيا فيرنااااااااااااااااا اوتوماتيك كاملة ب 78 الف جنية لية ؟؟:shwt:
تالتا اكيد لا تعليق
رابعا تحيااااااتى ليكوا جميعا

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

هل يعقل ان سيارة فى نفس فئتها اوروبية منشا اى كان مكان تقفليه تكون بنفس سعر سيارة كورية المنشا والصنع مع الفرق سعر صرف العملة الاوربية واجرة العمال والذى منه وهل يعقل سيرة صغيرة (i10)يبدا سعره من 68 الف جنيها اللى كان يبعه السنة الفاتت ب 58 الف ولو التكلفة زادت بتكلفة كبيرة ممكن يقلل التكاليف بتصنيع سيارات اخرى اوتجميع جزء من السيارة اوالاتفاق مع المصنع بتخفيض السيارة لفترة محددة او عمل عروض فى المعارض وهذا لم يحدث ابدا الا فى سيارات قديمة او الاتيان بسكوك كبير مع قبول تحياتى

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

اقتباس:

المشاركة الأصلية كتبت بواسطة Mr.Mamo (المشاركة 534203)

بصو الخبر الجديد ده كده

نخفضت قيمة الجنيه المصري أمام اليورو بنحو 1.6% عن مستواها في الأسبوع السابق ليبلغ سعر اليورو 8.087 جنيه مصري، وذلك حسب النشرة الأسبوعية الصادرة عن مركز المعلومات ودعم اتخاذ القرار التابع لمجلس الوزراء تحت عنوان "اتجاهات الاقتصاد". وانخفضت قيمة الجنيه أمام الدولار أيضا بنحو 0.04% عن مستواها في الأسبوع السابق ليصل سعر صرف الدولار 5.956 جنيه مصري، كما واصل أيضا الجنيه انخفاضة أمام الجنيه الاسترليني بنحو 0.8% ليصل سعر الجنيه الاسترليني إلى نحو 9.315 جنيه مصري.
وتراجعت ايضا قيمة الجنية المصري مقابل المائة بحوالي ين الياباني 0. 1% ليبلغ قيمة المائة ين الياباني بنحو 7.761 جنية مصري .
أما بالنسبة لأسعار صرف العملات الأجنبية، فقد انخفضت قيمة الجنية الاسترليني أمام الدولار بنحو 0.2% .
بينما ارتفعت قيمة المائة ين الياباني مقابل الدولار الأمريكي بنحو 0.1% عن مستواها في الأسبوع السابق.

ايه رايكوا في الكلام ده

يا راجل حرام عليك - اهذا هو التحليل العلمي والاقتصادي والكلام الجاد الذي اشرت اليه في مشاركة سابقة-غبور تعاملها مع كوريا اي بالدولار - وحضرتك اعتبرت انخفاض في سعر الجنية بواقع0.04% مقابل الدولار اعتبرته تحرك لسعر الصرف يوجب تغيير السعر - سياسة تسعير كاملة لشركة محترمة تتغير نتيجة تحرك قدره0.04% ( هل تعلم الموضوع ده ياخد وقت اد ايه -ان كان يتم بطريقة علمية) وعلي كدة لما يحدث تحرك 0.04% لصالح الجنية بعد يومين ثلاثة ان شاء الله سوف تعاد الحسابات من جديد ويتم تخفيض الاسعار (يعني سيارة ثمنها 100000جنية وتذبذب سعر الصرف ب 0.04% اي تغيير السعرب 40جنية بفرض ان كل ال100000جنية مقابل دولارات وهذا مستحيل )-اكيد حضرتك بتهزر مش كدة........... واسف علي الاطالة

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

طيب انا ممكن اسأل حضرتك سؤال ..
انا كنت زبون محتمل لغبور و كنت مستعد ادفع 100 الف في عربية ..
و لما رحت اتفرجت على الاربي الاتوماتيك لقيتها ب 103 الف جنيه ..
و كان معايا 3 اصحابي و احنا التلاتة كنا عايزين نشتري عربيات..
و بنظرة سريعة على امكانيتها و حجمها ..
و بمقارنة سريعة بينها و بين العربيات اللي كانت و اقفة جنبها في المعرض ..
زي البومة و الالنترا القديمة و السيراتو .. عربيات كاتجوري تاني خالص ..
احنا التلاتة اجمعنا في نفس الوقت انه سعرها غير مناسب اطلاقا ليها ..
و انه و سامحني السياسة التسعيرية في غبور استهبال رسمي ..
معتمد على اسمه و شكل العربية الحلو ..
و طنشنا الاربي في لحظة الفرجة عليها.. لاننا حسينا انه غبور بيسرقنا
احنا موش بتوع اقتصاد علشان نحلل اقتصاديا هو ليه مغليها كده ..
بس احنا 3 دكاترة بفكرنا البسيط حسينا انه غبور مستعبط و بيسرق الناس ..
حاول تفهم كلامي و تفسرلي احنا طنشنا الاربي ليه ؟

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

اعتقد انه مش هيرد

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

اقتباس:

المشاركة الأصلية كتبت بواسطة Mr.Mamo (المشاركة 534203)

ايه رأيي في الكلام ده؟

سعر الدولار لما غبور بيه رفع السعر بعد الثورة كان وصل 6.25 جنيه
الدولار سعره نزل الى 5.95 و بعديها غبور رفع السعر للمرة الثانية!!!!
و ثم لما سعر الدولار يرتفع 0.04% بما يعادل 4 قروش لكل مائة جنيه!!! يعني 40 جنيه لسيارة ثمنها مائة الف جنيه!!! عمرك سمعت ان غبور رفع سعر اي سيارة 40 جنيه؟