|
رد: لو سمحت ؟؟؟؟ إركن فى مكان تانى
انا اكتر حاجة بتنرفزني الحجارة الكبيرة بتاعة الرصيف
كل واحد يخلع حتة من الرصيف و يحطها امام بيتة عشان محدش يركن مكانة حتي لو كنت هتركن 5 دقايق و ماشي. انا لما بقرف قوي بقوم نازل شايلها و راكن و اللي يولع يولع. منا ممكن يكون معي والدتي (سن كبير و لازم انزلها عند دكتور مثلا وللحظ السئ الدكتور في نفس عمارة الباشا الي حاطط الحجر) |
رد: لو سمحت ؟؟؟؟ إركن فى مكان تانى
اقتباس:
جزاك الله خيرا على المشاركة |
رد: لو سمحت ؟؟؟؟ إركن فى مكان تانى
موضوع جميل يا مؤمن و جاي على الجرح
أنا حاحكي قصة بسرعة و عايز رأيك و رأي باقي الأعضاء يوم الأربعاء الماضي كان عندي ميعاد في باكوس - و ما أدراك ما باكوس - و باكوس لمن لا يعرفها خصوصا شارع السوق مأساه بكل ما تحمله الكلمة من معاني من بلطجة وسد الطريق بالباعة الجائلين و و و و حدث و لا حرج المهم كان صلاة العصر قربت و الاذان أذن و الاقامة قربت و عديت شارع السوق بالعافية و بادور على مكان أركن فيه ... مأساه لحد ما لقيت ركنة على ناصية شارع جانبي ضيق بجوار باب محل أظنه خاص بمستلزمات السبوع و خلافه و ظننت أنه لن يضايقه خصوصا أن المنطقة مزدحمة جدا و غالب الناس تسير على الأقدام و كمان كان ليه باب تاني على الشارع الرئيسي !!! يعني المفروض إن مفيش مشكلة و خليني أفكركم , أنا متأخر و صلاة الجماعة حاتروح عليا .... لقيت واحد طالع لي من جوة المحل و السيناريو إياه بتاع أكل العيش و الفول و الكلام الخايب دة أنا في العادة مبحبش المشاكل و بكبر دماغي و في الغالب بمشي بس المرة دي متأخر اتكلمت معاه بالذوق شوية و هو بمنتهى الالحاح بابتسامة صفراء تحمل اليقين من طردي من مكان اباؤه و أجداده معلش يا بيه علشان فيه عربية بضاعة جاية !! كل دة مش مشكلة المشكلة الكبري إن الحاج صاحب المحل بيبرطم من جوة خليه يركن في مكان تانييييي الشارع كله مش عاجبهههههه جااااي يركن أدامي خلييه يغور ( أو حاجة شبه كدة ) طبعا عملت مطنش و اثرت السلامة و عدم الدخول في عراك خصوصا أنه المفترض إنه راجل كبارة ( المفترض ) ذهبت و الدماء تغلى في عروقي .. الخلاصة حاولت الركن في جراج و لم برضى إلا بأخذ المفتاح فرفضت حاولت الركن في شارع ضيق بجوار رصيف عالي و كنت باتكلم في الموبايل خبطت الرصيف في عتبة العربية ( العتبة اتعجنت ) ,,, حسبي الله و نعم الوكيل و الأدهى و الأمر فاتتني صلاة الجماعة و صليت جماعة ثانية و هذه أكبر مصيبة و الله حسبي الله و نعم الوكيل |
رد: لو سمحت ؟؟؟؟ إركن فى مكان تانى
اقتباس:
لا حول ولا قوة إلا بالله معلش عوضك على الله يعنى مش عارف امتى سينتهى سيناريو دة محل أكل عيش يعنى انا جاى اركن رخامة مثلا ما انا اكيد جاى لمصلحة وماشى على طول حسبى الله ونعم الوكيل ربنا يرحمنا |
رد: لو سمحت ؟؟؟؟ إركن فى مكان تانى
بصراحه انا اما اجى اركن فى مكان ويحصلى كده بدوس فى قلبه وقلب اللى خلفوه حتى لو هقف جنب العربيه عشان ما يعملش فيها حاجه بعد ما امشى المهم اضايقه بما فيه الكفايه عشان يفكر الف مره قبل ما يعملها معايا تانى
|
رد: لو سمحت ؟؟؟؟ إركن فى مكان تانى
اقتباس:
جزاك الله خيرا على المشاركة |
رد: لو سمحت ؟؟؟؟ إركن فى مكان تانى
امال بقا تعمل ايه لو قولتلك الشارع الى احنا فيه و الى بيحصل فيه
احنا فى شارع رئيسى بعدنا بحوالى 50 متر و فى شارع موازى فيه الى احنا ساكنين فيه طوله بتاع 50 متر برضه بس الشارع ده مسدود مقفول يعنى و الناس اصحاب البيوت الى فيه بتركن فيه و كان فيه حتتين ارض فاضيين برضوا بيسدوا فى الركنه و كده بعد فترة قام اصحاب الاراضى الفاضيه ده عاملين عليها سور و قفلوها كل قطعة ارض كانت بتاخد 5 عربيات اقل واجب كده يبقى الشارع نقص 10 اماكن ركنه طبعا العربيات ده طلعت على الشارع المقفول ده و بقا الركن صعب اوى و متلاقيش مكان للركنه و ككمان الناس الى مش بتلاقى مكان على الرئيسى تدخل شوارع جانبية و الى ذ1اد و غطى البيت الى قدامنا قام حاططط حديد باقفال علشان محدش يركن قدامة (مع العلم انهم معندهومش غير عربية واحده ) و الحديد ده بياخد مكان 3 عربيات دا غير الخناقات اليومية مع اصحاب المحلات علشان يسيبونا نركن فى الشارع مع انى ضد انى استأذن حد فى انى اخد حقى انى اركن قدامه |
| الساعة الآن 12:54 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017