المشاركة الأصلية كتبت بواسطة moko_2004 (المشاركة 547635)

اسمع بقي مني و خد الكلام و من الأخر عشان متدفعش فلوس كتير في الفاضي
رقم واحد تنظيف الرشاشت مبيكونش باليد دة لية مكنة مخصوص اسمها الترا سونيك و دي بتكون الفيصل النهائي في موضوع الرشاشات بتبين لو الرشاش مسدود هتقوم بتسليكة و لو بيسيل تعرف مين محتاج تغير كام صباع وتغير اللي محتاجة فقط
لا تغيير برشاشت هيونداي لأنها بتخنق العربية موت يعني متسألش عن السحب و لكنها بتوفر بنسبة بسيطة للبنزين رشاشت البي ام عمرها اطول كتير و لكن استهلاكها اعلي سنة في البنزين و سحب العربية بيكون افضل كتير
رقم اتنين موتور النوبيرا 2 كامة ومعروف عن النوع دة تحديدا انة ابطأ سنة في الطلعة و لكن في السرعة العالية بيكون قوي جدا غير موتور الانوس اللي واحد كامة طلعتة اسرع وبيفقد عزمة بشكل اسرع علي السرعات الكبيرة و المقصود بالسرعات الكبيرة 110 فما فوق
ثالثا طبيعي جدا جدا ان صوت الموتور يعلي و انت بتزود السرعة بناء علي عدد اللفات الحالية و لا تحاول مقارنة العربية المانيوال ال 5 نقلات بالأوتو 4 نقلات لأن الخمس نقلات مريح اكتر للمكنة

وحاول افصلك كل سرعة و الأر بي ام بتاعها عشان تكون في الصورة"الكلام دة للأوتو فقط"
100 بتكون عند اقل من 2.80 و 110 عند 3 و 120 عند 3.4 و140 عند 3.85
و150 عند 4.2 و 160 عند 4.5 و 170 عند 4.8 و180 عند 5 و 190 عند 5.4 و200 عند 5.6 و210 عن 5.8 وتقفيل الأمبير 220 عند 6 و 230 حالة نادرة جدا بيكون اول الريد زون يعني 6.4
وطبعا لو عربيتك حالتها فل فل اخرك اخرك اخرك اخرك 185 الا لو مركب موتور اكبر
الكلام السابق ينطبق في حالة الأوتو فقط اما المانيوال بيكون الار بي ام اقل نسبيا من الأرقام المذكورة
و اعرفها ان النوبيرا من بعد 120 بيكون صوتها عالي جدا و لا تقارنها بالياباني لأن فية "فرق تكنولوجيا"

المشاركة الأصلية كتبت بواسطة mido_teto_009 (المشاركة 532085)

هو اللي بيحصل بالظبط ان مؤشر السرعة بوقف على 120 و مش بيزيد خالص
مع ان دواسه البنزين ما بتكونش وصلت للاخر يعني لسه فيه مساحة للدواسه و مهما ادوس السرعة ثابتة و مش بتزيد .
العربية دي شاريها من شهرين و لما سألت الراجل اللي انا شاريها منه على حوار السرعة ده قالي هي النوبيرا في مصر كلها كدة متثبتلها سرعة حسب المواصفات المصرية بس انا مش مصدقه .
فياريت تفيدوني لو العربية متثبتلها سرعة اليكتروني ازاي اعالج المشكلة دي و لو مش مثبتلها سرعة ايه الحل.

المشاركة الأصلية كتبت بواسطة fadymedhat (المشاركة 551954)

انا معايا نوبيرا 2005 بمشى بيها 200....شوف فلتر البنزين و نضف البوابات...