رد: حكايه صديقى والسياره الملعونه-2 روايه رعب واثاره وتشويق
 

يا باشا الفصه كلها غريبه دي لو نزلت في اجازء مطبوعه هتبقي تحفه

رد: حكايه صديقى والسياره الملعونه-2 روايه رعب واثاره وتشويق
 

-18-
عندما ادار رشدى سيارته لم تدر وفعلت مثلما فعلت ليلتها وبعد محاولات دارت
-قلت: لازم تاخد العربية للكهربائى يا رشدى
-هى ناقصة00 احنا مش حنرجعها 00 اصرف عليها ليه؟
-انت حر
- وذهبنا الى حسن الذى انزعج عندما رآنا
-قال له رشدى مباشرة :
-انا عايز ارجع العربية واخد فلوسى
-ضحك حسن بسخرية:
-ايه شغل العيال ده؟
-قال رشدى:
-احترم نفسك
-انا محترم غصبن عنك
-المحترم ميبعش عربية بالنصب والغش والاحتيال
-انا بعت لك عربية سليمة مية فى المية
-انت نصاب واحنا عارفين اللى فيها
وكاد ان يتشابكا بالايدى00 فباعدت بينهما وانا اقول:
-انت حترجع العربية واللا لا
-طبعا لأ واعلى ما فى خيلك اركبه
قلت مهددا:
-صدقنى حتندم
التفت لرشدى:
-بينا يا رشدى
عندما تركنا الرجل قال رشدى:
-كنت سيبنى عليه اربيه
قلت:
-ح تموته يعنى
قال متداركا:
-لا طبعا00 بس كام حتة امريكانى عشان افش غلى
قال هشام:
-اتنيل00 حسن عايز خطة00 تترتب كويس
قلت:
-كلام سليم وحسن ده ليه قعدة نفكر له
ادار رشدى السيارة فلم تدر00 وحاولنا مرارا وتكرارا ولكن بلا جدوى
قال هشام:
-ملهاش حل00 لازم كهربائى يشوف المارش
قال رشدى:
-هى المصائب لازم تتحدف ورا بعض00 طب وده ياخد كام
-ياخد كتير لو جبناه هنا
قال رشدى:
-نروح لورشة
قال هشام:
-ماشى00 ياالله جرها
ضحكت وقلت:
-مش حتفرق يا رشدى
وذهبنا للكهربائى ولم يأتى معنا فإضطررنا بسحب السيارة واخذها له
وعندما فحصها قالان المارش يحتاج لتغيير
انزعج رشدى:
-ممكن يتصلح؟
-ممكن
-خلاص صلحه
وشرع الرجل فى اصلاحه ونحن جالسون نتحادث
قال هشام:
-حسن ده حله ايه؟
قلت:
-مش عارف
قال رشدى:
-انا حااطارده فى كل مكان لحد ماهوه يطلب ياخد العربية علشان يخلص منى
ضحكنا وقال هشام:
-ما اعتقدش ان ده حل
قلت:
-الحل هوه بالضغط هو بالتهديد مش حينفع معاه غير كده
قال هشام:
-ده راجل بارد مش حينفع معاه ضغط
ضحك رشدى
-الحمد لله فيه واحد ابرد منى
وضحكنا00
قال هشام:
-تصدقوا لقيتها
قلت:
-صحيح؟!
قال هشام:
-الراجل الدكتور ان يد عادل وحسن ملوثة بالدماء
قلت منبهرا:
-الله عليك00 طول عمرك دماغك صاحية
قال هشام:
-احنا نهدد حسن بان احنا عرفنا سره وسواء صح او غلط اللى قاله الدكتور00 حسن ح يهتز
قلت:
-هوه ده الحل يا رشدى وسيبوا الموضوع ده عليا
قال رشدى:
-ليك هدية يا هشام لو نفع حلك ده
قال هشام:
-اعرف هديتى الاول انت مش مضمون
-كده برضه
-ياعم عزومة00 عشوة
هشام:
-عشوة مرة واحدة00 انا موافق
رشدى:
-طبق كشرى من الولد اللى جنب القهوة
هشام:
-وأنا اللى قلت ايه اللى حصل فى الدنيا
وسمعنا الصرخة00 مدوية00 !!!!!!!!!
الكهربائى ملقى على الارض والسيارة جاثمة فوقه!
كانت السيارة على مطلع وتزحزحت قطعة الخشب التى وضعها الرجل خلف الكاوتش الخلفى فانزلقت السيارة ومرت من فوق ساقه وببساطة انكسرت وحمدا لله انها لم تقتله!
تتبع باذن الله

رد: حكايه صديقى والسياره الملعونه-2 روايه رعب واثاره وتشويق
 

العربيه دي شكلها كده فيها عيب في الماستر العمومي ههههههههههههههه

رد: حكايه صديقى والسياره الملعونه-2 روايه رعب واثاره وتشويق
 

رد: حكايه صديقى والسياره الملعونه-2 روايه رعب واثاره وتشويق
 

و الله انا شايف ان حلاوتها فى طول القصه و التشويق اللى فيها

و جهه نظر

رد: حكايه صديقى والسياره الملعونه-2 روايه رعب واثاره وتشويق
 

الاخ العزيز\عادل
اظن انك لم تتابع الروايه من البدايه
وللعلم والجزء المثير الذى خذف على مدار13 مشهد00 حاز على اعجاب الجميع وقد شجعونى على استكماها وهى كانت مازالت فكره لم تكتمل00 واعتقد انه لايوجد تطويل فى الاحداث على الاطلاق
والورق المكتوب عندى مختلف كثيرا عن المنشور على الموقع لانه مكتوب بلغه ادبيه كنص أدبى وهناك أحداث كثيره لم ترو هنا وقد قمت بتعديل نصى هنا ليروى بطريقه قريبه للسيناريو والحوار حتى تتناسب مع العرض الحصرى على الموقع00
وللعلم فقد تلقيت عرض لتحويلها لعمل تلفزيونى وآخر لعمل سينيمائى وفى انتظار الموافقه على شروطى لان لى عمل أذاعى منذ عده سنوات تم التدخل فيه بشكل شوه معالمه وبالرغم من نجاحه وقتها الا اننى مازلت غير راض عنه0
واخيرا شكرا لاهتمامك

رد: حكايه صديقى والسياره الملعونه-2 روايه رعب واثاره وتشويق
 

شكر خاص جدا ل:
*الصديق الغالى:أحمد أنور
*أخى العزيز :احمد كار
*الصديق الرقيق :د0أليشع ثابت
*الحبيب الغالى جدا:اسلام جلال