مصر موتورز مجتمع السيارات - حد عندة تفسير للفديو دة

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - حد عندة تفسير للفديو دة (https://www.masrmotors.com/vb/showthread.php?t=68808)

رد: حد عندة تفسير للفديو دة

السلام عليكم اخوانى الكرام

الحقيقة من الفيديو كدة انهم مهربين سلاح و همة شكلهم حرمية بلاش فى واحد فين من الناس الى مش مبرشمة يستحمل الصاعق فى اذنة

و من التحقيق كدة انهم كانو عاوزين يعرفو مين صاحب السلاح يا جماعة الناس دى لو وقع راجل من بنت فى اديهم كانو هايتعاملو بالقانون دول ناس متبلدين

دول كالو ضرب لو انسان عادى كان مات ومع ذلك واقفين من غير اى حاجنة باين انهم مبرشمين بجد

عاوزين نساعد الجيش و الشرطة فى لم الناس دى

اما لو اعتقدنا خطاء فيهم لابد من محاسبة الظباط غير كدة يبقى تهريج البلطجية لازم يتهانو و ينضربو بالقديمة

رد: حد عندة تفسير للفديو دة

اقتباس:

المشاركة الأصلية كتبت بواسطة walidelwahsh (المشاركة 524724)

اللي ايده في النار مش زي اللي ايده في الميه الساقعة:125935~148:

مفهوم طبعا ان اللى ايدة فى النار غير اللى ايده فى الحاجة الساقعة
انا شخصيا بيتى اتعرض للسرقة قبل كده ولو كان الحرامى وقع تحت ايدى كنت يمكن اعمل فيه زى كده
بس لو انا مواطن عادى بدافع غضبى عملت كده المفروض اللى اتربى على الانضباط والعسكرية واللى درس القانون 4 سنين ميعملش كده ابداً والا يبقى مفيش فرق بينى وبينة والا تبقى شريعة الغابة هى الحاكمة
وزى ما قولت قبل كده يبقى بلاها اقسام ولا محاكم والعيل من دول نضربة فى النار فى ساعتها بدل ما بنصرف عليه من فلوس الدولة فى السجن اكل وشرب وترفيه (لزوم حقوق الانسان)

رد: حد عندة تفسير للفديو دة

اقتباس:

المشاركة الأصلية كتبت بواسطة تامين سيارات (المشاركة 524779)

و همة شكلهم حرمية
باين انهم مبرشمين بجد

يعنى يا استاذ عمرو احنا خلاص هنلغى البحث الجنائى والطب الشرعى والنيابة والقانون والمحاكم والمحاميين ونحكم على الناس بالشكل وهاتك يا ضرب واهانة فى اللى شكله يدى على بلطجى او شمام ؟؟

اتفضل يا استاذ ايمن aymanlaw ادى واحد كمان مؤمن معاك بنظرية لمبروزو :01F6EB~150:

رد: حد عندة تفسير للفديو دة

اقتباس:

حضرتك دى كانت مادة فى دستور 71 19 الباب الثالث:فى الحقوق والحريات والواجبات.مادة(42): كل مواطن يقبض عليه أو يحبس أو تقيد حريته بأى قيد تجب معاملته بما يحفظ عليه كرامة الأنسان، ولا يجوز إيذائه بدنيا أو معنويا، كما لا يجوز حجزه أو حبسه فى غير الأماكن الخاضعة للقوانين الصادرة بتنظيم السجون.
وكل قول يثبت أنه صدر من مواطن تحت وطئة شىء مما تقدم أو التهديد بشئ منه يهدر ولا يعود عليه.

اقتباس:

اتقوا الله وبلاش كلام كله جهل بالدين وبالقانون وبالاعراف الاخلاقية حتى

ده اللى بيبقى اسير حرب ميصحش يتعامل كده واللى عليه حكم الاعدام لا يصح انه يهان او ينكل به ونهينا على المثلى او التمثيل بالجثث ده حتى لطم او ضرب الوجهه منهى عنه تماما لان ربنا كرم بنى ادم وده الاسلام وديه الاعراف وده القانون الدولى والمحلى

ايه الفتاوى والاحكام اللى عمال اقراها ديه
ولما البهايم اللى المفروض تمثل القانون هم نفسهم اول ناس تخرقة وتنكل بمتهم (مازال برى الى ان تثبت ادانتة)
وواحد تانى يقولك اضربهم بالنار ،،
بالذمة يبقى ناقص ايه فى الجهل مش فينا
طب وايه لازمتة التعب والاقسام والمحاضر والقواضى والمصاريف ما احنا ندى للشرطة طبنجات وراشاشات واللى يلاقوه مش عاجبهم يضربو بالنار على طول فى ساعتها حتى يبقى اكثر ادمية من التعذيب

اقتباس:

ياراجل ده حتى فى الافلام العربى كان يجيبلك الظابط اللى بيعذب كده ليه هيبة ويقعد يعذب فى المسجون بنفسه لكن 4 ولا خمس ظباط جيش وشرطة قاعدين يضربو فى اتنين بالقفا ويكرهبوهم فى ودانهم
بالزمة ديه رجولة ولا ديه ديه فروسية
فعلا الاحرار يبكون شهدائهم والعبيد يبكون جلاديهم

:clapW15: :clapW15:

كدا جبتوا الخلاصة

يعني ولا القانون يسمح

ولا الدين يسمح

ولا حتي المروءة تسمح

رد: حد عندة تفسير للفديو دة

اقتباس:

المشاركة الأصلية كتبت بواسطة AboNoRa (المشاركة 524897)

والله اللي اعرفة ان دول مفسدين في الارض
(بغض النظر عن العبط والاستهبال الواضح بتاع الضباط اللي في الفيديو اثناء ضرب المجرمين دول والسخرية منهم )
ويكون عقابهم زي كلام ربنا التالي :
إِنَّمَا جَزَاءُ الَّذِينَ يُحَارِبُونَ اللَّهَ وَرَسُولَهُ وَيَسْعَوْنَ فِي الأَرْضِ فَسَاداً أَن يُقَتَّلُوا أَوْ يُصَلَّبُوا أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْا مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ *
لكن منها لله حقوق الانسان اللي تخللي ناس زي دول رغم كل اللي بيعملوة ياخدو بالكتير 7 او 10 سنين سجن سواء عسكري او مشدد حتى لكن من الواضح انهم معتادين على كدا وواخدين على الحاجات اللي اتعملت فيهم رغم قسوتها بالنسبة لينا احنا
تقبل تحياتي يا ابو نورا
(على فكرة دي مية ساقعة مش حاجة ساقعة عشان الحاجة الساقعة فيها سكر وتبقى ملزقة وتحتاج تغسل ايديك بعد ماتحطها فيها...ههههههههههههه)

رد: حد عندة تفسير للفديو دة

يا جماعة انا عاوز اعرف حاجة

دول بلطجية ولا لاء ؟؟..... سبب فى مصايب كتير ممكن تحصلنا ولا لاء ؟؟

تعالو عندنا فى وانتم تعرفوا يعنى اية بلطجية ومطاردات ع الطرق وكمية العربيات الى بتتسرق ؟؟

والقرف والهم الى عايشين فية

واحد هددودة باابنة الصغير وضربو والتانى دبحة امة ودامة والتالت كان عاوزين يغتصبو بنتة لولا انة كان معاة سلاح وقتلهم

فمعلش مهما حصلهم لا يكمن ابدا دة يزعل حد فينا ولا يهز فى قلوبنا حتى لانة يستاهل اكتر من كدة كمان وكلكم هنا عارفين كويس انهم يستحقو القتل والاهانة ... مش دول بيقتلونا وبيهنونا بردة ولا اية ؟؟؟

رد: حد عندة تفسير للفديو دة

ايه يا شباب نسيتو لما كنا واقفين فى اللجان الشعبية و كان حرامى بيتمسك ولا بلطجى كان بيحصل فيه ايه؟!.الموضوع ان دول بلطجية و اتمسكوا ولو واحد فيكوا يلى عمالين تعلقوا من ورا الكيبورد كان حصلوا اى حاجة ولا اخته اتعكست وهى ماشية ولا اتثبت وهو ماشى و طلعوا فلوسوه الى هو شقيان فيها و خدوها لا ومش بس كده و عوروه كمان كنتم عملتوا اكتر من كده و زياده حبتين كمان.مش كل الناس الى هنا برضوا كانت بتطالب بأعدام البلطجية فى ميدان عام بعد سحلهم مش كده ولا ايه.ولا احنا اى كلمه ولا فيديو يودينا و يجبنا.وبعدين هما الناس ديه شكلها ايه يعنى استاذ ولا مدرس ولا موظف قصدى شكلها محترم يعنى ولا ايه؟؟؟؟.للعلم انا لسه جاى مشوار من شرم الشيخ سايق لحد القاهرة و قابلت يجى 10 كماين جيش و شرطه و كلهم بيتعملوا بكل ادب و احترام مع انهم و قفين على رجلهم فى الصحراء طول النهار معلش اة ده شغلهم لاكن المعاملة كانت بكل احترام فى كل الكماين و الله.(حمد الله على السلامه.لو سمحت الرخص.اتفضل.ممكن شنطة العربية.شكرا.اتفضل الرخصة. حمد الله على السلامه.) ده كان الحوار فى كل الكمائن و الله و للعلم يعنى انا شاب مش كبير يعنى فى السن ولا راكب عربية هاى لايف يعنى.فياريت نوزن الأمور بعقلنا شويه يا جماعة