مصر موتورز مجتمع السيارات - باركولى يارجاااااااااااااالة مصر موتورز ( جـــــــــــبــــــت اللوجان 2012 Black line ) أخيــــــــــــيراَ الحمد لله ....

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: باركولى يارجاااااااااااااالة مصر موتورز ( جـــــــــــبــــــت اللوجان 2012 Black line ) أخيــــــــــــيراَ الحمد لله ....

الف مليون مبروك وربنا يباركلك فيها

اقتباس:

المشاركة الأصلية كتبت بواسطة abdoalattar (المشاركة 511239)

الف الف مبرووووك على السياره..... الكاسيت فعلا بيقطع كل ثانيتين وده نوع من الامان فى الكاسيت عشان محدش يفضل مشغله فى المعارض وهو بيمسحها او قبل ما يبعها...... روح عند اى حد بتاع كاسيت خليه يفكلك الكاست من التابلوه ,بيجيب 4 عواميد ويدخلهم فى فتحات فى زوايا الكاسيت ويقوم شده لبره (اكتب رقم السكيورتى كود فى ورقه) وابعتلى الرقم وانا ابعتلك الكود ان شاء الله

يعنى متنفعش برقم شاسيه العربية .... أو أى طريقة تكون سهلة شوية غير الفك والتركيب .... لأنى بصراحة مش فاضى أروح التوكيل خاااالص اليومين دول .

وأنا متشكر جداَ لحضرتك على الإهتمام ومحاولة المساعدة .... وياريت بجد لو ينفع أشغل الكاسيت من غير ما أروح التوكيل . يامسهل إن شاء الله ....

ومتشكر جداَ لجميع الأعضاء إللى دخلوا الموضوع وباركولى وساعدونى والله أنا متشكر لحضراتكم جميعاً جداَ جداَ .... لكم جميعاَ جزيل الشكر .

شــــــــــــــــــــكـــ ـــــــــــــــــــراَ

السلام عليكم
الف مبرووووووووووووووووووووك
ربنا يحفظها يارب من كل سوء ويباركلك فيها
انا بس با فكرك بالموضوع بتاعي انت كنت وعدتني انك تحط صور خاصة بالعربية
وانا في انتظار الوفاء بالوعد
موضوعي اهو:
http://masrmotors.com/vb/showthread.php?t=67125

يا باشا الف مليون مبروك على العربيه
و ربنا يحفظهالك
AHLNWSHALNAHLNWSHALNAHLNW SHALNAHLNWSHALNAHLNWSHALN

بالنسبة للترخيص
1- بتدخل بالعربية من المرور وبتركنها علي جنب هيجيلك مليون واحد مبرووك يبية واحنا تحت أمرك وكدة سيبك وروح اول حاجةروح اشتري ورق ترخيص عربية من الخزنة 3 سنوات وهي عبارة عن 3 اوراق متشابهين ومعاهم ورقة اسمة البيئة وورقة لونها ازرق بتاعت البصمة والتعيين وورقة صغيرة لونها احمر بتاعت الطفاية الكلام دة ب 48 جنية و 2 جنية شاي سعتة
2- روح اشتري ملف بجنية وحط فية الاوراق
3- هات بتاع البصمة واديلو الي فية النصيب وخلية يرفع البصمة من علي الموتور
4-روح ادفع التأمين عند اي شباك تأمين 3 سنين (320 جنية)
5-روح لشباك الي بيبيع الطفاية واشتري واحة واديلة الورقة الحمرا الصغيرة (121 جنية
6- وروح للمهندس بتاع الفحص بأوراق العربية الي انت خدها من سمير ريان وهي عبارة عن (ورقة الافراج الجمركي - ورقة مبيعة الشركة المصرية للشركة السبع - ورقة مبيعة شركة السبع لسمير ريان - ورقة مبيعة سمير ريان لسيادتك - شهادة بيانات العربية)
7- هيقولك خرج العربية برة المرور وتعالالي تاني علشان اختملك الورقة
8- هتروح تخرج العربية وترجعلة هيختملك الورقتين (البيئة والفحص) وهيقولك روح اشتري المثلث وشنطة الاسعافات طبعا بيفرق من مرور لمرور (انا كان اجباري ان اشتري علشان انا مرور مدينة نصر (مثلث 30 جنية - شنطة اسعاف 45 جنية )
9-هتتدخل جوة المرور هتصور جميع الاوراق بتعتك الاصل وتحتفظ بيها ليك علشان هيخدو الاصل كلو منك
10- هتصور بطائتك صورتين
11-هتروح علي شباك اسمة (ترخيص سيارة ) وهتستني دورك
12- هيقولك تحت امرك هتقولة سيارة زيرو ترخيص 3 سنوات
13-هيقولك الف مبروك يبية كالعادة هيشوف الورق طبعا بعد ما تكتب بياناتك في ورقة من ال 3 وراقات المتشابهين بتوع ال 3 سنيين
14- هيقولك بطاقتك علشان يتأكد من بياناتك
15- بعد 15 دقيقة هيكون مسجل بياناتك وظبط الدنيا هيديلك ورقة بيقولك روح ادفع الضريبة 805 جنية هتقولة أية:fun_36_6_2[1]: هيقولك معلش علشان انت اول مرة تعلق النمر فتمنها لوحدها 155 جنية (ما علينا امرك للة روح للخزنة وادفع وتعالي روحلة تاني)
16-هيرجعلك البطاقة وهيقولك استني برة عند شباك استلام الرخص وهتستلم ببطاقتك
17- هتستني من 30 دقيقة الي 60 دقيقة حسب الضغط وهتسمع اسمك وكأنك سمعت احلي اسم فالدنيا :funny25:
18-هتاخد الرخصة وهتعد تقراها كلمة كلمة وحرف حرف وتوبسها وتحضنها والناس هتبوص عليك :fun_36_6_2[1]:وتقولك مبروووووووووووووووك
19-هتروح لشباك استلام الالواح المعدنية وتديلة الرخصة هيديلك اللوحة وهتلاقي عيل صغير او راجل واقف بيقولك هتعلق يبية هتقولة يلا بينا يبرنس :fun_36_1_12[1]:
20-هيخرم فالاكصدام وانتا حاسس انة بيخرم قلبك بس مش مشكلة هتقولة خليك حنين عليها وبراحة علي السنيورة اصلها اول مرة (وبردة الي فية النصيب )
21- اخرج بقة يابشا وربنا يحرصهالك من العين ويكفيك شرها وتكون وش السعد عليك وعلي عائلتك وربنا يبارلكلك فيها

الف مبروك عليك اللوجان انا لسه شاريها يوم 9-9-2011 ورخصت 11-9-2011 وهيا لوجان بترولي باك لاين

اتمني اني اكون افتدك
يبقي الاجمالي
ورق 48
ضريبة 805
طفاية 121
تأمين 320
مثلث وشنطة 75
احسب بقة وربنا يكرمك

اخوك محمود

اقتباس:

المشاركة الأصلية كتبت بواسطة sheko fun (المشاركة 511460)

من غير فك او تركيب روح للتوكيل اديهم رقم الشاسية هيدوك الكود و هما هيدخلوا الكود و يشغلوا

اقتباس:

المشاركة الأصلية كتبت بواسطة akerima (المشاركة 511255)

اية الكلام الجامد ده يا عمنا انت من التوكيل ولا اية - هو دا فعلا اللي عملة التوكيل معانا امبارح - بس انا افضل اللي يعمل كدة التوكيل عشان دي فيها فك وش التابلوه لايكسر في ايده ولا حاجة تبقي مصيبة

مفيش فك تابلوه ولا حاجه هو بيفك الكاسيت بس. لو لاحظت حتلاقى فى زوايا الكاسيت 4 فتحات هو بيدخل 4 عمدان صغيره فى الفتحات ويسحب بيها الكاسيت لبره بس .
انا مش من التوكيل بس انا زيك لسه مستلم العربيه والحمدالله الكاسيت شغال زى الفل بعد ما فكيت الشفره