مصر موتورز مجتمع السيارات - تسقيف حراره ولا بنزين ولا كهربا

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - تسقيف حراره ولا بنزين ولا كهربا (https://www.masrmotors.com/vb/showthread.php?t=67074)

رد: تسقيف حراره ولا بنزين ولا كهربا

اقتباس:

المشاركة الأصلية كتبت بواسطة mr_astra (المشاركة 506970)

مهو وش السلندر اسوا حالة لية هى اعوجاج واحتياجة للكشط
انا مش عارف يعنى اية اما نفك لو لقينا الوش بس عاوز خراطة نعملة .......وهو ممكن يكون فى اية اكتر من كدة ؟؟؟

باشا انا لسه مفكتش المكنه علشان اعرف حاله الوش ايه وبعدين انا قولت لحضرتك انى مش هاقشط الوش هاغيره باذن الله

الكلام اللي حضرتك مقتبسه دا كان رد علي كلام الاستاذ شريف لانى مفهمتش هو عايز ينصحنى بايه بالضبط

اقتباس:

المشاركة الأصلية كتبت بواسطة sherif fersh (المشاركة 506950)

أنت كده كده هاتفك وش السلندر .. صح ؟
يبقى بعد ما نفك لو لقينا الدنيا تمام
نقشط الوش بتاعنا و خلاص
لقينا مشاكل و مواضيع ... نشترى وش , نشترى مكنة أو نعمل طقم شمبر
حسب الحال من داخل الموتور
و لا أؤيد فكرة العمرة
و الله المستعان ‘

ارجوا انى اكون اوضحت كل وجهات النظر

رد: تسقيف حراره ولا بنزين ولا كهربا

واضح والله كلامك وانا عارف ان الجزء المقتبس من كلام الاستاذ شريف
كل اللى عاوز ااكد علية حاجة واحدة بس ان المكنة بتعتك سليمة والدليل عدم خروج اى عادم من الشكمان ولا خرطوم الفايظ ودى اهم نقطة يبقى نبعد تفكرنا تماما عن اى شغل فى الموتور والتركيز على مصدر الحرارة اللى حكمنا لعيب مبدئيا فى وش السلندر .......اما موضوع نقص الزيت حضرتك تفضلت وقلت ان جوان التاكيهات بيسرب وانا تخيلت او عندى اعتقاد ان فى تسريب اكبر من مكان تانى وتخيلت انة ممكن يكون اويل سيل كرنك او ما شابة ذلك
اية بقى اللى جاب الكلام لعمرة محرك او شراء مكنة استيراد
نضيف بقى حاجة جديدة فى المشاركة دى وهى انك تخلى الميكانيكى يكشف ويختبر مجارى المياه حولين البلوك عسى ان يكون فى انسداد جزئى فى حرجة المياه واكيد الكلام المكمل لدة هو مدى كفاءة طلمبة المياة
متواصل معاك بامر الله

رد: تسقيف حراره ولا بنزين ولا كهربا

اقتباس:

المشاركة الأصلية كتبت بواسطة mr_astra (المشاركة 506985)

واضح والله كلامك وانا عارف ان الجزء المقتبس من كلام الاستاذ شريف
كل اللى عاوز ااكد علية حاجة واحدة بس ان المكنة بتعتك سليمة والدليل عدم خروج اى عادم من الشكمان ولا خرطوم الفايظ ودى اهم نقطة يبقى نبعد تفكرنا تماما عن اى شغل فى الموتور والتركيز على مصدر الحرارة اللى حكمنا لعيب مبدئيا فى وش السلندر .......اما موضوع نقص الزيت حضرتك تفضلت وقلت ان جوان التاكيهات بيسرب وانا تخيلت او عندى اعتقاد ان فى تسريب اكبر من مكان تانى وتخيلت انة ممكن يكون اويل سيل كرنك او ما شابة ذلك
اية بقى اللى جاب الكلام لعمرة محرك او شراء مكنة استيراد
نضيف بقى حاجة جديدة فى المشاركة دى وهى انك تخلى الميكانيكى يكشف ويختبر مجارى المياه حولين البلوك عسى ان يكون فى انسداد جزئى فى حركة المياه واكيد الكلام المكمل لدة هو مدى كفاءة طلمبة المياة
متواصل معاك بامر الله

انا قولت مفيش دخان خارج من الشكمان

بس انا معرفش موضوع الفايظ دا

(معرفش مكانه فين في المكنه ) يمكن يكون فيه حاجه - هو دا خرطوم طالع من المكنه صح؟

معلش سؤال تانى لو فيه انسداد جزئي في حركه المياه مش دا بالتالى هيخلى المؤشر يعدي النص ولا لا ؟

رد: تسقيف حراره ولا بنزين ولا كهربا

اقتباس:

المشاركة الأصلية كتبت بواسطة ORGANIC_MAGIC (المشاركة 506991)

فعلا كلامك مظبوط وهو خرطوم خارج من المحرك
لو فى انسداد فى حركة المياة دة من شانة انة يعيق تبريد المحرك ويمنع التبادل الحرارى الحادث بين الماء الساخن والماء البارد الموجود بالردياتير وانت مش هاتحس بالموضوع دة لان الماء الموجود بالردياتير بارد والمؤشر بيديلك قراءة حرارة الماء الموجود باسفل الردياتير

رد: تسقيف حراره ولا بنزين ولا كهربا

بص ياباشا انا لسه جاى من عند العربيه افتكرت حاجه كدا ونزلت بصيت عليها

قربه الميه والريداتير مليانين زيت

يعنى الميه مختلطه بالزيت

يعنى الجوان في الباي باي

صح كدا

وربنا يسهل انا هاروح علي اساس انى اغير جوان

بس لو الجوان بايظ هو اللي ممكن يعمل كل دا ؟؟؟؟ ولا الجوان ممكن يكون اثر عل الوش كمان

وكدا اكون عرفت الزيت بيروح فين بيضيع في الريداتير والقربه بس اكيد مش كله يعنى فيه زيت تانى بيخرج صح ؟

ياريت تصححولى كل دا اجتهدات

رد: تسقيف حراره ولا بنزين ولا كهربا

طالما الزيت دخل علي الميه يبقي بيعدي من حتة ضغط الزيت فيها اعلي من ضغط الميه و ده نادر الحدوث بس بيحصل فكده ممكن يكون تلف الوش هو الي بوظ الجوان

رد: تسقيف حراره ولا بنزين ولا كهربا

طب معلش استفسار

هو هيغير الوش والجوان علي طول وانا واقف وهيشيل من الوش القديم يحط في الجديد
بس كدا

العمره بس هي اللي فيها تلين وتغير زيت وكدا

صح