رد: اول عربية سوقتها فى حياتك وبصراحة
 

دوجان اوائل التسعينات وكان وكان يوم شم النسيم وانا ساعتها فى ثالتة اعدادى نزلت ومعايا المفتاح اجيب حاجة من العربيه وقولت محدش واخد باله اخد لفة بسرعة وارجع (مع انى مبعرفش اسوق خالص ساعتها) بس يادوب مشيت ميت متر وكنت لابس فى بيجو سبعة راكب البيجو ادمر وشها تماما وعربيتى اتدمر الجنب الشمال واتشرخ الشاسية بعد ما طلعت على الرصيف سوقسوق

قعدت بعدها ما المسش عربيات ليجى خمس سنين وبعدها ركبت سيات بتاعة واحدة صاحبى واتعلمت عليها وبعدها البرايد الهاتش باك مارست السواقة عليها بجد :01F6EB~150:

رد: اول عربية سوقتها فى حياتك وبصراحة
 

اذاى الشاسيه اتكسر ؟؟

رد: اول عربية سوقتها فى حياتك وبصراحة
 

فيات 132 بتاعت الحج كنت بنزل اسخنها الصبح وانا رايح المدرسة وبعد كدة جاب لانوس موديل 2000 عالزيرو كنت بسرقها وعلمت نفسى السواقة من غير ما يعرف
ولما دخلت الكلية جابولى 128 موديل 87 عمرى ما حنساها كنت ايامها لسة مطلعتش رخصة وكانت مركونة تحت البيت اخدت واحد صحبى وخرجنا بيها وكنت اول مرة اسوقها وحظى الزفت جدى شفنى واخد المفتاح لحد ما اطلع الرخصة و اول لما كملت ال18 سنة روحت طلعت الرخصةو نزلت بيها بليل و ولعت بيا :01AD96~139: اة تخيلو اول نزولة بالعربية ومعايا صحابى بقى ولسة حنمشى لاقيت الدخان طالع من الكبوت :110105no44: بعدها عالطول اتباعت
وجبت عربية عمى هوندا اكورد موديل 80 ودى تعتبر اول عربية مارست بيها السواقة بجد وكانت فى الاول مش عجبانى عشان شكلها القديم وحجمها المبالغ فية كأنى راكب سفينة :10FEE3~144:
وكانت اصيلة لازم تعطل فى اخر يوم فى الامتحانات بس ليها الفضل عليا انها علمتنى الميكانيكا دانا دخلت قسم ميكانيكا مخصوص عشان اعرف اصلحها بنفسى ومروحش لميكانيكية تانى و فى البكالوريوس جبت فيرنا 2010 عالزيرو
حمالة اسية والله :286:

رد: اول عربية سوقتها فى حياتك وبصراحة
 

بيجو 505 بجد احلى عربية واحلى ايام وكل حاجة اعرفها انهاردة فى العربيات كان بسبب بيجو 505

الف شكر ياباشا ع الموضوع الجميل دة

رد: اول عربية سوقتها فى حياتك وبصراحة
 

فيات 124 موديل 1974 بتاعة والدى زمان جدا كانت فابريكة برة وجوة وتقريبا زى الزيرو
وشكرا

رد: اول عربية سوقتها فى حياتك وبصراحة
 

بصراحة مش فاكر لاني ركبت كتير جدا بس كنت بركب اي كلام كده اخد لفة ادخل الجراج اسخن العربية
لكن اول عربية امشي بيها في الشارع والزحمة بقى وملفات وعربيات كتير كانت سكودا فيفوريت 94

رد: اول عربية سوقتها فى حياتك وبصراحة
 

اول عربية كانت بويك اسكاي لارك في سلطنة عمان وكان عندي وقتها 12 سنة كانت اتوماتيك وكان زمان المنطقة بتاعتنا تقريبا فاضية تماما مفيهاش لا عربيات ولا بني ادمين فكان والدي رحمة الله علية حابب يعلمني السواقة من الصغر وبما ان العربية كانت اتوماتيك وباور وسايقة نفسها الموضوع مكانش صعب