مصر موتورز مجتمع السيارات - عداد الـrpm باطل يا رجاله .. باااااااااااااطل

مصر موتورز مجتمع السيارات (https://www.masrmotors.com/vb/index.php)

- لانسر بومه (https://www.masrmotors.com/vb/forumdisplay.php?f=204)

- - عداد الـrpm باطل يا رجاله .. باااااااااااااطل (https://www.masrmotors.com/vb/showthread.php?t=66693)

رد: عداد الـrpm باطل يا رجاله .. باااااااااااااطل

اقتباس:

المشاركة الأصلية كتبت بواسطة remomagdy (المشاركة 517044)

مش عارف صدقني يا حازم .. انا من ساعه ما اشتريتها و هي كده
ممكن يكون السير متغير من بدري
بس هو سير الكاتينة دة شغل ميكانيكي ولا كهربائي ؟
وهل انا كده مذطر اغيرة تاني ولا تتظبط بس؟
شكرا ليك بجد

انا تعبي من الحكاية دي .. دي بتخلي العربية تستهلك بنزين كتير وفي ظل ازمة البنزين دي انا اتعقدت اصلا

بص يا معلم حطها على الجهاز يعملها كشف وشوف العيب ايه
اعتقد انه اما من البوابة او طلمبة البنزبن
الميزة ان البوابة عيبها هايبان مع الكشف على الجهاز
لكن لو مافيش عيب طلع على الجهاز يبقى الطلمبة
ربنا يوفقك للصح

رد: عداد الـrpm باطل يا رجاله .. باااااااااااااطل

اقتباس:

المشاركة الأصلية كتبت بواسطة remomagdy (المشاركة 517042)

يا نهااااااااااااااار ابيض مخطط ابيض و منقط برضو بابيض
انا رحت نضفت حساس السلانسية (بلف الايدل) زي ما قولتولي
ولية المشكلة هي هي .. الراجل قالي ممكن دة يكون بوابة البنزين .. بيقولي نغيرها و نتاكد .. وهي تمنها 600 جنية .. وبعد ما يغيرها ممكن تطلع مش هي اصلا
اعمل ايـــــــــــــــــــــــ ـــــــــــــــــــــــــ ـة؟؟؟؟؟؟؟؟؟؟؟؟؟؟

حضرتك مخسرتش حاجة احنا ماشين خطوة خطوة فى اتجاه حل المشكلة
و ابتدينا باشهر حاجة تسبب الموضوع الا وهو تنظيف صمام الايدل و ده يعتبر اجراء وقائى
الخطوة التانية من ابو بلاش اكشف على كل خراطيم الفيكم الى راكبه فى الثروتل بدى حتى كمان خرطوم السيرفو ممكن خرطوم منهم مش متثبت كويس او مخروم برضه اى جوان فى جسم البوابة او مانيفولد الهواء لو بينفث ( طبعا حيشفط هواء ) حيخلى ال ecu تستجيب بطريقة متذبذبة و تعمل اوامر متتابعة لتعديل وضع صمام الايدل مسببة تذبذب ال rpm
لو تم التاكيد ان كل الخراطيم و الجوانات سليمة و مفيش اى شفط هواء غير طبيعى يبقى جرب صمام ايدل استعمال ( على تجربه ) يعنى لو المشكلة زى ما هيا ترجعه و تاخد فلوسك تانى

رد: عداد الـrpm باطل يا رجاله .. باااااااااااااطل

انا معايا لانسر 2007 اوتوماتك
العربيه اول ما بتدور بتسخن نفسها و الاربم بيعلي الواحدوا من غير مادوس علي البنزيين علاشان العربيه بتسخن و ده عادي جدا
و بعد كده بينزل حبه جبه بالتدريج مده تقريبا من دقيقه ل 3 حسب درجه حراره الجو
ممكن يكون لبيحصل معاك طبييعي جدا
و علي فكره العربيه ممكن تجري علي 30 من غير مادوس علي البنزين خالص لو طلعت بيها مره واحد من غير ماستني و هي بتسخن نفسها و كل ده عادي جدا

رد: عداد الـrpm باطل يا رجاله .. باااااااااااااطل

المشكلة عنده يا استاذ هانى ان ال rpm يعلى و يوطى و يعلى و يوطى و يعلى و يوطى ......... مستمر

رد: عداد الـrpm باطل يا رجاله .. باااااااااااااطل

اقتباس:

المشاركة الأصلية كتبت بواسطة walidelwahsh (المشاركة 517101)

اللي فهمتة ياباشا ان طلمبة البنزين لو فيها مشكلة العربية مش هتسحب خالص .. و الجهاز كشف عليها و مطلعش حاجة

رد: عداد الـrpm باطل يا رجاله .. باااااااااااااطل

اقتباس:

المشاركة الأصلية كتبت بواسطة احمد على 1999 (المشاركة 517839)

انا متشكر جدا يا احمد انت بجد خبرة وربنا يكرمك
اللي حصل انا اما قلت للراجل كده
قالي هي في الاول عايزة مبرد مراوح (البلاطة) ودي اللي بتتحكم في سرعة دوران مروحة التبريد لانها كانت دايما شغالة علي اسرع سرعة حتي و العربية بادرة
مطلعش العيب منها قالي يبقي كده في قفلة في ضفيرة الكهربا و السوتش بتاع المروحة
المهم غيرنا السويتش اتظبطت موضوع دورة التبريد دة و دة بيخليها متبقاش عالية لانها بقيت بتسخن وفبالتالي بقيت توطي شوية
المهم قالي كده نبدأ في ضفيرة الكهربا .. المهم ظبطها العربية اتغيرت تماما بقيت كأنها عربية تاني
و اتظبطت كل حاجة فيها الحمدلله
مع اني لسة حاسس ان لسة في سنة تذبذب في عداد الار بي ام بس الشكر لله اولا و ليكم ثانيا العربية اتظبتط وبقيت احسن من الاول بكتير جدا

رد: عداد الـrpm باطل يا رجاله .. باااااااااااااطل

اقتباس:

المشاركة الأصلية كتبت بواسطة hanysgf (المشاركة 518597)

ميرسي ليك يا هاني .. بس المشكلة عندي اني حتي وانا ممور العربية وواقف الاقي العداد عندي عمال يعلي و يوطي .. وصوت الماتور برضو بيعلي و يوطي
بس الحمدلله وبمساعدة اعضاء المنتدي العربية اتظبطت والحمدلله