رد: ارجوكم ساعدونى والله بنام مهموم من الرجة اللى فى الماتور
 

شوف يا غالى .. انا معايا هيونداى افانتى (النترا كورى) 97 .. وموتورها شبه موتور الفيرنا جدا ..

اولا العربية كده واطيه شوية زياده عن اللزوم ..

وعلشان تعليها الموضوع سهل جدا جدا ..

هتيجى عند حساس الايدل و حاول ترفعه لفوق او تنزله لتحت .. يعنى الحساس نفسه بيتحرك علشان يعلى او يوطى الموتور .. وظبط فيه بحيث يكون الـ RPM على 800 تقريبا والعربية سخنه ..


ولو حبيت تنضف البوابة وحساس الايدل .. سهل جدا جدا ومتخفش خالص ..

هتحتاج اسبراى تنضيف بتاع الكربراتير بـ 15 جنية .. ومفك صليبة ..

هتبص على حساس الايدل هتلاقيه راكب بمسمارين فى البوابة وراكب فيه فيشة .. فك الفيشة والمسمارين وكده هيطلع فى ايدك ..

ابدأ رشه بالاسبراى كويس لغاية ما ينضف ..





بص بدل ما اقعد اشرحلك نظرى شوف الفيديو لاخونا احمد كار وهيفيدك بالتاكيد ...


http://www.youtube.com/watch?v=GfVqZdmUaBI



طيب نفترض ان الحساس بايظ ومفيش منه امل ..

يبقى انسى التوكيل خالص وروح هاته استيراد واعتقد تمنه مش هيزيد عن 150 - 200 جنية ...

كشف الكمبيوتر ابو 200 جنية ده بيتعمل بـ 30 - 50 جنية بالكتير ...


لازم بس انت تجمد قلبك شويه بدل المصاريف اللى عمال تصرفها ع الفاضى فى التوكيل ... وعربيتك فيرنا يعنى عربية الشعب وكتير اوى بيفهموا فيها ..

وخلى التوكيل للحاجات الكبيره زى تغيير سير الكاتينه مثلا ...

رد: ارجوكم ساعدونى والله بنام مهموم من الرجة اللى فى الماتور
 

شكرا يا استاذ حسام وانا هجيب الاسبراى بكرة وهجرب انظفة ولو منفعش يبقى ربنا يسهلها وشكلى كدة هفكنى من موضوع التوكيل ما هو ممكن ينظف باقى الحساسات بيوظهالى هو دا اللى خايف منة ما هما مش ملايكة اللى شغالين جوة
صنايعية برضة وفيهم الكويس والوحش ربنا يسهل

رد: ارجوكم ساعدونى والله بنام مهموم من الرجة اللى فى الماتور
 

فعلا كلامك صح ..

وبعدين الموضوع بسيط زى ما قلتلك .. وعلى فكره الايدل مش حساس ..

ده عباره عن بلف بيتحكم فيه موتور كهربائى صغير علشان يقدر يظبط السلانسية بتاع الموتور ..

بس هو بيتقال عليه حساس مجازا يعنى ..

اهم شئ انك تعلى العربية زى ما قلتلك بتحريك الحساس لفوق او تحت لغاية ما السلانسية يتظبط زى ما قلتلك .....

رد: ارجوكم ساعدونى والله بنام مهموم من الرجة اللى فى الماتور
 

انا عارف اني حلخبطكوا بكلامي ده بس لازم أقول الي في قلبي
مع احترامي الشديد لجميع الاراء المطروحة كلنا نيتنا حل المشكلة و طبعا احنا مش شايفين العربية
من الواضح يا استاذ محمد من وصفك لاداء ال rpm ان هو كده من ساعة ما جبت العربية فوالله اعلم مفيش داعي تحاول تعليه
برضه ده يشككني انه مش أيدل
بس فك و تنظيف الأيدل و البوابه خطوة ضرورية و حتي لو محلتش المشكلة فهو اجراء مفيد كخطوة في اتجاه تحليل العطب و كحاجة كده كده المفروض تتعمل كل فترة
التدرج في حل المشاكل كويس انه يبدأ من السهل السريع الغير مكلف

رد: ارجوكم ساعدونى والله بنام مهموم من الرجة اللى فى الماتور
 

احترم رايك طبعا وانا بقول انظف الاول واركب واجرب بس سؤالين اية هو انى احرك الحساس فوق وتحت ازاى وهو اساسا متركب بمسمارين يعنى مستحيل يتحرك من مكانة وهل لازم افك السالب البطارية ولا اية وانا شغال
واية هو الاسبراى اللى بيتنظف بية هل هو بتاع الكربيراتير ولا حاجة تانية
بسرعة والنبى عشان اجيبة بعد الصلاة

رد: ارجوكم ساعدونى والله بنام مهموم من الرجة اللى فى الماتور
 

انا اسف علي التأخير
متفكش السالب
و كويس انه بمسمارين يعني طلع زي بتاع اللانوس لان لما الاستاذ حسام اتكلم عن التعلية انا استغربت بس معلقتش لاني مشوفتش ماتور الفيرنا
عن نفسي بستعمل wd40 لتزيت عامود الصمام و كهنة لتنظيف الرأس المخروطي و البخاخ بتاع تنظيف الكاربريتور لتنظيف المجاري الهوائية و البوابة و في ناس بالبخاخ برضه بتنضف بيه الصمام ميضرش بس في الاخر رش علي العامود wd40 لتسهيل حركته
المهم تاخد بالك في احكام مطاطي بين الصمام و جسم البوابة اوعي يضيع او تنسي تركبه
اوعي تحاول تحرك رأس الصمام بالعافية
اوعي تدور العربية و الصمام مفكوك

رد: ارجوكم ساعدونى والله بنام مهموم من الرجة اللى فى الماتور
 

اقسم بالله مش عارف اقولك اية ربنا يكرمك وان شاء الله اوافيكم بالتجربة وربنا يستر هههه