رد: مشكله لما العربيه تسخن
 

رجعنا لنقطة الصفر
الرجاء معالجة مشكلة السخونة قبل قرار تغير الفتيس plz

رد: مشكله لما العربيه تسخن
 

يفضل فنيا

تغيير الردياتير

وتغيير زيت الفتيس

وتجربة آداء الفتيس والسياره بوجه عام

قبل الإقدام على مشروع تغيير الفتيس

رد: مشكله لما العربيه تسخن
 

طلبت كدا من الميكانيكى

اقترح حل ... ايه رأى حضرتك فيه ؟

اقترح تغير زيت الفتيس بزيت رخيص (اللتر 10 جنيه) لعدة ساعات
بغرض غسل الفتيس من الداخل

وبعد ذلك نحكم اذا كان العيب فى الفتيس ام الزيت ؟

فى معلومه تانى مش كنت اعتقد انها مهمة، لكن وانا باكلم الميكانيكى النهارده قال دى حاجه خطيره، وهى:

اثناء فك الريداتير لتصليحة ، وفك مواسير زيت الفتيس، فى كمية من الزيت سقطت فى طشت
الطشت كان اسود (واضح انه زيت قديم ملتصق فيه)
وبعد ما ركب الريداتير ... رجع الزيت المتساقط من الطشت الى الفتيس، الكميه كانت حوالى لتر ونصف

الميكانيكى النهارده قال ان الزيت داب فيه وساخه من الطشت وبهدلى الفتيس ولازم يتغسل بزيت رخيص الاول قبل ما نغير الزيت

ايه رأى حضرتك ؟

رد: مشكله لما العربيه تسخن
 

طبعا كلامه حلو
هو محدش ناوي يعالج مشكلة ارتفاع الحرارة الغير طبيعي و لا كله مقتنع ان مش مهم !!؟

رد: مشكله لما العربيه تسخن
 

لو غيرت الريداتير - المفروض الريداتير الجديد يعالج مشكلة الحرارة ؟
ولا ممكن بعد ما اغير الريداتير - تستمر مشكلة الحرارة ؟

رد: مشكله لما العربيه تسخن
 

عن نفسي بفضل استنفاز جميع المحاولات الغير مكلفة ثم التدرج لمحاولة ملاشاة العطب بدل ما كع مبلغ و الاقي نفس المشكلة ابتدت تظهر تاني و يطلع السبب في النهاية حاجة بربع جنيه و ساعتها اندم و اقول يا ريتني كنت ابتديت بيها
نصيحتي
قبل تغير الفتيس معالجة مشكلة ارتفاع الحرارة
التاكد من التركيب السليم للمروحة و متكنش مفارقة عن الرادياتير
لو مفيش نتيجة يبقي فك الرادياتير و التأكد من عدم انسداد السربنتينة و مواسير الفتيس و عمل تسليك له كأجراء وقائي
لو الرادياتير حالته كويسة يبقي سبب ارتفاع الحرارة حيبقي حاجة تانية
اما لو الرادياتير مفيش منه أمل يبقي ساعتها يتغير
كل ده بالتوازي مع محاولة تنظيف زيت الفتيس كما قال الميكانك و بعدها وضع زيت محترم بعد التأكد من ازالة اي اثار للزيت الملوث
و يا رب خير