رد: الحقوني العربيه بتنتش علي السرعات العاليه...مش عارف اعمل ايه؟
 

العيب 99.7 في الحجات اللي غيرتها
صلي علي النبي و وحده وحده معايا
اكتب نوع و موديل السياره وكود البوجيه اللي غبرته"الجديد "و انا هاشوف البوجيه وحضرتك ممكن لو ليك في الميكانيكا تركب سلك البوجهات القديم و نشوف لو اتعدل يبقي السلك مش مناسب او البوجيهات غاللبا حاجه من دول و طبعا لغايه دلوقتب ما دفعنش حاجه
و اخر حاجه ممكن اعملها ادفعك فلوس
ادعي لي :Wkiss5:

رد: الحقوني العربيه بتنتش علي السرعات العاليه...مش عارف اعمل ايه؟
 

أنا عملت تنضيف للبوابه والحساس اللي راكب فيها في الاول لاني معرفش هو ده حساس الايدل ولا ده حساس اكسجين ولا ايه بس الميكانيكي نضفه بمنظف كاربراتير هو والبوابه وربطه تاني.

بالنسبه لسير الكاتينه انا لسه مغيره بس مقدرش احكم انه تركيبه مظبوط ولا لا بس كل اللي شايفه ان العربيه وهي دايره علي السلانسيه بتبقي هاديه وصوتها جميل وواطي بس اما ببتدي احرق عشان اطلع تبداء بقي الصوت يعلي.

بالنسبه لموضوع بوش في طاره الكرنك أو ترس الكامه ده معرفش انا ممكن اعرفه ازاي؟

موضوع بقي البوش في اكس البوابه ياريت لو اتعبك يا استاذ احمد وتقولي فين الاكس واتاكد ان مفيش فيه بوش ولا لا ازاي.

وشكرا جزيلا لاهتمام حضرتك

رد: الحقوني العربيه بتنتش علي السرعات العاليه...مش عارف اعمل ايه؟
 

بوينتر باشا شكرا لمرورك الكريم
بس احب اوضح ان التنتيش علي السرعات العاليه بعد معملت شويه التعديلات الاخيره مظهرش تاني بس المشكله مازالت في النتشه الخفيفيه اللي بتبقي علي السلانسيه وانا ماشي او اما بنقل الغيارات ده طبعا غير استهلاك البنزين الخرافي اللي بيحصل ومش عارفله سبب

رد: الحقوني العربيه بتنتش علي السرعات العاليه...مش عارف اعمل ايه؟
 

اسمع انت بس الكلام ز هارجعها لك جديده
تابرحلخ دي بسيطه ان ضاء الله بس وحده وحده علي شان انا عارف العك بتاع الصنيعيه و هتفتح و تغرمك كتير
خليك معايا و الله البوجيهات و اسلاكهم يعملوا اكتر من كدا و انت مش خسران حاجه

رد: الحقوني العربيه بتنتش علي السرعات العاليه...مش عارف اعمل ايه؟
 

للتأكد أن مفيش بوش في أكس البوابة حتمسكه من جسم بكرة واير البنزين لأنها راكبه عليه و تحاول تحركه فوق و تحت أو يمين و شمال المفروض يبقي محكم و ميلوقش لأن البوش حيأثر علي قراية ال tps لان الأكس داخل فيه من الناحية التانية ده غير أن لو مبوش حيخلي البوابة وضعها مش مظبوط علي السلانسيه و الهواء يتسرب بشكل غير منتظم من حوالين القرص و يخلي الكنترول يتجن و يحاول يصحح من خلال صمام الأيدل و نفس المشكلة لو فيه أي تنفيث من جسم الثروتل سواء من جوان أو خرطوم

رد: الحقوني العربيه بتنتش علي السرعات العاليه...مش عارف اعمل ايه؟
 

عموما هوانا لسه جايب العربيه من شهرين وكانت حالتها في صوت الموتور مايعلم بيها الا ربنا وكانت لو مسخنتش تنتش وتلاقيها بتمشي وتقف وتبقي منظرها مسخره وكان في سلكين من اسلاك البوجيهات مشقوقين

فطبعا انا غيرت ببوجيهات الكتروني دلوقتي وجيبت اسلاك جديده تقريبا ب 50 جنيه واعتقد ان الحريق كويس ومعقول وللاسف مش هقدر ارجع للحاجات القديمه اللي كانت في العربيه لانها كانت بالفعل زباله.

انا كان عندي مع التنتيش تفتفه علي السلانسيه وكل ده راح اما غيرت فلتر بنزين ونضفت ال تي بي اس والبوابه وغيرت اسلاك وبوجيهات

بس مشكلتي حاجتين دلوقتي:
1- بحس ان الموتور بينتش مع اقل حرق بنزين كأنه اتكبسله بنزين كتير مره واحده
مش عارف اذا كنتوا هتفهموني ولا لا
( اقصد كانك دخلت بنزين ازيد من اللازم فالموتور بيتخنق في الاول وبعد كده تقوم سرعته زايده فاجأه نظرا لزياده كميه البنزين داخل الغرف وطبعا كل ده بيحصل في لحظات) وتلاقي الموتور نتش فعشان كده شاكك في حساس الاكسجين او حساس تاني لاقيت الاستاذ سمير عياد كاتب عنه بس معرفش هو موجود في الدايو ولا لا اسمه الماب

2- استهلاك البنزين مش عارف حاسس انه قليل قوي 180 كيلو في الصفيحه انا سمعت انها تعمل 250 كيلو علي اقل تقدير وده بيزود شكي في الحساسات.

وشاكر ليك جدا يا بوينتر باشا اهتما حضرتك وعموما انا ممكن اضحي شويه واغير الحاجات اللي كفائتها 50% حتي عشان اشتري دماغي قدام وخصوصا اني لسه شاري العربيه واحب اعمل شغل نضيف وكامل بس اشتري دماغي لفتره

رد: الحقوني العربيه بتنتش علي السرعات العاليه...مش عارف اعمل ايه؟
 

ابوحميد باشا شكرا علي شرحك الممتاز هجرب اللي قولتلي عليه واشوف النتيجه وهرجعلك اقولك لاقيت ايه

بس كان عندي سؤال:
هي الدايو فيها حساس كامه؟

اصل كنت بفكر اجيب تي بي اس وحساس اكسجين وكرنك جداد واركبهم واخلص
فكنت عايز اعرف في حساسات تانيه بتتحكم في جوده الاحتراق ونعومه الموتور ولا لا؟!!

ولوتعرف حاجه عن الاسعار ياريت تفيدني
انا كنت بس سألت قبل كده عن حساس الاكسجين لاقيت ألماني ب 190 جنيه في شارع دمشق