مصر موتورز مجتمع السيارات - استفسار عن سعر سيارة ماتركس مستعمله

صفحة 4 من 5

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - استفسار عن سعر سيارة ماتركس مستعمله (https://www.masrmotors.com/vb/showthread.php?t=57969)

ha_thewolf

14-06-2011 02:58 PM

رد: استفسار عن سعر سيارة ماتركس مستعمله

السلام عليكم يا tham1010
الحمد لله ربنا وفقني في شراء العربيه و الحمد لله جبتها اسكندريه من اسبوع

للعلم انا سالت علي الدفيندرات انت عندك حق في اسكندريه عامله 1000 جنيه بالتركيب
بس في واحد صاحبي قالي انت ممكن تجيب و احد مستعمل و بعد كده تديله وش نيكل و يبقي زي الجديد بالظبط انا لسه ما عرفتش هما عملين كام لان اليومين دول مشغول في الامتحانات حتي لغايه دلوقتي مركبتهاش و ادربت علي السواقه والصراحه اموت عاوز انزل اسوقها

tham1010

15-06-2011 07:48 PM

رد: استفسار عن سعر سيارة ماتركس مستعمله

أولا ألف مبروك ربنا يديك خيرها ويكفيك شرها... ثانية أرجو أن تداوم على المنتدى حتى يستفيد الكل من خبرتك التى مريت بيها. هل جبت الماتركس برضوا. نسعد لو نشوف صورة الأمورة عندنا فى المنتدى. لما تخلص إمتحان صورها لنا ونحط صور عربيتنا كلها. أنا زيك لسة متعلم السواقة وبرضوا زيك ببقى نفسى موت أسقها. أنت عندك رخصة؟؟ لازم تدرب على السواقة علشان إمتحان العملى

ha_thewolf

16-06-2011 12:03 AM

رد: استفسار عن سعر سيارة ماتركس مستعمله

الله يبارك فيك
و باذن الله ادوم علي دخول المنتدي ان شاء الله علشان والله بجد استفد كتير من المنتدي و اكيد لسه هستفيد اكتر و اكتر و يا رب اي معلومه تكون عندي تكون مفيده للاعضاء
ان شاء الله اخلص الامتحانات و اروق العربيه و اركب الديفيندرو انضفها و اصورها و ارفع الصور علي المنتدي

بس للاسف لسه مطلعتش رخصه فمستني اخلص الامتحان و اطلع رخصه وبعد كده ارخص العربيه

tham1010

17-06-2011 09:12 PM

رد: استفسار عن سعر سيارة ماتركس مستعمله

مش تنسى كمان إنك لسة هتركب التجهيزة لان الرخصة مش بتطلع إلا بتركيب التجهيزة. حضرتك هتركب بدل الدبرياج أنا عملته عند واحد فى القاهرة. اكيد فى الأسكندرية فى ناس شاطرة ولكن أنصحك تتأنى وتسأل كام واحد لانى كنت هدبس مع واحد كان طالب 300 جنبية لتجهيز الدبرياج....

ha_thewolf

19-06-2011 04:13 AM

رد: استفسار عن سعر سيارة ماتركس مستعمله

الصراحه في واحد معرفه قالي انه هيجبلي واحد يعملي التجهيزه بس التجهيزه دبرياج و فرامل و بنزين قالي في حدود 200 جنيه اطلع الرخصه بالجهاز و بعد كده هشيل الجهاز

tham1010

19-06-2011 08:14 PM

رد: استفسار عن سعر سيارة ماتركس مستعمله

200 جنية كويس. هو حضرتك مش محتاج التجهيز لانك بتعرف تسوق بدون التجهيز يعنى؟ ولا حضرتك من العاديين . الحقيقة أتلخبطت,,,,,

لو حضرتك مش محتاج التجهيز خلاص جيب حاجة أرخص. حاجة منظر يعنى لان الخامات هى اللى بتفرق

ha_thewolf

20-06-2011 03:21 AM

رد: استفسار عن سعر سيارة ماتركس مستعمله

بص يا سيدي انا الاعاقه اللي عندي اني قصير شويه فالمفروض اني مش بطول الدبرياج
بس اصحابي قالولي اني ممكن اطلها وبالفعل طولت الدبرياج بس مش جيبه للاخر فشارو عليا اني احط حته خشبه تعالي الدبرياج وبكده اقدر اسوقها من غير الجهاز وبالذات ان عاوز اخويا يتعلم السوافه هو كمان ولو كان ينزل بيها هو كمان

الساعة الآن 11:14 AM.

صفحة 4 من 5

عرض 7 مشاركات من هذا الموضوع لكل صفحة