رد: بلف التبخير
 

واضح باشمهندس انك خبره كبيره
شكرا ليك
معلش خليك معايا
بعد البحث واللف علي الورش ومراكز الخدمه
ناس قالت كنترول وناس قالت بوابه
طلعت تاني علي التوكيل قالو بوابه
غيرتها في التوكيل علشان ما يبقاش في شك
اللمبه نورت تاني
غيرت الكنترول
اللمبه نورت تاني
طلعت علي احمد مهران الكهربائي عنده قالي ولا كنترول ولا بوابه
العيب في بدال البنزين
والقرايه علي الجهاز بيترجموها غلط
الفرايه علي الجهاز بتكون ثروتل بدال
علي طول بيقولوا بوابه لكن المقصود انها ثروتل بدال المقصود بيها بدال البنزين الدواسه يعني لانها في الاسبرانزا كهرباء مش علي واير زي كتير من العربيات
المهم فك البدال ونضف الفيش باسبراي اكاي
وقالي لو نورت تاني البدال محتاج يتغير
هل كلامه فعلا منطقي وعلمي
وللك جزيل الشكر

رد: بلف التبخير
 

طبعا كهربائي احمد مهران صح و الباقي غلط
throttle pedal يعني دواسة البنزين
throttle body جسم البوابة

رد: بلف التبخير
 

السلام عليكم
الاخ صاحب المشكله اود ان تقوم بتجربه الاتى لان هدا العطل قابلنى مشابه له مره واحده
1- ادهب الى البلف الدى بجوار البوبينه والدى به خرطوم صغير داخل وخارج وبه فيشه 2 بن
2-انزع (فك) الخرطوم من الماسوره والتى تمتد من جانب عمه الهواء ناحيه البطاريه
3- اترك الخرطوم فى البلف وضع سداده(مسمار مثلا) فى الناحه الاخرى للخرطوم باحكام
ملاحظه لاتقلق من ناحيه الماسورة انها مفتوحه
4- شغل المحرك وتاكد انه يعمل بشكل عادى فى سرعه الخمول والعاليه
5- جرب السيارة على الطريق وتابع المبه
6- تابع الرد لمعرفه النتيجه
حمدى على ( سلملى على الصيدله)

رد: بلف التبخير
 

معلومه هامه
بلنسبه لكشف الجهاز قد يعطى عطل فى الثروتيل بسسب ان البلف متصل اسفله ويدخل تبخير بنزين زائد بسبب التشبع
وهدا يحتاج الى تغير لقربه البخار اسفل الرفرف الشمال امامى وهدا بدون التعقيد بمصتلحات
حمدى على

رد: بلف التبخير
 

اسمح لي احييك بشده
بجد والله والعظيم
الاخوه المتابعين معي
تم تغيير بدال البنزيين بواحد جديد 280 جنيه تاني خساره
الكارثه اللمبه نورت تاني
الكلام ده كان امس السبت
العربيه مبرجله بطريقه بشعه بتقطع وخنقه وتنتيش بين الغيارات
الدنيا اسودت واتخنقت ومش عارف اعمل ايه
كل حاجه غيرتها ومفيش فايده ومش قادر اوصل لحل
ماشي في شارع القصر العيني وجدت ميكانيكي بيصلح في 28 الشارع كان واقف سالته
ماتعرفش حد بيشتغل في اسبرانزا
قالي اطلع علي حمو كشه
مكانه ورا مشرحه زينهم
كهربئي تقيل قوي عربيات اشكال والوان وصنايعيه كتير وهو زي الباشا
مش بيمد ايده في حاجه
المهم كشف علي العربيه علي الجهاز قالي بوابه
قولت له لالالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالالالالالالالالا
مش بوابه
قالي الجهاز مسجل بوابه
قالي اطلع علي ميكانيكي اسمه سيد شغال في اسبرانزا
مكانه في اول شارع بورسعيد من السيده زينب
طلعت علي سيد حكيت له الحكايه كلها
تقريبا يا بشمهندس عمل اللي حضرتك قولت عليه بالضبط
وقالي هاتوفر بنزين والسحب هايزيد واللمبه مش هاتنور تاني
لكن هو مار ضيش يقولي عمل ايه بالضبط
قالي بصريح العباره علشان مانقلهاش لميكانيكي تاني
ياريت يابشمهندس التوضيح بالبدي هو عمل ايه
ولك جزيل الشكر

رد: بلف التبخير
 

لو مافيهاش رخامه
ممكن تليفونك
اكون شاكر ليك

رد: بلف التبخير
 

الاخ العزيز احمد الله ان العيب قد ظال من عندك
اما بخصصوص مادا فعل الاسطى سيد فلقد اوقف البخار القادم من التنك الى اسفل الثروتل
كى لا يعطل عمل البوابه (الثروتيل) وترك الماسوره لتفريغ البخار فى الهواء الطلق

اما رقم التليفون ادا سمحت اداره المنتدى 01224195391 hamdy ali FLASHCar