المشاركة الأصلية كتبت بواسطة د0تامر محمد (المشاركة 427592) يجب أن يعود أمن الدولة ويمارس مهامه كاملة للقضاء على حالة الإنفلات التى تمس أمن المواطن المطحون من عتاة المجرمين والخطرين على الأمن العام ولكن بشرط تطبيق القانون والعمل فى إطاره وعدم التجاوز كما السابق

المشاركة الأصلية كتبت بواسطة lover4ever8989 (المشاركة 427625) انا مع دكتور تامر لازم امن الدوله يرجع عشان يوقف المهزله الى عايشه فيها البلد دلوقتى لاكن بدون تجاوزات النظام السابق لان امن الدوله كانت بتحافظ على وجود الحزب الوطنى وشكرا على الخبر

المشاركة الأصلية كتبت بواسطة gobo (المشاركة 427637) لابد من وجود امن الدوله ولازم يكون ليها هيبه جامده ولكن بدون تجاوزات

المشاركة الأصلية كتبت بواسطة nktis (المشاركة 428248) شكرااا علي الخبر... ويا جماعه انتم عايزيين رجال الشرطه يتعاملوا ازاي مع اعتي المجرمين...لازم القوه والشده واحيانا العنف,, مستحيل ظابط شرطه هيهين واحد محترم...

معلش يعني هو الشعب عايز الجيش و الداخليه تطبطب عليه ؟
ده ايه الكلام ده يعني ؟ لازم يكون فيه شده و عنف عشان يواجهوا الارهاب و الاجرام اللي انتشروا في البلد
و بعدين يعني الجيش و الداخليه مش ناس عبيطه عشان يتعاملوا بعنف مع الشعب من غير سبب و لا ايه الكلام ؟
اصل معلش معظم المصريين كل واحد قاعد في بيتهم و ميعرفش حاجه عن الدنيا اللي حواليه و ايه اللي بيجري فيها
تعالوا شوفوا امريكا اللي انتوا عايزين يعيشوا زيهم
ال FBI ده نظام اللي بيروح مبيرجعش زيه زي امن الدوله اللي مش عاجب الناس
بس بيلعبوا صح في الدري و زي ما بيضربوا بالشمال بيدوا الشعب باليمين
مرتبات عاليه و عيشه نضيفه و حياه زي الفل و هو ده الفرق بينا و بينهم بس
فمعلش لو امن الدوله رجع تاني و لا الجيش دخل شمال في الشعب عشان البلد دي تتظبط
لا العمليه هنا زاطط خالص
انتوا عارفين ان في امريكا لما بيكون في حظر تجول بيحصل ايه ؟
و الله العظيم اللي بيبقي ماشي في الشارع عشان يشتري سجاير حتي
بيتضرب عليه بالنار رصاص حي يعني و في مقتل و مفيش حد يقدر يفتح بقه
هل بقه الجيش هنا عمل كده مع ان كان من حقه يعمل كده ؟
لا بس الصبر له اخر و لو اتفرض حظر التجول تاني محدش يلوم الا نفسه
و ياريت كل واحد مننا كمصريين يخليه في شغله و حياته و بس و ملوش دعوه بحد