رد: سحب العربيه ضعيف ؟؟؟
 

انا غيرت فلتر هوا والعربيه فاقت جدآ الحمد لله وسحبها بقى كويس
والمروحه صلحتها وشغاله حلو الحمد لله
دلوقتى فى مشكله فى خرطوم طالع من الماتور داخل فى الكربراتير الخرطوم ده بتاع فايظ الزيت فى ناس قالتلى شيله ده بيكتم العربيه وناس قالتلى لاسيبه ده بيعمل رطوبه للكربراتير عشان مايبقاش ناشف الصح ايه ؟
معلش ياباشا تعبك معايا

رد: سحب العربيه ضعيف ؟؟؟
 

فايظ الزيت ده حماية للبيئة فطالما مش مضايقك يفضل متفصلوش اما حكاية انه مفيد للكاربريتور فاول مرة اسمعها
الي متاكد منه ان جميع انظمة حماية البيئة بتبقي علي حساب اداء الماتور

رد: سحب العربيه ضعيف ؟؟؟
 

فايظ الزيت يبقى مشكلة لو المتور خفيف وبيدخن كدة يبخر زيت جوة الكربراتير وممكن يسد بكات البنزين ،لكن لو الموتور كويس يبقى مفيش منة مشكلة ولة دور فعلى ويظهر فى البرد الشدين فيؤدى الى تدفئة الكربراتير مما يحسن من تدفق الوقود الى غغرف الحريقAHLNWSHALN

رد: سحب العربيه ضعيف ؟؟؟
 

النهارده لقيت مشكلة السحب دى تانى بالاخص وانا كنت طالع الكوبرى كنت جايب بالعربيه 60 جبت الغيار الرابع والعربيه مش راضيه تزود سرعه معايا خالص وبسمع صوت شخلله فى الكاوتش اليمينفلتر الهوا ظبطلى صوت الماتور وصوته مابقاش عالى زى الاول والسحب بقى كويس بس بردو مش هى سحب العربيهوالعربيه اخرها معايا بقت تجيب 120 ومفيش تانى مابتجبش ازيد من كده الميكانيكى قالى ممكن اسطوانه بس ده انا لسه مغير الطقم غير كده اناسمعت عشان اتاكد ان الطقم كويس ولا لا اجيب الغيار الرابع واشيل رجلى سنه سنه من الدبرياج لو العربيه فصلت تبقى الطقم سليم ولما عملت كده العربيه فصلت يبقى الطقم سليم معرفش الموضوع ده حله ايه وانا بجد زهقت من الموضوع ده ومش لاقى ميكانيكى بيفهم خالص ايه الحل ؟

رد: سحب العربيه ضعيف ؟؟؟
 

غير بوجيهات وركب بوجيهات NGK سعرها حوالى 45 جنية ولو سلوك البوجيهات قديمة غيرها ..

غير فلتر الهوا وفلتر البنزين ..

اعمل تنظيف للكربراتير باسبراى تنضيف (بـ 15 جنية)

تأكد ان البنزين كويس .. لان فى احتمالية ان البنزين يكون مغشوش ...


عموما الفلاتر تغييرها مفيد حتى لو المشكلة مش منها ...

رد: سحب العربيه ضعيف ؟؟؟
 

حضرتك فى حاجة مهمة معملتهاش :
هل اندفاع العادم من الشكمان طبيعى ؟ أم ضعيف ؟ خلى حد يزود بنزين وارجع عند الشكمان وشوف اندفاع العادم بإيدك ( بس ابعد ايدك بمسافة امنة عن الشكمان علشان متتلسعش) اعتقد ان الشكمان لو مسدود او مليان كربون بيضعف عزم الموتور جداً ، اذا كان كدة يبقى تروح لبتاع شكمان يبص علية