مصر موتورز مجتمع السيارات - مياة ريداتير الاكسيل

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مياة ريداتير الاكسيل (https://www.masrmotors.com/vb/showthread.php?t=55179)

رد: مياة ريداتير الاكسيل

فعلا و الله اعلم المشكلة بسيطة ان شاء الله و حتبقى فى الشفاط
و مفيش تعب يا استاذ وائل
يارب المشكلة تروح

رد: مياة ريداتير الاكسيل

ما رأيكم فى الآتى
1 لللاهميه القصوى ترجع الثرموستات فى الكوعه لانها :-
- بتضبط درجه حراره الموتور على الدرجه الاقتصاديه متوسط 90 درجه مئويه و بالتالى بتطلع افضل خرج للموتور و احسن استهلاك بنزين .
- بيتهيا لكم ان العربيه بارده و ده صحيح بس ده بياثر على حاجات ثانيه فى دوره التشغيل .
2 - تعمل غسيل على المغلق بمزيل صدا معتمد و لا تتعامل مع الحاجات اللى بتكون مجهزه فى المحطات او بتوع الرادياتير لان نسبها موش مضبوطه فى اغلب الاحوال - ثم ضيف مياه تبريد معتمده تركيز 33 % موبيل او شل او توتال او اى مياه اخرى مضمونه .
3 - متوسط اللى هتاخده العربيه من 4.30 الى 5 لتر و طبعا معاك 1 لتر للزواده عند السفر او نقص الطبيعى نتيجه البخر.
قبل عمليه الغسيل بالدائره المغلقه اعمل الاتى :-
1 - اتاكد مافيش اى تسريب من الخراطيم و انها موش منفخه.
2 - ثرموستات تشغيل المروحه اللى فى الرادياتير سليم ومضبوط درجه الحراره زى الاصلى ( علشان يبقى ماشى مع ثرموستات الكوعه ) .
3 - اطمن ان المراوح بتاعه التبريد شغاله و مافيهاش بوش او محتاجه شربون او خلافه .
4 - ما فيش اى تسريب علشان الميه اللى هتضيفها بتكلفه و عطله وقت.
5 - اغسل وش السربنتينه من جوه و من بره كل شهرين بمسدس مياه من بعيد علشان الريش بتاعه سربنتينه التكييف و الرادياتير متتنيش و تسمح بدخول الهواء بسلاسه .
6 - تنظيف فلتر الهواء كل 5000 كلم و تغييره كل 20000 كلم فى المتوسط علشان العربيه تسمح بدخول كميه الهواء المناسبه و ما تتخنقش و تسخن منك فى الزحمه.GIFT4U

رد: مياة ريداتير الاكسيل

طبعا ثرموستات الكوعة وجودها ضرورى لان غلط الماتور يبرد عن المسموح غلط على الزيت و غلط على كفائة عملية الحرق
ونضافة السربنتينة (بس انا بعملها بهواء كومبريسور و لو بالميه يبقى يستحسن السربنتينة تبقى باردة) مفيدة جدا
طبعا تغيير فلتر الهواء مفيد جدا بالاخص لو تخليها بكتيره كل 10 الاف

رد: مياة ريداتير الاكسيل

اقتباس:

المشاركة الأصلية كتبت بواسطة احمد على 1999 (المشاركة 432115)

طيب انا السخن بتاع التكييف عندى ملغى هل فيه مشكله
وايه حكاية غسيل دورة مغلقه ؟
واجيب ثرموستات الكوعه ده جديد ولا استيراد
سؤال مهم
العربيه الحمد لله ماشيه كويس اسيبها وخلاص ولا كده غلط ؟
وشكرا جزيلا

رد: مياة ريداتير الاكسيل

لغى السخن مالوش تاثير خالص على الماتور
مشكلته الوحيدة ان فى ايام الشتاء الباردة مش حتعرف تتدفى و لو البرابريز شبر الهواء السخن الى ممكن تطلعه من فتحات التابلوه الى عند البرابريز بيساعد على ازالة الشبورة بسرعة مش حتلاقيه

غسيل الدورة المغلقة ؟ مش عارف
يمكن قصدهم بتبقى فى مكنة غسيل بتركب مكان خراطيم فى الدورة عندك و بتدور العربية !

حكاية ثرموستات الكوعة استنى حد خبرة اكسيل يجاوب عليها احسن
يعنى لو سمعة الجديدة كويسة يبقى الجديدة افضل

هى غلط تتساب بس التأثير مش قاتل يعنى حتزود استهلاك البنزين و تقصر عمر الزيت و تاثر برضه على كفائة التزييت و تتطول مدة التسخيين و الوقت اللازم للوصول لدرجة الحرارة الطبيعية

لو معظم مشاويرك جوه البلد ماشى
لكن لو مشاويرك فيها طرق سريعة حتبقى التأثير السلبى اكتر لان العربية حتبرد زيادة عن اللزوم