|
رد: ارحمنا بقى يا عم غبور
ياريتها بتيجى على غبور بس لكن المفاجأه التانيه ابوالفتوح هيزود سعر التيجو وال113
|
رد: ارحمنا بقى يا عم غبور
اولا انا مش مع غبور علي طول ولا حاجه
والا مكانش زماني مقاطع الشراء مع اني في امس الحاجه لسيارة ومكانش زماني مشارك في حمله الغضب علي جميع التوكيلات في مصر ومكانش زماني واجع دماغي بحل مشاكل عملاء كتير في غبور لكن هو لازم انتقد لمجرد الانتقاد و ابيين اني ضد التيار وخلاص لازم اغلط في الناس عشان اكسب احترام اعضاء المنتدي لازم اقول علي شخص بعينه انه حرامي وانه نصاب وانه ..... واقعد اغلط فيه عشان اعجب الاعضاء معلش ... انا ضد ده تماما المحترم بيحترم نفسه الاول و بيحترم الناس علشان هو محترم مش عشان الناس اهل للاحترام المحترم بيحترم كل الناس ومبيغلطش في حد وزي ما رديت عليك رد انت عليا هاتلي حاجه كنت فيها مع غبور ومكانش عندي حق فيها واستأذنك وانا منتظر طبعا الاستاذ اللى بيدافع ويبرر لغبور اى حاجة عمال على بطال وطبعا هيقول غبور حد فاهم السوق اوى ده جشع وطمع ومفيش ضمير -عمال علي بطال - الجمله دي انت غلطان فيها وياريت تاخد بالك انك بتقييم مشاركاتي من غير ما تحس قول رايك من غير ما تجرح ولا تسخر من مشاركات حد وان غبور حد فاهم السوق كويس دي حقيقه سواء انت اقريت بيها أو لا مش محتاج الراجل رايك في درجه فهمه للسوق ميبقاش كلام وخلاص من الاخر متتكلمش عن حد متعرفوش ولا يبقي كده عيب فاهمني حضرتك وع العموم انا متشكر جدا لانك اول مره تجيب سيرتي مكنتش بتتعرف عليا لا بتسخر من مشاركاتي شكرا جزيلا |
رد: ارحمنا بقى يا عم غبور
فعلا استاذ مامو متعاون جدا - و على الرغم من اني اشد المعارضين لغبور و منصور و سياساتهم
لكن المفاجأة ان الاستاذ مامو اكثر من رائع و مرن و عنده قابلية غير موجودة عند كثيرين غيرة و حبه للاخرين لم اراه في العديدين غيره ربنا يوفقك ان شاء الله |
رد: ارحمنا بقى يا عم غبور
كلنا يااستاذ محمود مقدرين دورك الكبير ويكفى ان حضرتك غير مجبر على حل المشاكل دى فياريت متزعلش نفسك لأنى متابع مشاركاتك بأستمرار رغم انى مبحبش الهيونداى عموما لكن بتابع عشان الاقى رد لأسئله كتيره عن هيونادى ودايما بلاقى حضرك سباق بحل المشكلات للأعضاء وياريت يكون فيه زيك فى كل قسم من المنتدى واحد مسؤل من توكيل عشان يرد على استفسارات الأعضاء زى حضرتك كده
|
رد: ارحمنا بقى يا عم غبور
أولا يا استاذ محمود كل كلامى مفهوش أى سخريه من حضرتك ولا من مشاركاتك مش معنى انى بقول انك بتقول كده يبقى بسخر من مشاركاتك ، ده رأيك وانت حر فيه جايز تكون شايف غبور ميه ميه وأحسن واحد فى السوق وجايز برضه غيرك يكون شايفه فاهم السوق من ناحيه تانيه ؛وتنزيل عربيه خامات وتقفيل مش كويس، غير كده مفيهاش اى اوبشنز ولا اى وسائل امان ،وكمان أغلى اسعار على مستوى الدول المحيطه وانا مقلتش تنتقد لمجرد الانتقاد ده يبقى غلط ،لازم رأى كل واحد يكون موضوعى فى رأيه وميبقاش متحيز لاى سبب وبعدين انا مغلطش فى حد ولا شفت فيه حد غلط فى غبور ولا غيره علشان يكسب احترام حد، ثم مثلا اللى بيقول رأيه مستنى احترام حد مين ولا مستنى جايزه من مين ولا له مصلحه مع حد ولا فيه حد اصلا ضد غبور او منافس ليه ومفيش حد بيتكلم عن غبور كشخص احنا منعرفوش ولكن الكل بيتكلم على غبور الكيان اللى الكل بيتعامل معاه ومع سياساته معتقدش فيه حد ضد حد ولا غبور ولا غيره الكل عايز منتج كويس وخدمه محترمه سواء عند غبور او غيره ثم كلامى كله مكنش على جملتك بس انا بتكلم على الاوضاع العامه يعنى مثلا لما واحد يقول هيونداى رقم واحد على مستوى العالم فى جميع المستويات قد تكون كذلك ولكن عندنا فى مصر لا ، ممكن رقم واحد فى مستوى المبيعات ولكن مش فى مستوى الامان والجوده |
رد: ارحمنا بقى يا عم غبور
اقتباس:
انت كنت مستني رد اللي بيدافع عن غبور عمال علي بطال وانا رديت متجيبش سيرتي تاني في مشاركاتك لو سمحت قول رايك بعيد عن اللي بيدافعوا او اللي بيهاجموا او حتي اللي بيقفوا جون الموضوع مش مستاهل والموضوع خلص خلاص انا استفزني اسلوبك في ذكرك ليا بدون حتي ما اعرف حضرتك ورد فعل الاعضاء ضيع الاستفزاز ده وحوله لاحترام وتقبل رايك مفيش مشكله يا احمد متزعلش نفسك :playing_music: كلنا هنا اخوات |
رد: ارحمنا بقى يا عم غبور
يا باشا اشتريها وتعالى على نفسك وابعد عن الرينو الفيرنا موتورها أقوى من اللوجان وقطع غيار الفيرنا بتراب الفلوس وشكلها أحلى من اللوجان وسعر أعادة البيع طبعا موش محتاج أكلم
|
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017