رد: ادى الحقيقة ولا عزاء للمكابرين
 

يا شيخ فعلا فيه شهداء فالصوا لانهم مش شهداء اصلا

القصر العيني بيتم اقتحامة بالبلطجية و تهديد الاطباء لتسجيل في كشوفات ان بعض الاصابات حدثت اثناء المظاهرات للحصول على تعويضات برغم ان الاصابه ممكن حصلت شهر او اتنين قبل المظاهرات اصلا

ممكن تراجع موضوعي فضيحة جديدة للشرطة و شوف الفيديو التاني اللي اضفته فيه كلام لرئيس مستشفى القصر العيني اتمنى مشاهدته

رد: ادى الحقيقة ولا عزاء للمكابرين
 

رد: ادى الحقيقة ولا عزاء للمكابرين
 

انا مش فاهم هو لسه لحد دلوقتي في حد بيشكك في الثورة والانجازات اللي احنا وصلنلها لحد دلوقتي سبحان الله في طبع الانسان بجد حاجه غريبة

ويا ريت نبطل نرمي التهم علي بعض بالشكل ده وبطالب اخويا علاء صفوت وباسم وفادي وحازم خضر بالكف عن الكلام في الموضوع ده علشان في ناس بيتحرق دمها بالكلام ده

وانا معلش مختلف مع ابو نورا في موضوع الاعتذار ده لاني مبحبش اجبر حد علي انه يعتذر لانه في الاخر شئ يخصه اعتزر هيزيد في نظر الناس معتزرش ولا هيزيد ولا هينقص شئ معانا لاننا لا يعنينا الا الارتقاء بحال البلد

وبدعيلكم ان ربنا يهديكم ويهدينا ويهدي النفوس ما بينا لاننا في النهاية اخوات ومينفعش اللي بيحصل ده

انا قولت اللي عندي وربنا يرحم شهدائنا وينتقم من كل فرد فرط في دمهم واباحه وان شاء الله نشوف احكام تريح الناس في طربتهم

رد: ادى الحقيقة ولا عزاء للمكابرين
 

رد: ادى الحقيقة ولا عزاء للمكابرين
 

أنا مختلف معاك في حاجة واحدة بس يا أحمد:
ما ينفعش طربتهم؛ لأنها بالتاء: تربتهم.
معلش هي دي الديمقراطية ، إني أختلف معاك على حرف التاء؛ لأن مصر بعد 25 يناير غير قبل.
هو طبعا الموضوع أخطر من مجرد حرف:
افترض واحد عايز يروح يقرأ الفاتحة على تربتهم، مش هيلاقي تربتهم لأنك كتبتها بالطاء وهي بالتاء وبالتالي ممكن نتوه.
طبعا الاختلاف في الرأي لا يفسد للود قضية، وهي دي الديمقراطية.
والله العظيم أنا لو منك أحذف طربتهم دي خالص وأكتب أي حاجة ثانية وأريح نفسي:
يعني في مدافنهم
في مقابرهم
في آخرتهم
أي حاجة.
تقبل تحياتي

رد: ادى الحقيقة ولا عزاء للمكابرين
 

طب اولا بخصوص الشهداء الفالصو

الاول نفرق بين الواقع اللى بيتكلم عنه الموضوع وبين الكلمة واللفظ المستفز والخاطىء بالثلث

الواقع واشهد عليه قدام ربنا يوم 28 شوفت متوفين فى المشرحة وزويهم ناس شكلهم متشرد ومليان بشل زى اولاد الشوارع وبتوع المناديل نفس الشكل الظاهرى ده وكل واحد لوحدة بمعنى ان اكتر الشهداء الطبيعين كان بيجبهم اصحابهم وحتى لما اهلهم بيجو كان فى الغالب يبقى مع المتوفى مجموعة من اصحابه او المتظاهرين اللى مات فى وسطيهم اما البلطجية حسب ظنى دول كان كل قتيل بيبقى جاى لوحدة او معاه حد من اهله بيبكيه وبس

ثانياً اثناء عمليات الاحراق والبلطجة وتناوب السرقة والنهب لاكثر من مكان وقع ناس مابين محروقين جوه او خدو طلقة غلط من بعضهم او اتخانقو على سريقة مع بعضهم او فى الاقسام ودول كلهم من اول يوم واحنا كنا شاكين انهم هيزج باسماءهم مع الشهداء للنيل من الشهداء ككل كما يحدث الان للاسف بل وقد تستبدل اسماء هؤلاء بهؤلاء ليظهر النظام بان كل من قتلو هم بلطجية وسوابق

اما الكلمة فى حد ذاتها ففيها مشكلتين (اولاً عيب وميصحش نقرن لفظ الشهداء بلفظ فالصو )
وثانياً وده المهم جداً ( اصلا مفيش قائمة شهداء علشان نقول فيها ناس فالصو وناس حقيقين )

الرحمة يا ناس

فيه ناس لحد دلوقتى 1. اتقتلو قدام عنينا فى المظاهرات 2. مثبت بالتقارير الطبية اسباب الوفاه بانها طلق نارى اثناء المظاهرات وكذا فى شهادة الوفاة
(يعنى رسمياً وطبياً وبشهادة الشهود ) ولم يسجلو فى قائمة الشهداء اللى مش موجودة اصلاً

محدش سأل نفسه ليه معملوش نصب تذكارى للشهداء لحد دلوقتى ؟؟
ليه عملو على الفيس بوك صفح للجيش رئاسة الوزراء والنيابة العامة ووو ومش عارفين يعملو موقع رسمى ببيانات الشهداء ؟؟؟

محدش سأل نفسه ليه لحد دلوقتى اهالى الشهداء مش عارفة تاخد حقوقها
علشان النيابة ووزارة الصحة فرضه تعتيم على بيانات الشهداء فحتى وزارة المالية معندهاش كوبى من قائمة الشهداء المزعومة ديه تقبض بيها اهالى الشهداء

يا جماعة مفيش اصلاً قائمة شهداء (( للاسف))

فالشهداء حتى الان لا اخدو حقهم الادبى ولا المدنى ولا القتله اخدو جزائهم

رد: ادى الحقيقة ولا عزاء للمكابرين
 

للاسف اعداء الثورة والطاعنين فيها بيستخدمو الفيديو ده لايهام الناس بالباطل

الشيخ الشعراوى بيتكلم عن ثورة السماء على منهج الارض مش ثورة بشر على بشر ده اولاً
ثانياً اذا افترضنا جدلاً جواز المقارنة فثورة السماء على منهج الارض اخدت وقت زيادة عن عشرين سنة علشان تنتصر ( من بداية الدعوة الى ان استتب الحكم للمسلمين)
واى ثورة فى اى تاريخ فى اى دنيا مقياسها السنين مش الشهور والاسابيع فالثورة للتو بدات مش خلصت

بالاضافة الى ان الشيخ بيتكلم عن سيرة النبى عليه الصلاة والسلام
انت بقى بتقارنى انا بالنبى اذاى ؟؟؟
واشمعنى فى وقت بيبقى حلو ندخل الدين فى السياسة وفى وقت تانى الدين ملوش دعوة بالسياسة ؟
وبناء على ايه بعتبر ان الثورة انتهت خلاص ومفيش فساد تانى يهدم ؟؟
وفين مظالم الناس اللى ردت ؟

عامة اوعدكم ان لما صروح ورموز الفساد تتهدم زى ما قال الشيخ نبنى الامجاد مع بعض
وان كان ده برضو ميمنعش بل واجب علينا كلنا نفكر فى البناء والتطوير
وعلى حد علمى نفس الثوار هما اللى ليهم اطروحات وبرامج ورؤى فى التطوير ...
انما الدور الباقى على الناس اللى قاعدة زى عواجيز الفرح ... لا هى فى كتيبة الثوار ولا كتيبة التطوير والبناء .....