رد: البطارية اتسرقت !!!!!!!
 

!!!!!!!!!!!!!!!!!!!
صراحة حرامى شهم خد الى هو عايزه بس
لأ و كمان اكيد محدش من المارة شكو فيه
الراجل يا عينى مرمى تحت العربية و معاه العدة و شغال و طالع عينه:129E17~143:

رد: البطارية اتسرقت !!!!!!!
 

رد: البطارية اتسرقت !!!!!!!
 

ال127 بتاعتي برضة اتسرقت بطاريتها قبل كدة , بس كان حرامي واطي قوي , دة حاول يفتح غطاء التانك علشان ياخد البنزين كمان لكن معرفش
انا ركبت بعدها انذار بس الكهربائي شاطر بجد لأن اسلاك الانذار كلها مستخبية و ركبلي زرار كهربا عند الكبوت ناحية الكبل اللي بيفتح الكبوت و بيبقي شبة السينسور للانذار علشان لو الحرامي حاول يشد الكبوت لفوق و يشد الكبل الانذار يشتغل و غيرت الطبلة علشان اهم حاجة مسوجر الدركسيون يكون شغال و ركبت خوصة حديد حوالين البطارية و فوق كل دة كمان ركبت الدراع اللي بيقفل الدركسيون
طبعا اللي عايز يسرق حيسرق برضة بس المهم ان الواحد يعمل اللي علية و يصعب الموضوع علي الحرامي علي اد مايقدر.

رد: البطارية اتسرقت !!!!!!!
 

طيب والله كان فيه موضوع هنا في المنتدي معمول على الموقف ده

وبالمنطق
الحرامي مش لوحده
ده قاعد بيشتغل وفيه واحد واقف جنب العربية
يبقى كأنه بيصلح فيها
مين هيقوله لأ

رد: البطارية اتسرقت !!!!!!!
 

الخوصه الحديد دى منين ممكن الواحد يشتريها اللى بنحطها على البطاريه وعليها قفل علشان البطاريه متتسرقش وهل هى جاهزه تركب فى اى عربيه

رد: البطارية اتسرقت !!!!!!!
 

دي اللي بيعملها حداد , علشان بيرفع المقاسات بتاعت البطارية و بيختلف مكانها من عربية للتانية .

رد: البطارية اتسرقت !!!!!!!
 

استاذة ريهام .. الاخوة الاعضاء .. موضوع سرقة البطارية اسهل من السهولة خصوصا في 127 و 128
وعملتها بنفسى فى سيارتين ولكن ليس بهدف السرقة بالطبع .. ولكن بهدف فتح الكابوت لان السلك مقطوع
الواير اللى بيسحب قفل الكابوت .. الموضوع بيتم بطرق مختلفة اذكر منها :

1 - رفع احد جوانب الكابوت بشدة عن طريق اي شيئ معدنى او حتى ايدة ثم بالايد الاخري يمدها لحد منتصف الكابوت
من الداخل .. هتلاقى فية نص الكابوت القفل اللى بيقفل الكابوت .. فية لسان على شكل تمساح او فم تمساح
اضغط على احد جوانبة بشكل عكسى او فك السوستة بأي طرف منها وكدة اصبح الكابوت مفتوح فى ثوان معدودة

2 - طريقة اخري انزل تحت الكابوت وبحاجة رفيعة اطرد السوستة او اضغط بقوة على اللسان والحاجة دى لازم تكون
رفيعة سيخ رفيع مثلا واعوجة من الامام علشان تقدر تسخدمة مع اللسان

3 - طريقة اخري : شد الواير اللى خارج من صدر العربية وبيكون واضح جدا لو نزلت تحت العربية هتلاقى
الواير عند المساعد من فوق " الركب " شدة بكل قوة لحد متسمع صوت القفل " تك " بس لازم تسحب السلك نفسة
وليس الجراب .. يعنى شد الواير لحد ميظهر السلك اللى جوة الجراب شد السلك نفسة وسيب الجراب

احد الاعضاء المشكورين ذكر حل ممتاز وهو قطعة حديد " نسيت اسمها " تلف حوالين البطارية بقفل دة حل ممتاز
حل اخر : عمل اتنين مسمار 13 بصامولة وعمل خوصة صغيرة للمسمار بحيث الخوصة تقفل على
الربع الامامى والخلفي للبطارية واربط المسامير مفوق وليس من الاسفل .. يعنى رأس المسمار من تحت ومن فوق الصواميل .. طبعا ممكن تتفك .. بس هتصعبها شوية السارق هيحتاج مفتاح 13
احسن من الاول كان بيسرق بدون عدة .. غير كدة هياخد وقت شوية يكون الانذار قام بالواجب
هياخد مش اقل من 5 دقايق فك غير بعد كدة لازم يحاول يفتح الكابوت بأحد الطرق اللى فوق
يعنى الموضوع هياخد معة وقت والانذار شغال وهيحتاج مفتاح 13 هيضطر يسيب العربية ويشوف
غيرها

اكيد الاعضاء هتشاركنا فى حلول اخري .. لو وجدت حلول اخري هكتبها بمشيئة الله