مصر موتورز مجتمع السيارات - استلمت فرنا 2011 من يومين وفية مشكلة بسيطة نرجو الرد لذوى الخبرة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

اقتباس:

المشاركة الأصلية كتبت بواسطة Dr KeNaWy (المشاركة 391514)

رحت وبعد الكشف اخبرونى ان هناك مشكلة بالفتيس
ولا يستطيعوا التعامل معها والعربية تحتاج الذهاب الى ابو رواش
وبعد مداولات مع هيونداى اتفقنا على ان اترك السيارة
عند الصيانة وهم سيرسلون ونش لاخذ العربية الى ابو رواش واعادتها
لاننى رفضت ان اتحرك بها مدعيا ان الفتيس ممكن يكلبش فى الطريق
على فكرة هناك اتضح لى ان البور كمان تقيل وسجلت ذلك
هل هناك حل لارجاع السيارة واستلام اخرى جديدة

- تصرفك سليم طبعا ً
- لازم يجيبوا ونش ( على حسابهم ) لانة غالى جدا ً وبيتعامل بالكيلوا متر وبيحسب المسافة ذهاب وعودة مع وضع مبلغ قبل التحرك
- عموما ً كان الله فى عونك
- اهم حاجة تكون العربية بالتوكيل ومعك ما يثبت انك سلمتها للصيانة ( امر الشغل الاصفر )
- ثانيا ً انا لو كنت فى ظروفك كنت ذهبت مع السيارة اثناء سفرها للقاهرة ومقابلة المهندس مدير الضمان وليس مهندس الصيانة ولا مدير الصيانة
- والوصول معهم لحل اما حل جذرى خاصة للفتيس بتغيرة
- وتهدد انك هتطلع على حماية المستهلك وان لزم - وان شاء الله لاتحتاج لة - تذهب فعلا ً
- وانا ارى فعلا ً انك تكسب وقت وتعمل شكوى بحماية المستهلك من الآن
- ويار يت تقلنا الاخبار اولا ً بأول وان شاء الله توصل لحل
ملحوظة :-
* لى تجارب مع ابو رواش وخاصة الضمان وسبق وان غيرت حاجات على الضمان والامر يحتاج منك الثقة والتعامل بحزم وعدم التهاون فى اى شىء مهما كان بسيط
- ونكتفى مؤقتا ً بهذا لحين معرفة تطورات الموضوع

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

اقتباس:

المشاركة الأصلية كتبت بواسطة mesho70 (المشاركة 391660)

كتر خيرك
طيب كيف لى انى اعمل شكوى فى جهاز حماية المستهلك وما الخطوات
وهل هناك حل للحصول على سيارة جديدة غير هذة

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

الف الف مبروك ربنا يباركلك فيها انا من رائى الزملاء الذهاب لتوكيل فورا وطمنا عليك عملت ايه

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

اقتباس:

المشاركة الأصلية كتبت بواسطة Dr KeNaWy (المشاركة 391838)

كتر خيرك
طيب كيف لى انى اعمل شكوى فى جهاز حماية المستهلك وما الخطوات
وهل هناك حل للحصول على سيارة جديدة غير هذة

- لكيفية عمل شكوى بجهاز حماية المستهلك راجع هذا الموضوع

http://www.masrmotors.com/vb/showthread.php?t=8126

- فى البداية ممكن تتصل بيهم تعرف بالضبط طريقة عمل الشكوى مع ملاحظة ان المكالمة بتسجل ( اظن هذا )
- اما الحصول على سيارة جديدة فحدود معلوماتى ان فى حالة ان العربية بها عيب لا يمكن اصلاحة ممكن تطالب بعربية جديدة
- اما فى موضوعك فحاول ان يتم تغيير الفتيس كاملا ً

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

يريدون تغيير الفتيس وبعض التعويضات للعطلة وانا قلت لا لما اشوف حماية المستهلك هيعمل معاهم اية يمكن نتمكن من تغيير العربية فما رايكم ضرورى

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

عاوزين يغيروا الفتيس ويعوضونى ببعض الخصومات على الصيانات
انا ما وافقثش على كدا وقلت خلوا جهاز حماية المستهلك يحكم بينا
انا عاوز اغير العربية
ولا انتو اية رايكم

رد: استلمت فرنا 2011 من يومين وفية مشكلة بسيطة نرجو الرد لذوى الخبرة

- كتبت المشاركة والنت راح فى غيبوبة
- عموما ً لو تغيير العربية ممكن يبقى افضل
- وانت تقدر تحكم من خلال تعاملك معاهم
- حتى يكون اريح نفسيا ً لك
- ولكن اظن ان تغيير الفتيس مع بعض الخصومات يحل المشكلة
- وحاول الاستفادة اكبر قدر من الموقف لانك فى موقف قوة
- ويعنى هيروحوا فين ما هم موجودين والضمان سارى
- بس خليهم يعملوا الضمان للفتيس من تاريخ تركيبة وليس تاريخ شراء العربية ان امكن