رد: عوزه ادهنها على مزاجى .. ينفع ?
 

هوه انا :crazyW14: مجنون عشان ارش جوه لالالالالالالا.....
الحمد لله الدواخل 100 100 ومافيهاش اى مشاكل بس اللون الابيض عجبنى جدا ده غير انه (اوفر من الميتاليك الزيتى الحالى) انا كنت هرش بره نضافة وتغيير بس مش اكتر وربنا يبعد عننا رش الدواخل

استاذ سعد
انا بشكرك كتييييييييييييير على معاونتك ومساندتك ليا فى بيع العربية فى الموضوع اللى حضرتك شاركت فيه (فاكرنى؟؟؟)
الظاهر انا ربنا مش رايد ابيعها وقولت ادبر ظروفى من ناحية تانية
عشان كده قررت اكمل اللى ابتديته ..... توضيب وتظبيط على القد كده
طيب انا كنت ناوى ابتدى الشغل خلال الاسبوع اللى جاى عشان استغل الاجازات شم النسيم وتحرير سينا وعيد العمال قول كد ه بالجمعة والسبت يدخلوا فى 10 ايام
وحضرتك بتقول انق ملكية الاول هل الوقت يكفى بقى للاجراءات دى (نقل ملكية وتغيير لون بالاضافة الى شغل الصنايعية ) واصلا التجديد بتاع الرخصة فى اغسطس اللى جاى وكنت عايز استغل الوقت افضل استغلال واخلص الامور دى كلها
ايه نصيحتك يا غالى عليا يا سعد يا خويا

رد: عوزه ادهنها على مزاجى .. ينفع ?
 

هوه مش هيرش جوه
هو هيرش برة
والسعر هيقل برضة
بس مش علشان رشة جوه
علشان رشة سقف
يعني لو فكر يبيع اللي هيشتري هيفتكرها مقلوبة وحلني بقى على ما يثبت
لكن اظن ان الاستاذ ايمن مش هيبيع
لانه بيعتز بالسيتروين Ax وبيحبها جدا

رد: عوزه ادهنها على مزاجى .. ينفع ?
 

نقل الملكية والترخيص هياخد ويمين او تلاته تقريبا
بس خد معاك حد علشان كل واحد يقف في طابور علشان تختصر الوقت
وفيه اكتر من موضوع معمول على نقل الملكية والترخيص وازاي تتصرف

موضوع بقى التوضيب
انت جايب حاجات
ركبها ووضب فيها وكفايه على كده وانسي خالص موضوع الدهان ده
وبعدين انت عاوز تغير اللون تخليه ابيض علشان انت عاوزه كده والا علشان مش مقتنع بالزيتي
انا عن نفسي بحب الغوامق ومنها الزيتي
جرب الموضوع ده
http://www.masrmotors.com/vb/showthread.php?t=11410

لو نفع معاك واظن انه هينفع وهيعجبك ان شاء الله
يبقى ملوش لازمة التغيير وخليها على لونها
وبعدين تبقى تشوف عاوز توضب ايه تاني
خصوصا انك داخل على الصيف
والتكييف هتحتاجه ولسه عاوزله 1500 كمان



:hd::hd:
ولو عجبك كلامي ونفع معاك حاجة من اللي قلتها ابقى افتكرني بدعوتين في جوف الليل

رد: عوزه ادهنها على مزاجى .. ينفع ?
 

ربنا يجازيك كل خير فى وضح النهار وجوف الليل وكل وقت
والله الموضوع انى كنت هنقل سكن واضطريت لعرض العربية للبيع عشان اكمل والاقى شقة ولما ربنا ما ارادش غيرت تفكيرى للايجار (مضطر) وقولت اكمل توضيب العربية اللى غاليه عندى جدا والتكييف طبعا فى الخطة
نقطة اللون دى بترجع الى ان اللون الحالى الزيتى (هوه جميل جدا وخصوصا لو جديد وبيلمع صح) لكن تقريبا بقاله فترة وصاحبها كان مهملها ع الاخر ودايما كنت بغسلها مره فى الاسبوع مافيش فى نفس اليوم تلم تراب ولا كأنها اتغسلت (والله بتعب جدا فى تنظيفها بره وجوه وماحبش اوديها بره عشان ماحدش هيعمل اللى بعمله) سألت على الحتت المجرحة اللى فيها(اللى شاريها على حالتها) تتعمل سمكرة والمعجون المطقطق ينزل كشغل مرمات دخلت لها فى 600 بالاكصدامات وكنت هعمل رجعت فكرت ايه اللى يخليها لون واحد ومش مكلف وطبعا هتبقى ميه واحده ؟؟؟لاقيت الابيض على نفس الموديل جميل جدا ومش محتاج ميتاليك وهتترش كلها مش هتعدى 800 ج فرق بسيط وتترش كلها ده سبب فكرتى عن تغيير اللون غير انى اخدت انطباع عن اللون الغامق انه بيلم تراب وكمان لوعملت مرمات(اجزاء فقط) هيبان الفرق مع الوقت وده سبب برضه انى اغير لونها
لكن كلام حضرتك طبعا بالنسبالى مرجع كصاحب اراء عمليه ومفيدة
والموضوع اللى حضرتك حطيتلى اللينك بتاعة طبعا ممتاز واتمنى اوصل للنتيجة دى وخصوصا ان لون العربية تقريبا نفس لون عربيتى (يا سلااااام حد طايل) بس هتفضل على الحاله دى قد ايه كام يوم او كام اسبوع وبعض الاعضاء جربوا وقالو مش بيوصلوا لنفس النتيجة -بس اعتقد ان التشميع بيكون للعربيات اللى دهانها فابريقة اوجديد للحفاظ على الدهان وده غير حالتى خالص
ملحوظة السقف بقى : يا ترى لو خليتها على لونها رشيت زيتى جديد لعربية كلها (عشان مايعملش فرق لون بين الاجزاء المرشوشة والاجزاء اللى مش مرشوشة) هل هتفضل نقطة انى راشش سقف دى على الرغم انه نفس اللون (وانا مش عارف - ومااعتقدش انه فابريقة- لانى مشتريها راشه بره)
مشكور على تنبيهات حضرتك اللى ماكنتش واخد بالى منها
وعذرا على لخبطة الاسامى يا استاذ محمد مش سعد

رد: عوزه ادهنها على مزاجى .. ينفع ?
 

اللهم آمين وأياكم

انت مكان شغلك فين وعاوز شقة فين
فيه مشروع الاسكان الجديد منخفض التكاليف اللي بيقولو عليه هيتعمل في الخطة الجديدة وفي خلال خمس سنين
لو كده يبقى الايجار حاليا افضل لغايه لما ينزل المشروع اكيد ان شاء الله كل الايجارات هتنزل

ربنا يعينك ويقويك


خلي بالك انت بتقارن بين لون ميتالك ولون عادي دي نقطة
النقطة الثانية هياخد ليه ان شاء الله 600 جنية علشان خبطة
وبعدين لو هتعمل مرمات انت خد العربية قدام بتاع الكمبوتر هيجبلك درجة اللون بالضبط حتى لو لون العربية فتح او اغمق عن لون الاصلي هيجيبلك اللون المناسب ليها


ياعم انا غلبااااااااااااان وعلى قدي الموقع مليان خبراء


طيب انت اصلا بتهتم بالعربية وبنضافتها
طيب ما تكمل جميلك وتوصل اي حد بتاع كماليات وتجيب منه علبه الورنيش وتجرب
مع مراعاة ان اللي كان بيرد كان بيقول انا معرفتش اعملها صح لكن مش معني ذلك انه مينفعش يتعمل
ثم ان المدة اللي هيقعدها مش يوم ولا اثنين يعني نقول كل شهرين مرة مثلا
والا ايه رأيك


يفيدك في موضوع سقف الفابريكة ده الصنايعي بس يكون نضيف هو هيعرف اذا كان السقف مرشوش والا فابريكة
لكن وارد انه يكون هو كمان مرشوش بما انك شاريها على كده
لو مرشوش وناوي ترشها كلها يبقى خلاص رشها
لو مش مرشوش يبقى اما تعمل المرمات اللي فيها او ترش الجنبين
مع الوضع في الاعتبار اللي بيعمل المرمة بيرش الجزء على بعضه
يعني خبطة في الرفرف بيرش الرفرف كله خطبه في الباب بيرش الباب كله وهكذا


العفو تحت امرك


ولا يهمك يا باشا

رد: عوزه ادهنها على مزاجى .. ينفع ?
 

ها العربيه اتغيرت لونها و لا ايه

رد: عوزه ادهنها على مزاجى .. ينفع ?
 

انسب حل ليكم هو foilacar بس مش عارف موجود في مصر ولا لا
و حتي لو موجود اكيد هتلاقي اسعاره خزعبليه