رد: سوال اعجز المكيانكيه على الرد عليه
 

السلام عليكم ورحمة الله وبركاته
كلام الناس بتاع الكاربراتير والبنزين والكهربا مظبوط ولكن لو انت عملت كل ده وكان كله تمام وما فيهومش حاجه يبقى العيب فى طاقية سيرفو الفرامل وده تلاحظه انك وهى العربيه على السلانسيه تدوس فرامل ولو صوت الماتور اتغير سواء يعلى او يوطى وتحس انها هتبطل منك يبقى العيب فى الطاقيه وتروح لواحد بتاع سيرفو لان واضح من كلامك انها بتبطل لما بتدوس فرامل علشان تهدى وربنا يسترها علينا وعليك

رد: سوال اعجز المكيانكيه على الرد عليه
 

حضرتك بتقول ان العربيه عند المطب او الملف بتبطل ؟
وبعدين حضرتك بتقول فى بعض الاحيان بتحس انها هبطل وبتلحقها بزياده البنزين شويه .
طيب الى انا اعرفه ان لو حضرتك ماشى على الرابع وهديت السرعه علشان المطب بدون تغير الغيار الى غيار اقل فى الحاله ديه العربيه بتبطل منك بالظبط ده الى بيحصل ايضا فى الملف حضرتك بتهدى فى الملف بدون ما تنقل الى غيار اقل ولما تيجى تزود بنزين تانى بتبطل العربيه ممكن يكون ده السبب لو مافيش سبب تانى يعنى . لان العمليه معروفه بتبطل عند الملف او المطب زى ما حضرتك قولت .
يعنى المشكله مشكله الغيارات عند المطب او الملف .

رد: سوال اعجز المكيانكيه على الرد عليه
 

رد: سوال اعجز المكيانكيه على الرد عليه
 

لما بتيجى تدور ايه الاخبار لان ممكن العربيه عايزه تظبط كهربا
تانى حاجه العمه او نسبه الهواؤ اللى داخل الكربراتير مش مظبوط
المهم ابتدى بالسهل
ومؤقتا هى عمرها ما هطبطل الا وهى مموره يعنى لو انت على سرعه دوس فرامل وانت مدى الغيار مش هتبطل ابدا

رد: سوال اعجز المكيانكيه على الرد عليه
 

أستاذ عماد جاب المفيد

المشكلة فى ظبط مسمار الهواء اللى فى الكربراتير

دور العربية وسيبها تسخن كويس قوى وبعدين افتح مسمار الهوا سنة صغيرة من الكربراتير وبعدين دوس مرتين تلاتة بنزين وانسى المشكلة

على فكرة كان عندى نفس المشكلة بالظبط وحليتها بنفسى

رد: سوال اعجز المكيانكيه على الرد عليه
 

:playing_music:يا باشا السلام عليكم الاول ومع اول تعليق ليا فى المنتدى الجميل ده احباقولك ان نفس المشكله حصلتلى مع عربيتى جولف 2 ومطلعه عينى فى عيوب تانيه .؟...... المهم ان المشكله كهربه الماتور انا برده بعد لف كتير وهندله ولاد المهنه ليا كانت بتبطل منى وانا دايس على البنزين لكن ميكانيكى واحد لقالى الحل انه المشكله فى المشط الالكترونى للعربيه بيعلق وبايظ ولما بيفصل بيخلى العربيه تبطل لو العربيه فى بعض المرات مش بترضى تدور على طول يبقلا السبب المشط الالكترونى لانى بعد ما غيرته فعلا مبطلتش تانى ابدا واسف انى طولت عليك وتقبل مرورى

رد: سوال اعجز المكيانكيه على الرد عليه
 

انا حصل معايا الموضوع دة والميكانيكية و الكهربائية اشتغلونى ورحت عند كذا حد ومش هتصدق انى صرفت اكتر من 1500 جنية وفى الاخر طلع اية البطارية بتهرب شحن غيرت البطارية الحمد لله زى الفل انت ممكن تقيس قوة البطارية عند اى حد ممكن تكون نفس المشكلة ومش شرط انها تكون بدور العربية الصبح عادى