رد: خبر عاجل قبول استقالة الفريق أحمد شفيق
 

الناس كلها اصبحت بتوع سياسه يا ريت كل واحد يعمل فى مجاله علشان مصر

رد: خبر عاجل قبول استقالة الفريق أحمد شفيق
 

رد: خبر عاجل قبول استقالة الفريق أحمد شفيق
 

مشكلة د/ احمد شفيق ان قرار تعيينه كان يحمل مبررات اقالته من المنصب ،بالاضافه الى انه ساهم بدون قصد فى الرفض الشعبى له باستهانته بالثوار فتارة يقول انه مسؤل عن سلامه من فى التحرير فتهاجمهم الجمال ولايتخذ موقف فورى سريع ويقول انا ماكنش أعرف وبعدين حنحاسب المتسبب اللى هو مش معروف لحد دلوقت غير تكهنات وادله وبعدين انا حاروح اوزع بنبونى على الثوار بس يمشوا يعنى استهانه بيهم ،وكمان الحوارات على الهوا ليها ناسها وواضح انه مالهوش اصلاً فى مواضيع الحوار يطلع ليه على الهوا ويحرج نفسه وفقد اعصابه ومش عارف يرد صح، ياجماعه الشعوب العربيه دى شعوب بتمشى ورا عواطفها وطبعا منها الشعب المصرى وبتكره اللى يضحك عليها وخصوصأ لمايكون مش فوريجى ومعلم يبقى مفيش داعى يحرج نفسه.

رد: خبر عاجل قبول استقالة الفريق أحمد شفيق
 

اللهم اجعل هذا هو نهاية المطاف و محدش يطلع الجمعة الجاية يقول عايزين نغير المشير طنطاوي لانه محسوب على النظام القديم و نغير مترو الانفاق لانه محسوب على النظام القديم و نغير يا ناس يا هو ما تيجو نغير نفسنا الاول ليه نقول ديمقراطية و نفس ذات اللحظة نرفض نسمع الطرف الاخر او حتي نقبل رايه ازي يعني ازي نقول حرية و احنا كل واحد فينا عايز حريته تتجاوز حقوق الاخرين و بعدين مين قال ان الفريق شفيق لا يتمتع بقبول لدي الشعب و خلي بالكوا من كلمة الشعب دي لانها كبيرة قوي الشعب على الاقل 86 مليون مش الف و لا اتنين و لا 100 الف ليه ندي لانفسنا حق ليس لها ليه اللي بيتكلم بيقول انه بيتكلم باسم الشعب و على اي اساس مثلا انا مكنتش عايز احمد شفيق يتغير مش حبا فيه و لكن لكي اعطيه فرصة هو و المجلس العسكري ليحقق ما طلب منه عنده احكم عليه بس لو حبيت اعبر عن راي هذا يبقي المفروض الم الناس اللي زي و نروح نعمل مظاهرة و ساعتها نبقي خونة و اعداء للثورة و اعداء للشعب او نتصادم مع المجموعة الراغبة فى رحيل شفيق فنبقي الثورة المضادة ليه بنتسرع فى اصدار احكام على الناس و بلاش حد يتكلم بصيغة الجمع عن الشعب لان فى ناس ماكنتش عايزة شفيق يمشي اسمها الاغلبية الصامتة اللي لو اتكلمت هتبقي حرب اهلية بجد اللهم الف قلوبنا و اصلح ذات بيننا و ولي امرنا لمن يصلح

رد: خبر عاجل قبول استقالة الفريق أحمد شفيق
 

رد: خبر عاجل قبول استقالة الفريق أحمد شفيق
 

يا جماعة لا يصح أن يتولى أحد رجال النظام البائد الفترة الانتقالية التي من المفترض بها أن تنتهي بنا إلى شط العدالة والحرية. أنا لا أشكك في أحد و لا أطلب من أحد أن يتنحى تماما عن العمل العام، ولكني أتكلم عن الفترة الانتقالية فقط، كل أعضاء النظام البائد يجب أن يتنحوا جانبا في هذه الفترة، الفاسد يتنحى ويحاسب، والشريف يلملم أوراقه ويجلس جلسة صفاء مع نفسه يراجع فيها حساباته، لأن الشريف كان يرى الفساد ويسكت والساكت عن الحق شيطان أخرس.
وما الذي قدمه لنا الفريق شفيق إلا المماطلة في إقصاء وزراء الفساد، لدرجة أنه لما أقال سامح فهمي عين أحد أعضاء مجلس إدارة الشركة التي تصدر الغاز لإسرائيل، وحتى أنه ما زال يحتفظ بوزير العدل الذي حاول جاهدا إفساد القضاء المصري والمتورط حسبما تشير الدلائل في كثير من ملفات الفساد وغير ذلك مما لا أريد الخوض فيه.
في هذه المرحلة يجب أن يتنحى جانبا كل رموز النظام البائد؛ لأن حتى الشريف منهم سوف يجامل الفاسد كما كان يسكت عن فساده من قبل، وسوف يحاول جاهدا الالتفاف على مطالب الثورة والمماطلة والتباطؤ في تنفيذها وهو ما نريده، بل نريد سرعة تنفيذ الإصلاحات حتى تستقر وتهدأ الأحوال.
أرجوكم تخطوا الأسماء، وانظروا فقط في مصلحة البلد، فمصلحتها في محاكمة الفاسدين وعدم التستر عليهم والمماطلة في تقديمهم.
ندعو بالتوفيق للدكتور شرف، مع تقديرنا واحترامنا للفريق شفيق وحسام البدراوي وكل إنسان شريف كان ينتمي للنظام البائد، ولكن من فضلكم خذوا هدنة عيدوا فيها حساباتكم وعودوا للعمل معنا، ولكن بعد انتهاء هذه المرحلة الحرجة إذا سمحتم.
اللهم أصلح أحوالنا يا كريم، آمين

رد: خبر عاجل قبول استقالة الفريق أحمد شفيق
 

صباح الفل يا استاذ عمرو
طيب و منين عرفنا برضو ان الاغلبيه كانت عايزه الفريق شفيق يفضل
انا لا روحت التحرير و لا عملت مظاهرات .. لكن مقدرش اقول اني من الاغلبيه الصامته .. لأني كنت شايف انه من الافضل انه يمشي
فهل كده ابقى من الاقليه الصامته ؟؟!!

اللي اقدر اقوله ان كان في استفتاء عليه على موقع مصراوي.. ونسبه المشاركين تعدت ال 124 الف و كانت نتيجته
53% مع خروجه
و 47% مع بقائه
وده استفتاء .. يعني مش محتاج حد يروح التحرير و ممكن يعمله من بيتهم
مش حقول ان 120 الف نسبه معبره عن ال 80 مليون
لكن على الاقل حنقول ان في رأيين وكل رأي له نسبه محترمه من المؤيدين

يا ريت يا جماعه نحترم الرأي الاخر ... مش معنى ان ليا رأي وفي نسبه كبيره معايا في رأيي اننا اغلبيه .... الاغلبيه ممكن تكون ب+ 1 % !!!

انا مع حضرتك ان كان في جدال كبير حول بقائه او خروجه ..
وبالتالي كان الاسلم استقدام اسم يلاقي قبول الاغلبيه العظمى
معتقدش ان حيكون في خلاف كبير على د عصام شرف
يعني كده المشكله اتحلت ... لا خالص
المشكله مش في الشخص
المشكله في الاوضاع الحرجه الحاليه اللي محتاجه تضافر جهود ...
وان شاء الله الوزاره الجديده تلقى القبول الشعبي اللي تقدر بيه تركز في شغلها

انا بس عايز اقول اني من مؤيدين تغيير كل من كان مرتبط بالنظام القديم وبس (بأستثناء المشير طنطاوي لأنه مقام الرئيس حاليا ولازم يكون عندنا رئيس الاول ):crazyW14:

و عن نفسي اوعدك اني مش حطلب تغيير حد تاني ... و لا حتى المترو :)

لكن على الاقل من حقي اقول رأيي ... حتى لو كنت من الاقليه