مصر موتورز مجتمع السيارات - انت مع من؟ البلطجية, ام ضباط الشرطة للمرحلة القادمة؟

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

رد: انت مع من؟ البلطجية, ام ضباط الشرطة للمرحلة القادمة؟

اقتباس:

المشاركة الأصلية كتبت بواسطة حازم شاهين (المشاركة 365439)

أم الشرطة فالموضوع هياخد وقت لغاية ما تتعدل النظرة المتعالية و التفكير الفوقى للظباط باعتبارهم أوصياء على الشعب

ياريت كانو شايفين نفسهم اوصياء ... دول شايفين نفسهم اسياد
الظابط اتعود انه ينزل خدمه للنظام ... و الشعب في خدمته
الشرطه و الشعب في خدمه الوطن ------ي

رد: انت مع من؟ البلطجية, ام ضباط الشرطة للمرحلة القادمة؟

معلهشي يا جماعة أنتا ما زالتم بتنتقدوا في (( اللي كان ))

طيب مما لا شك فيه إننا محتاجين الشرطة

يا ريت نعالج الوضع الحالي ،،

رد: انت مع من؟ البلطجية, ام ضباط الشرطة للمرحلة القادمة؟

أنا مع الشرطه طبعا ....وفيهم ناس محترمين كتير جداا جداا ....
والسبب فى الازمه الحاليه بين الشعب والشرطه هو حكومه شفيق ........طب إذاى
لو شفيق إختار من الاول وزير داخليه نضيف وبيفهم فى الاداره كان عمل تغيير فى كل أجهزه الشرطه وعزل كل الفاسدين واعلن عنهم وقدمهم للمحاكمه وعمل مؤتمر صحفى وأعلن إعتزاره عما حدث فى الماضى وأن الجهاذ الجديد جهاذ فى خدمه الشعب فعلا وطلب من الشعب التعاون مع الجهاذ الجديد وأعلن طريقه تعامل الشرطه مع الشعب فى المرحله المقبله وأن ما حدث فى الماضى لن يتكرر ....فى هذه الحاله الشعب هيسامح وهيتعاون وهيشوف النتايج .
إنما شفيق إختار وزير داخليه مبيفهمش حاجه ومش عارف حاجه ومش عامل حاجه وعايز الشعب يتعاون معاه ياعينى ويساعده لحد لما الظباط إنضربوا فى الشارع (وهو مهانه لا نقبلها ) وأصبحنا مش عارفين مين الأحسن البلطجيه ولا الشرطه ولا الجيش ولا ابو تريكه .

رد: انت مع من؟ البلطجية, ام ضباط الشرطة للمرحلة القادمة؟

ابو تريكة طبعا

رد: انت مع من؟ البلطجية, ام ضباط الشرطة للمرحلة القادمة؟

رجال الشرطة عايزين يرجعوا بشروطهم (( باشوات ))

الشعب عايزهم يرجعوا بالشروط الجديدة (( منفذين القانون ))

الحجة ،،

الناس متحاملة علينا و بيهاجمونا

و الصيع و البلطجية بيتطاولوا علينا و الناس بتقف معاهم و خلاص

فإحنا دلوقتي بنتكلم علي حلول عاجلة لسرعة نزولهم (( لو النية صادقة عندهم لذلك ))

بالإضافة لإقتراح سرعة تخريج دفعة جديدة من كلية الشرطة

و إقتراح مساندة من قوات عسكرية (( المفروض إنه حاصل بالفعل ))

أقترح كحل أمني عشان نبطل حجتهم ،،

يكون تواجدهم في شكل مجموعات (( حملات و كمائن و لجان ))

ميكونشي يعني قي شكل فرد واحد ،،، عشان ميقولوش البلطجية و الصيع بيبلطجوا علينا

معتقدشي حد هيقدر يتطاول علي مجموعة في شكل كمين أو لجنة أو حملة بدون داعي

طبعا مع الحرص علي معاملة الناس بإحترام و طبقا للقانون فقط

بس ده لو النية ((( صادقة )))

رد: انت مع من؟ البلطجية, ام ضباط الشرطة للمرحلة القادمة؟

اقتباس:

المشاركة الأصلية كتبت بواسطة نبيل عبدالرحمن (المشاركة 365270)

نحن مع رجال الشرطة المحترمين الذين يتعاملون مع الشعب بإحترام أما من يخرج عن هذا الخط فيكفى أن ننظر له بإحتقار وأن نبلغ عنه

نبلغ مين عنة و مين يحمينى منة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رد: انت مع من؟ البلطجية, ام ضباط الشرطة للمرحلة القادمة؟

اقتباس:

المشاركة الأصلية كتبت بواسطة koashraf (المشاركة 365420)

انا مع القانون ..والانضباط...
يعنى لو كل واحد اخد حقه بايده حتبقى غابه والضعيف حيروح فى الرجلين والحق كمان حيضيع... والبلد حتبقى فوضى.

لابد ان يحترم الجميع القانون الحكام والمحكومين.

نعم العدل وسيادة القانون (بس قانون شرعى من مجلس شرعى)