رد: نوبيرا ولا لانوس ولا فيرنا
 

يا عم بنراضي الزبون ...
انا كل اللي مضايقني في موضوع الشيبسي انه بصراحه بقى وحش اوي ... مزيت و كله بقع بني والكيس منفوخ على الفاضي
ما هو لو كان عدل زي البرنجلز مثلا مكنوش نزلو معاه حاجه ... لازم هديه علشان الناس تشتري
وبغض النظر عن استهبال الوكيل و انعدام وسائل الامان الا الحزام ... العربيه جمييييييييلللللااااا ... و ربنا يباركلي فيها
وبينن فارينا مصمم العربيه حلو ... بس الظاهر صمم البودي اوت لاين وسابلهم التفاصيل - تقريبا كانت مقاولته سكتشات بس فعمل تصميم على اد فلوسهم
او يمكن صممها بعد ما ضرب سيجاره بيرلنجو ...
على العموم هيا دلوقتي بقت شبه الميكروباص
واللي فعلا شبه المكوه تبقى الاتوس و كان اسمها كده فعلا اول ما نزلت عربيه مكوه
واهو كله محصل بعضه ... بيب بيب

رد: نوبيرا ولا لانوس ولا فيرنا
 

السلام عليكم ورحمه الله وبركاته يا جماعه بعد الكلام اللى انتم قلتوه ده انا مقدرش ازعل ومشكورين جدا على معلوماتكم بس انا برده زعلان منك يا بوب وانا من بورسعيد ف النظام عندنا هنا مستورد من الخارج عندنا عربيات مش عندكم لان نظام المنطقه الحره يسمح لنا بكده وانا جربت النوبيرا وقلت ده رايى مش معلومه يعنى فى معلومه تكون
( دى هى هى دى بس اكبر منها شويه ) طبعا لا ههههههههههههههههههه بس المهم انا سقتها مستمتعتش بسواقتها واللى عندنا فعلا اتأكدت فى لانوس موديل 2002 كورى ودى اخر حاجه شفتها وكمان فى نوبيرا 1500 cc اذن اختلاف الرأيى والمواتير لا يفسد للود قضيه ومع الاسف ومع الالم انا قررت عدم دخول المنتدى فتره بس لما فتحت وشفت الردور الجميله قلت انا عمرى مهتأخر يوم عن المنتدى ومتزعلوش منى اقول تانى انا من بورسعيد ومعندناش نظام المصرى هنا كله كورى عدا التاكسى الفيرنا فيفي هندى والله اول مره اعرف بس حرام تكون العربيه دى هندى الى حد ما جميله وانا والله قلت رايى الشخصى عن تجاربى واسف اذا كنت سويت خلاف مع احد بدون قصد

رد: نوبيرا ولا لانوس ولا فيرنا
 

هههههههههههههههههه مشكور سام رام بس اللانوس مش شبه المكواه
بس

عربيتك بالله عليك مش شبه المكواه بس عربيه بسم الله ماشاء الله جميله جدا ربنا يباركلك فيها

رد: نوبيرا ولا لانوس ولا فيرنا
 

يا ريت تأكدلى المعلومه ان العربيات النوبيرا2 1600 مش 1500 الكورى لان اللى عرفته انها 1500 ولما ركبت العربيه دى مرتحتش والف شكر على معلوماتك المفيده وانا من بورسعيد مره 3 يعنى المنطقه الحره فقط معندناش توكيل الا تويوتا و تقريبا هوندا وغبور امر طبيعى

رد: نوبيرا ولا لانوس ولا فيرنا
 

وبما انك ترحب بالنقاش ولا تقبل النقد اذا يا بوب لاتنقد الاخرين وده كلامك مش كلامى

رد: نوبيرا ولا لانوس ولا فيرنا
 

طب مش تقول انك بتتكلم عن بورسعيد يا محمد باشا
عموما كلامي دا لو تلاحظ حتلاقي فيه كلام عن المنطقه الحره
مواتير نوبيرا 2 اللي انا شفته هناك منها 1600
اللي شوفته 1500 كانت النوبيرا 1
و عموما انزل الصالات عندك و اسأل حتلاقيها 1600
و لو حتشتري هات النوبيرا 1 احنا جايبين واحده و حالتها نضيفه اوي
و احلي من اللانوس ميت مره

رد: نوبيرا ولا لانوس ولا فيرنا
 

محمد باشا زعلان منى ليه بس انا والله كنت بهرج ومقصدش انى اضايقك خالص والله
بس انا كنت هجيب نوبيرا وان معاقين وكانت 1600 (انا مكنتش متابع النوبيرا 1 اللى اعرفه انه فيه منها 1600 و2000)لكن مكنتش اعرف انه فيه منها 1500
واللانوس يا باشا اخر الكورى كان سنه 2000 فى القاهره برضه انا معرفش عندكوا ايه
بس على فكره اللى سارى على القاهره سارى على بقيه البلاد يبقى معلوماتى مفيهاش نقص ولا حاجه
واديك شفت ان الفيفا طلعت هندى زى ما قلتلك على العموم يا باشا الاختلاف لايفسد للود قضيه وانا ارجو انك متكونش زعلان منى وانا بعتذرلك لو كنت زعلان منى
اخوك بوب