|
رد: طرائف اللجان الشعبية
طبعا كلنا عارفين ان اللجان الشعبيه كان بعضها يديك كلمه سر تقولها للي بعدك.......
المهم في لجنه قال تقول للي بعدي (يوم ورا يوم)....داخلين على اللجنه اللي بعديها بنقول له يوم ورا يوم قالنا (حبيبي) عدوا....:) لجنه كان واقف فيها واحد صاحبي بيقولي واحد داخل علينا مش رابط الحزام فلما شافنا اتلخبط وقعد يشد في الحزام عشان يلحق يربطه قبل ما يخش اللجنه...... تحت البيت عندنا بعد ما زهقوا لما لقوا الامن استتب وما حدش بيعدي الا قليل قسموا فرقتين كوره وجابوا صفاره وضربوا طلقه في الهوا اعلان افتتاح الدوره لدرجه اني افتكرت حاجه حصلت طالع جري البلكونه اشوف في ايه لقيتهم بيضحكوا وهاتك يا لعب..... |
رد: طرائف اللجان الشعبية
ههههههههههههههه حاجات فعلا فى منتهى الجمال احنا باليل كنا بنلعب كورة فى الجان الشعبية ههههههههههههههههههههههههه هههههههه
|
رد: طرائف اللجان الشعبية
المشهد كالتاتى :- انا ماشى بالعربيه فى امن الله فى شارع جسر السويس .. وفجأه قابلنى شويه بلطجيه .. اللى حاطط فى ظهره مسدس واللى ماسك شوم واللى واخد فى وشه مطواه وكده المهم لما قربت عليهم اكتشفت انهم من اللجان الشعبيه وقفت انا : سلام عليكوا يا جاله واحد منهم : (بكل تناحه ) رخصك انا : يا عم طب رد السلام هو نفس الشخص : رخصك انا : اتفضل هو : فضل يقلب فى الرخصه ربع ساعه وفى النهايه بصلى قوى وقاللى .. الرخص دى منتهيه انا : طيب اعمل ايه يا برنس ماهى انتهت فى القلق دا هجددها منين يعنى.. عموما الازاز كمان فاميه .. اجمع بقى المخالفتين على بعصض وانا هدفع فورى ماتسحبهاش هو : انت هتهزر ؟؟ انا قلتله انت اللى بتهزر .. رخص ايه اللى منتهيه ماتبص كويس واحد زميله : هات يابن ..... الرخص وريهانى ( وبعد ما بص فيها قال لزميله ) يابن ال .... ماهى سليمه .. اتفضل يا بيه انا : شكرا |
رد: طرائف اللجان الشعبية
|
رد: طرائف اللجان الشعبية
اقتباس:
الفيديو ده انا بشوفه من 10 ايام كل يوم واقعد اضحك للصبح واللى اهدى لى الفيديو ده هو المحترم mmffor وبجد شكرته عليه جدا لأنه فعلا كل اللى شافه مات على روحه من الضحك |
رد: طرائف اللجان الشعبية
موضوع جميل فعلا و كانت ايام ربنا ما يعودها تاني يارب لان المنطقه عندنا فعلا كانت كوم من الالغام بس مكنتش بتخلو من الطرائف وانا من مؤيدين اللجان لان العيار الي مبيصبش بيدوش اينعم في مننا ناس بالضياع و نازلين يهرجو فعلا بس المساجين بيكشو و بيخافو و عرفنا نلمهم باسلوبنا ده كنا بننزل الساعه 8 و نصف و بنسد الشواع كلها وكل واحد يقوم بدوره يعني الي بيجهز قنابل مولوتوف وبيحطها في اماكن معينه معمولها دروع والي بيظبط السدات بتاعت الشوارع والي بيجهز القاعده والي بيجيب الخشب عشان النار والي بيجيب الشيشه والبراد و والطاوله و الشطرنج والكوره وفي حدود 11 كل حاجه تبقي تمام نتوزع بقي 5 علي كل مفرق طريق مستخبيين في اماكن وناس فدائيين قاعدين عشان يجزبو المساجين يعني قعدين يلعبو و خلاص وعاملنها دوريات و مخليين الشارع من بعيد ساكت ومفهوش سريخ ابن يومين وكل واحد في مكانه وبالتليفونات واول ما نحس بحاجه واحد يجري يفضي بنزين في الشارع وكلو في نفس الوقت بس بيكون سريع الحركه لان السرافيز بتضرب نار حي ومن بعيد نولع و نروقهم مسكنا سرفيزين فيهم كميه رشاشات مهوله و عربيه فرنا و مرسيدس ونص نقل فيها 79 الي " رشاش " مشكله منطقتنا فيها شارع لو اتاخد للنهايه خالص تعدي علي شارع يقاطعك و تبقي في منطقه السجن و ده اقرب طريق للسجن فكانت مدبحه اما بقي الفكاهيات نمسك واحد مدير مباحث بنقوله البطاقه فبيضحك و بيقول اي يا شباب انا مدير مباحث فرد واحد بيقوله وانا مدير لجنه شعبيه وموقف تاني مسكنا ظابط بنقوله البطاقه فاتحمق اوي وبيقول انا ظابط انتو فاهمين يعني اي لسه بيقولها لقي قدامه اكتر من 40 واحد بشوم و طبنجات والذي منه بقي عامل زي الفرجه ومسكنا واحده مشايه تطوح وسكرانه طين بنقولها انتي رايحه فين بتقولنا و هي بتطوح انا رايحه اجيب مم عايزه اكل و بتشد في شعرها ومقولكوش علي الي حصل بقي لدرجه ظباط الجيش نفسهم وقعو من الضحك علي منظرها المهم قعدوها في الصالون المفتوح " الدبابه " ومسكو موبايلها لقو من ضمن الاسماء اخويا اتصول بيه طلع يجري ورنها حته دين علقه فوقها من الهباب الي شربان مكناش عارفين نمسكه عنها و مكنش عاجبها كمان فعربيه الدوريه بتعدي و بالميك بيقول الظابط من جوا احسن يا رجاله هو ده الشغل عايز من ده علي طول ولقينا مره واحد ماشي في سكوت تام و باصص في الارض فبقوله بطاقتك فبيقول مش عارف فبنقوله مش عارف اي فبيقول مش فاهم وبيحط ايده في جيبه فواحد مننا راح حاطط ايده علي ايد الواد لقي مطوه جوا جيبه مسكنها و اتروق ترويقه سوده وراح للجيش فبيقولو انت حرامي و خلاص لابسها فبيقلوهم و الله مش حرامي انا ناضرجي بيدل ما يكحلها عماها ومسكنا واحد مستشيخ و في عربيته 3 ستات منقبات فبنقوله افتح الشانطه يا عم الشيخ فراح اتحمق و بيدوس بنزين عايز يجري فواحد راح ضاربه الكاوتش برصاصه فنازل بقي يتخانق فبنقوله انت الي عملت في نفسك كده و بننزل الستات فواحده اتكعبلت راح النقاب اتشال فشوفنا شنب وطلعو ال 3 ستات 3 رجاله و معاهم مسدسات الحياه كانت حلوة جدا معانا وفي حكاوي كتييييييييير بجد لان كل يوم كان بمجازر فعلا ربنا يسلم حياتنا و مصرنا الحبيبه |
رد: طرائف اللجان الشعبية
انا واصحابى نرووح لحد اللجنه بلعربيه وقبلها بشويه ارفع هاند والف واجرى وهما يجروا ورانا وهاتك يا ضحك بقى طول الليل |
| الساعة الآن 09:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017