مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - سؤال هايف (https://www.masrmotors.com/vb/showthread.php?t=47597)

رد: سؤال هايف

زى ما قولتلك وطى الدبرياج واطلع على الاول وخليك خانق بالدبرياج فى المطالع بس مش قوى وربنا يوفقك يا حبى

رد: سؤال هايف

اقتباس:

المشاركة الأصلية كتبت بواسطة tham1010 (المشاركة 362975)

أولا شكرا لكل اللى رد على

اليوم الوالد الذى عندة خبرة 22 سنة سواقة هو اللى ساق العربية ورحنا نحط بنزين وعند نفس المكان اللى وقف فيه لحظت هو بيعمل أية علشان يطلع المطلع الصغير اللى قدام البنزينة..

أولا هو كان واخد الاول وكان دايس على الدبرياج نص نص يعنى مش رافع راجلة من على الدبرياج أوى
دايس على البنزين جامد شوية لحد ما عددا Rpm كان وصل للرقم 4 وبمجرد ما كان بيرفع الرجلة شوية من الدبرياج العربية سحبت لقدام بكل سلاسة. طبعا صوت الماتور كان بالنسبة لى عالى لانى متعود على صوته على عدد لفات 2 او تحت 3 فكنت حاسس زى ما يكون هيطير بيها لقدام ويخبط اللى امامة ولكن مش حصل حاجة من هذا لانه بمجرد ما طلع شوية وبدأت تتحرك راح دايس دبرياج خالص ولقينا نفسنا قدام ماكنة البنزين....

إذا الحكاية ان لازم الواحد يدوس بنزين شوية لحد ما توصل لحد 4 مثلا وهى تسحب.. فى المرات السابقة كنت أقود العربية على عدد لفات 2 او 3 بالكثير فكانت مش بتسحب لان وزن العربية التقيل بتخليها ترجع للخلف ومش فى عزم كفاية....

أعتقد برضوا الدبرياج عاوز يتضبط لان مش معقول العربية تبدأ الحركة بعد ما ارفع رجلى من الدبرياج فى نص المشوار..... مفروض اول ما ارفع تبدا تتحرك وهذا يخلى العربية مستريحة فى التحرك من الثبات.. هل انا صحيح فى تفسيرى؟؟؟؟

شوف يا باشا ..

الحركة اللى عملها الوالد دى غير صحيحة ومعظم الكبار فى السن بيسوقوا بالطريقة دى .. وكتر الحركة دى بيعجل بتآكل اسطوانة الدبرياج (وهى جزء احتكاكى زى تيل الفرامل بالظبط)

ودى صورة اسطوانة الدبرياج

http://www.cosconline.com/8972_Clutch_Plate.jpg

هو كده تقل رجله اوى على البنزين اكتر من اللازم ..

الطبيعى انك فى حالة المطالع تزود بنزين بسيط (1500 RPM مثلا) وترفع دبرياج بسلاسة هتلاقى العربية طلعت معاك مرتاحة .. يعنى فى حالة الطلعة بتتحكم بدواسة الدبرياج اكتر من دواسة البنزين ..

وعلى فكره الدبرياج كده عندك مظبوط جدا لانك لو وطيته الفتيس هيزعق منك عند كل غيار ....

الموضوع بسيط جدا وعربيتك حديثة كمان بس انت عاوز شوية تعود بس .. السواقة من اسهل ما يكون ...

رد: سؤال هايف

انا فاهم كلامك
و ردي انك لازم تتعلم السواقة الاول قبل ما تسوق لوحدك
خللي واحد صاحبك او قريبك يكون معاك و ربنا يستر

رد: سؤال هايف

السلام عليكم ورحمه الله وبركاته
يا جماعه الموضوع مش موضوع ان الدبرياش فى حاجه لان زى مبتقول العربيه حديثه وعلى مااعتقد انها جديده فمن المؤكد انها مفهاش حاجه بس ده ممكن عشان انت اتعودت تسيب دبرياش بعد موده والكلام ده يعنى :: المهم اولا انك متكونش اتعلمت السواقه كده وخلاص يعنى مش زى من الناس بتسوق انا لازم اسوق
وموضوع انه لسه بيتعود ده مينفعش لان فى رأى الى حابب حاجه وعايز يتعلمها هايتعلمها
وبرده زى ماقال بعض الاخو جمد قلبك
يعنى لو خايف هاتتوتر ولو اتوترت ابقى قابلنى لو عملت حاجه فانت لازم تشجع شويه وان شاء الله هتلاقى العمليه سهله وجميله جدا وبالنسبه لموضوع انك فى قريه وكده والطرق متنفعش انك تسوق كويس عليها فانا اقترح انك تحاول تمشى على طريق سريع مثلا فى المدينه او خارج المدينه وانت لو كل يوم نص ساعه كده زى مبقولك هتلاقى العمليه بقت سهله معاك
ويارب اكون افدتك بحاجه

رد: سؤال هايف

شوف بقى ياباشا انت تروح تاخد كام حصة في مدرسة تعليم سواقة وتفهمه انك بتعرف تسوق والمشاكل ايه وتبدأ تسوق سيارتهم طبعا وهو قاعد جنبك ح يعرف ايه اخطائك ويعلمك ازى تتجنبها وده احسن ما حاجة في عربيتك تخسر وتدفع علي تصلحها اد تمن الحصة مرتين تلاته
:3_8_14:

رد: سؤال هايف

الحمد لله بعد حوالى 6 شهور سواقة أصبحت أفضل وسرعتى أصبحت افضل وأقل فى الأخطاء والحقيقة بقى الموضوع سهل. سواقة العربية زى سواقة العجلة عوزة تدريب ووقت

رد: سؤال هايف

اقتباس:

المشاركة الأصلية كتبت بواسطة @واحد من الناس@ (المشاركة 361838)

طب بص أنا هقولك حل مؤقت بس متأخدش على كده وأنت طالع مثلا كوبرى والطريق وقف مرة واحدة هتقف ضاغط فرامل وأنت طالع قبل ما تشيل رجلك من على الفرامل شد الهاند بريك وإبدء شيل دبرياج وإضغط بنزين هتظبط معاك

كنت بعمل كده اول ماتعلمت السواقة لانى ماكنتش لسه وصلت للتحكم فى الدبرياج

اقتباس:

المشاركة الأصلية كتبت بواسطة حسام البورسعيدى (المشاركة 363325)

شوف يا باشا ..
الموضوع بسيط جدا وعربيتك حديثة كمان بس انت عاوز شوية تعود بس .. السواقة من اسهل ما يكون ...

هو ده كل اللى انت محتاجه ياtham1010
الله ينور عليك يا حسام باشا جبت الافاده

اقتباس:

المشاركة الأصلية كتبت بواسطة tham1010 (المشاركة 460540)

شوفت بقى الموضوع مش اكتر من تعود
لأ ولسه كمان (السينس) دى العلاقة اللى بين العربية وصاحبها فقط لانه اكتر واحد بيركبها واكتر واحد حاسس بيها وتلقائيا هيبقى عندك حسابات فى حاجات كتير وهتربط بين الحسابات دى زى وزن العربية والسحب ارتفاع العربية والثبات حجم العربية والركن محيط العربية والملفات والدوارانات وهكذا لغايه ما تبقى حافظ عربيتك ومع الوقت اكتر هتكون انت اكتر واحد بيعرف يتعامل معاها اكتر من اى حد تانى لانك اكتر واحد حاسس بيها
المشاركة دى على قد ماهى متأخره وموضوعك قديم بس حبيت اوصل لك تجربة مطابقة مريت انا بيها
وربنا يحفظك:fun_36_3_11[1]: