رد: نداء لكل اللي هيخرج لمظاهره بكره
 

انا لسه حالا مقابل جار ليا كان في ميدان التحرير طول الليل
بيقول :-
البلطجيه انسحبوا فعلا زي ما قال الفريق احمد شفيق
الاخوان فعلا هما اللي في خط الدفاع قصاد البلطجيه
شباب مصر موجودين في الميدان من كل الفئات و الطوائف كلهم نسيج واحد
شباب بيجيب الاكل والاسعافات بعربيات شيروكي وشباب بيأمن الطريق ليهم و بيوزعوا على بعض الاكل و السندوتشات و البسكوت والسجاير
اللي تقع منه ولاعه او موبايل او اي حاجه ينادوا علي صاحبها بالمايك
في فنانين وقضاه و سياسين ومشهورين من كل فئات المجتمع منهم على سبيل المثال لا الحصر المستشار محمود خضير و عمرو واكد
مسكوا امبارح ظباط امن بيضربوا نار على المتظاهرين وسط بلطجيه ومسجونين ... طبعا البلطجيه هربوا والظابط اتمسك و قلعوه ملط
مسكوا ناس وسط المتظاهرين معاهم بطايق بتاريخ يوم او يومين فاتو !!!
بيقولي كان حاسس انه في كرنفال ... ناس بتغني و ناس بتحكي ... و اضطريت اسيبه علشان الصلاه و ينام لانه كان صاحي طول الليل

رد: نداء لكل اللي هيخرج لمظاهره بكره
 

الصوره حيه دلوقتي وصلاه الجمعه خلصت و ميدان التحرير مليان بشر وبيغنوا لعبد الحليم حافظ صوره صوره ...

رد: نداء لكل اللي هيخرج لمظاهره بكره
 

عدي اليوم وماحصلش مشاكل ولا مجازر ولا حاجه

رد: نداء لكل اللي هيخرج لمظاهره بكره
 

اعتقد ان الكلام اللي انت بتقوله برضه مايصدقهوش عاقل
المتظاهرين اللي عاوزين يخرجوا هما شباب 6ابريل اللي حسوا ان الثوره اتسرقت منهم
ولا انت ماسمعتش تصريحات علي خامئني انهارده

وعاوز اقولك ان مافيش خوف من التغيير وانا شخصيا مشيت في المظاهرات يوم 25 و 28 يناير
واتحققت الكتير من مطالبنا
اما الدور الباقي لينا فهو دور رقابي علشان نضمن تحقيق المطالب دي في اقصر وقت وعلي اكمل وجه

انا معاك ان البلد مليانه فساد وظلم
ولكن الواجب علينا نتصدي له بكل السبل

وماحدش يقولي ان مبارك لوحده رمز الفساد

لو خرج مبارك الان في ظل حاله الفوضي التي تشهدها مصر
لرأينا الصراع علي السلطه يمتد الي ان تصبح حرب اهليه

رد: نداء لكل اللي هيخرج لمظاهره بكره
 

مايقدرش يقول غير كده لان دي الحقيقه وخلاص الكلام عن تزوير انتخابات مجلس الشعب بقي في التليفزيون المصري عادي
لان مستحيل انك تداري نور الشمس

انا معاك ان احنا فقدنا الثقه في الحكومه بس لازم يكون عندنا ثقه في انفسنا وفي ارائنا
ياريت ماحدش يقعد في ميدان التحرير غير اللي مقتنع مش قاعد وخلاص علشان خايف يطلع

رد: نداء لكل اللي هيخرج لمظاهره بكره
 

ياريت تقروا الخبر ده نقلا عن اليوم السابع

الإعلام الإيرانى ينسب انتفاضة الشعب المصرى إلى الثورة الإسلامية فى إيران.. ويرى أن تغيير النظام يمهد لقيام "شرق أوسط مسلم".. ويخشى من وصول موجات الاحتجاج إلى المعارضة الإيرانية فى الداخل

فى الوقت الذى يحاول فيه الكثيرون ركب الموجة أو الصعود على أكتاف الجماهير المتظاهرة فى مصر والتى سالت دماؤها الغالية على تراب هذا البلد، الجماهير التى لا تنتمى إلى أى حزب سياسى أو أى تيار آخر وخرجوا إلى الشارع يطالبون بمطالبهم المشروعة تخرج علينا وسائل الإعلام الإيرانية بعقد مقارنة بين انتفاضة الشعب المصرى الحرة والثورة الإسلامية فى إيران والتى تتزامن هذه الأيام مع ذكرى الاحتفال بها فى إيران، معتبرة أن الثورة الإيرانية هى النموذج الأوحد والعالمى الذى حرك كل شعوب المنطقة.

فقد قامت قناة العالم الإخبارية الإيرانية الناطقة بالعربية فى بثها المباشر بعقد مقارنة بين تصريحات محمد رضا بهلوى شاه إيران أيام الثورة عام 1979م وتصريحات الرئيس مبارك التى يلقيها منذ أن بدأت المظاهرات، وعقدت قناة العالم مقارنة أيضاً بين الشعبين المصرى والإيرانى فى مظاهراته التى اجتاحت شوارع العاصمة طهران عام 1979 والمظاهرات فى مصر، وذلك رغم الفارق الكبير بين الثورة الإيرانية وانتفاضة الشعب المصرى.

وقد أبدت إيران ارتياحها الكبير للتطورات فى مصر، معتبرة أن سقوط النظام فى مصر هو أحد إنجازات الثورة الإيرانية وسيتيح "إقامة شرق أوسط إسلامى".

كما ألقى مرشد الجمهورية الإسلامية على خامنئى خطبة صلاة الجمعة بنفسه، وتطرق فيها إلى الأحداث فى مصر، ووجه رسائل إلى الدول الغربية وتحديداً الولايات المتحدة بعدم التدخل فى الشئون الداخلية المصرية، وكذلك إلى الشعب المصرى الذى أشاد بانتفاضته وأحضه على تحقيق مطالبه فى إسقاط النظام، ووصف انتفاضة الشعب المصرى باليقظة الإسلامية، كما وصفت وكالة إيرنا الرسمية على خامنئى بخليفة المسلمين.

وده لينك الموضوع للي عاوز يكمله
http://www.youm7.com/News.asp?NewsID=346334&SecID=12

رد: نداء لكل اللي هيخرج لمظاهره بكره
 

مصر فوق الجميع والجميع فى عون مصر هذى الان هو مثلى ومثل كل المصريين فى الحياة