مصر موتورز مجتمع السيارات - خطاب متظاهر في التحرير! (اهم من خطاب الرئيس)

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - خطاب متظاهر في التحرير! (اهم من خطاب الرئيس) (https://www.masrmotors.com/vb/showthread.php?t=47060)

رد: خطاب متظاهر في التحرير! (اهم من خطاب الرئيس)

اقتباس:

المشاركة الأصلية كتبت بواسطة lol64 (المشاركة 351035)

انا شايف ان فيه مطالب اتحققت وده الى كلنا بنحلم بيه
طب ليه مانصبرش شويه ولا فيه حد سايقنا ؟

ما هي المطالب التي حققت؟

رد: خطاب متظاهر في التحرير! (اهم من خطاب الرئيس)

هذه هي مطالب الشعب المصري! واضحة و صريحة و تغطي عين الشمس

http://sphotos.ak.fbcdn.net/hphotos-..._2457772_n.jpg

رد: خطاب متظاهر في التحرير! (اهم من خطاب الرئيس)

يا بيه لو قولتلك اني معاك ممكن ترد على أسئلتي

مين اللي هيقدر يعمل كل الكلام ده من يوم وليلة زي ماانتوا عايزين ؟؟
مين اللي هيبقى رئيس جمهورية البلد اللي انتوا عاوزين رئيسها يسقط ؟؟
تفتكر لو الرئيس ساب البلد ومشي وعمل لكوا كل اللي بتطلبوه ده
انتوا هترضوا وتمشوا وتسكتوا ؟؟
ولا لو حصل حاجة تانية مش عاجباكوا هتطلعوا تعملوا مظاهرات تاني ولا لأ ؟؟
والمطالب اللي اتحققت دي كلها واللي كل شباب 25 يناير اقتنعوا بيها مليون في المية
وشايفين انها وصلت لسقف المطالب نفسها
كل ده مش مريحك ومش مخليك مصدق ان البلد دي بتمر بمرحلة إنتقالية حالياً

ياريت تجاوبني على أسئلتي وتفهمني اللي انا مش فاهمه
ولو إني مختلف معاك بنسبه كبيرة

رد: خطاب متظاهر في التحرير! (اهم من خطاب الرئيس)

اقتباس:

المشاركة الأصلية كتبت بواسطة mmffor (المشاركة 350877)

يا أخي سمسم: اولا صاحب اي موضوع ملهوش اي صلاحية او قدرة انه يمسح اي مشاركه في الموضوع!!!!
فقط المشرفين و الادارة ليها صلاحية تعديل او اضافة اي موضوع في المنتدى!
انا شفت انك كتبت مشاركتين و اعتقد لسه موجودين في صفحة رقم 2 في الموضوع!
و المشاركتين مفيهومش اي حاجة تستحق المسح من الادارة!
اتمنى اني كنت زي العادلي! كان زماني عملت حاجات كتير في البلد كان نفسي انها تتعمل من زمان!! مش مسح مشاركة او المعارضه!

اشكرك يا باشا بس بجد المشاركات مش موجوده
واسف لسوء الظن بس بجد دمي اتحرق لاني مقلتش حاجه غلط وبكرر اسفي

رد: خطاب متظاهر في التحرير! (اهم من خطاب الرئيس)

اقتباس:

المشاركة الأصلية كتبت بواسطة Hamada_El_Sh3er (المشاركة 351071)

يا بيه لو قولتلك اني معاك ممكن ترد على أسئلتي
معايا او مش معايا ان شاء الله ارد عليك

مين اللي هيقدر يعمل كل الكلام ده من يوم وليلة زي ماانتوا عايزين ؟؟
اي رئيس دولة مخلص و محب لبلدة و مؤمن انه جاء للحكم بارادة الشعب
مين اللي هيبقى رئيس جمهورية البلد اللي انتوا عاوزين رئيسها يسقط ؟؟
سيتم الترشح لكل من يرى في نفسه الاهلية ليصبح رئيسا للبلاد و الشعب يختاره في انتخابات حرة و نزيهة باشراف قضائي محكم و مش عيب لو اشراف اجنبي لضمان نزاهة الانتخابات! و محدش يخاف طالما مش حيعمل حاجة غلط
تفتكر لو الرئيس ساب البلد ومشي وعمل لكوا كل اللي بتطلبوه ده
انتوا هترضوا وتمشوا وتسكتوا ؟؟
طبعا حنمشي! احنا ورانا مصالح و اسر و مسؤوليات! لو حصلنا على الحرية و الثقة في اننا سنعامل كبشر و ان صوتنا مسموع و نحن نختار من يمثلنا امام العالم و يرعى مصالحنا حنقدر نعمل و ننتج بدون خوف او يأس
ولا لو حصل حاجة تانية مش عاجباكوا هتطلعوا تعملوا مظاهرات تاني ولا لأ ؟؟
لو اخطأ الرئيس او رئيس الوزراء لا مانع من التظاهر السلمي للتعبير عن الرأي في نطاق القانون لكي نوصل صوتنا للمسؤول بان شريحة من الشعب غير راض عما يفعل! و ان استمر في خطأه الانتخابات التي تليها لن يصوت له احد و سيتم التصويت لشخص اخر ذا ثقة و اجندة افضل في ادارة الدولة! و بكده كل رئيس و رئيس وزرا سيكون حريص على مصلحة الشعب و اللا فلن يستمر في منصبه و سيصبح منصب الرئاسة عبارة عن وظيفة, تمارس عملك تحصل على اجرك! لا تمارس عملك يتم رفدك و استبدالك بمن هو اقدر منك و نتوقف عن عقلية الرئيس الالاه او فرعون!
هذا ما يسمى الديموقراطية!
والمطالب اللي اتحققت دي كلها واللي كل شباب 25 يناير اقتنعوا بيها مليون في المية
وشايفين انها وصلت لسقف المطالب نفسها
الكلام ده كذب و كل اراجوز يأتي على القنوات الارضية و يقول انا من شباب 25 و بقول كقاية لحد كده يبقى كااااذب و مهرج لان من اليوم الاول لكل من كان في الشارع سمع نداء الشباب كلهم في صوت واحد " الشعب يريد اسقاط النظام"!
محدش قال تعديل وزاري لان التعديلات الوزارية بتحصل كل يوم اصلا يعني مش محتاجة مظاهرات! و ان الرئيس يرشح نفسه دي اساسا نكته! مبارك عمره 84 سنه واللا 82 سنه يعني باقيله كام سنه!! الاهم من هذا كله تغيير النظام كله بنظام ديموقراطي! ولا اخفي احترامي لبعض قرارات رئيس الوزراء الجديد باعلانه حرية التعبير على الرغم من احتقاري له في نفس الوقت يعني لم يرى مهزلة الاربعاء التي استمرت منذ الرابعة عصرا و حتى صباح اليوم التالي؟ مشافش تليفزيون و محدش اتصل بيه يقوله انت شايف اللي بيحصل! كانت مهزلة و قذارة منه و من النظام كله و ده بيدل على صحة الدعوة باسقاط النظام ككل!
كل ده مش مريحك ومش مخليك مصدق ان البلد دي بتمر بمرحلة إنتقالية حالياً

مرحلة انتقالية من مبارك الى فرد اخر مستبد و ديكتاتوري في الحزب الوطني؟ فعلا ممكن يحدث و ده اللي مش مريحني!
1- لم يتم الغاء قانون الطوارئ
2- لم يتم حل مجلس الشعب الذي كنت انا شخصيا شاهد عيان على تزويره علنا
3- لم يتم التنازل او اقامة حكومة وحدة وطنية
4- قيام مذبحة 2 فبراير بعد وعود بسلامة المتظاهرين من الرئيس و الجيش و رئيس الوزراء
5- ما زال امن الدولة يقوم باعمال الكبت و الاعتقال و الاختطاف و البلطجة مما يعطينا لمحة عن المستقبل المشرق الذي ينتظرنا
لأ مش مريحني!

ياريت تجاوبني على أسئلتي وتفهمني اللي انا مش فاهمه
ولو إني مختلف معاك بنسبه كبيرة

انا رديت عليك بكل اخوية و صدق! ممكن نختلف ولكننا نظل اخوة و مصريين و اللي بيحصل لمصلحتي و مصلحتك و لكن المستقبل يعرفه ربنا وحده

رد: خطاب متظاهر في التحرير! (اهم من خطاب الرئيس)

ارجو عدم رحيل الريس لعدم دخول مصرنا الحبية فى متاهات

رد: خطاب متظاهر في التحرير! (اهم من خطاب الرئيس)

للأسف إن فى ناس مبتشوفش غير تحت رجليها كل اللى هاممها إن الشغل وقف ومفيش فلوس والحاجه غليت .
ثورات الشعوب لاتقدر بثمن .....فى ناس إستشهدت ودفعت حياتها ثمن عشان الشعب ده يكون عنده كرامه وراسه تفضل مرفوعه ومحدش من بلطجيه النظام يتحكم فيه وفى الأخر عايزين تخلوا النظام يفضل تانى .
الناس اللى بتبات فى ميدان التحرير فى عز البرد ومعرضين حياتم للخطر كرمز لكرامه هذا الشعب وتصميمه على مطالبه وأحنا بنام فى بيوتنا فى الاخر نقول عليهم قاعدين ليه متقوموا تروحوا
صحيح إحنا شعب نستاهل اللى كان بيحصل فينا