رد: هل من العيب ان تغسل سيارتك بنفسك ؟؟؟؟؟؟
 

إيه المشكلة لما الواحد ينضف سيارته بنفسه

النظافة من الإيمان

وبالنسبة للناس وكلامها
إلي له عندك حاجه خليه ياخدها.

الله يرحم أيام زمان
أيام لما كان كل واحد بيكنس ويرش الشارع قدام بيته.

رد: هل من العيب ان تغسل سيارتك بنفسك ؟؟؟؟؟؟
 

رد: هل من العيب ان تغسل سيارتك بنفسك ؟؟؟؟؟؟
 

موضوع جميل جدا بس مشكلتنا في الناس اللي حولينا محنا بردك غصب عننا عيشين في وسطيهم واي كلمه طبعا بتأثر في الواحد يعني لما يقولو بص شوف مش هاين عليه يدفع 5 جنيه للواد الغلبان في الجراج علشان يغسلهاله والله سمعتها كتير

انا من النوع اللي بتأثر بكلام الناس وانا ماشي بالمثل اللي يقولك هين قرشك ولا تهين نفسك

بس النظافة الداخليه من جوا العربية اانا اللي بعملها بنفسي علشان مبقتنعش غير بنفسي فيها

رد: هل من العيب ان تغسل سيارتك بنفسك ؟؟؟؟؟؟
 

بالعكس دة مزاج انى اغسل العربية بنفسي يوم مشمس بعد صلاة الجمعة ومعاك كيلو ستفاندى والعيال الصغيرة بتسعدك بيكون جو جميل اوى وبعد اما اخلص غسيل العربية بلعب كورة فى الشارع مع ولادى بلنتات كدة او اى حاجة وبعدين نخرج كلنا نتعشى بردة وهى دى الاسرة المصرية
كمان فى حاجة تانية اؤلهالك بس ما تدحكش على العربية والله بتحس بصاحبها اما يكون حنين عليها ما بتكسفهوش فى المواقف وبيكون فى عشرة بين الشخص والعربية

رد: هل من العيب ان تغسل سيارتك بنفسك ؟؟؟؟؟؟
 

السلام عليكم ورحمة الله
شكرا أخى على الموضوع الجميل
أولا غسل السيارة والأهتمام بنظافتها بنفسك متعة كبيرة بالأضافة أنك تحافظ على سيارتك
ثانيا تبعدك عن مغاسل السيارات فى البنزينات وخلافة لما فيها من
-أهمال
* تلف أزراركاسيت السيارة او التكييف والمقابض لسوء الإستخدام
* خدوش فى جسم السيارة
*إدخال مياة فى أماكن تسبب الأعطال مثل أجزاء الموتور أو الكهرباء أو الضرر كإدخالة داخل فرش السيارة والموكيت أو السماعات
وطبعا لن تجد أى أحد تحاسبة على هذة الأضرار
- عدم عناية
الغسيل بصورة غير جيدة (كروتة يعنى)
أضاعة الوقت
فترة طويلة من الأنتظار خاصة فى أيام المواسم والأعياد

أما بالنسبة لتجربتى فى غسيل السيارة بنفسى فأنا غالبا ما قوم بهذا العمل
أسبوعيا
غسيل على السريع (بالخرطوم طبعا) مع تجفيف السيارة جيدا مع تنظيف السيارة والدوسات من الأتربة
كل شهر أو شهر ونصف
أقوم بعمل كار كير للسيارة بمعنى
- غسيل جيد لجسم السيارة بشامبو مناسب يحتوى على واكس
- تنظيفها من الأتربة من الداخل وتنظيف شنطة السيارة
- غسل الدواسات
- نظافة حجرة الموتور
- تزويد السوائل ريداتير -مساحات
- قياس مستوى زيت الموتور
- تلميع التابلوة والأجزاء الفيبر بملمع مناسب
- تنظيف الزجاج وتلميعة بمنظف الزجاج من الداخل والخارج بفضافة لتنظيف المرايا الدخلية والخارجية
- دهان الفرش الجلد وتلميعة بكريم خاص بذلك للحفاظ على رونقة واعطائة لمعة جميلة
- غسل الإطارات والجنوط جيدا بفرشة ناعمة
- واخيرا باستحدام البولش لإزالة الخدوش البسيطة
- وفى النهاية تلميع جسم السيارة بطبقة من الواكس للحفاظ على الدهان الخارجى ومنع تراكم الأتربة

لذلك أحتفظ فى جراج السيارة
- خرطوم مياة
- بلاور كهربائى شفط وطرد (على فكرة أفضل من مكنسة السيارة) لتنظيف الأتربة
- جردل-اسفنجة - فوط ميكرو فايبر- فرشة ناعمة
- سوائل التنظيف من شامبو- وملمع تابلوة - كريم للفرش- منظف الزجاج - سائل المساحات وخلافة

أما تعليق الجيران والمارة (الله ينور- أهو كدة الشغل)
ملحوظة مفيش حد يقدر يقولى هات واحد يغسلها لك أحسن ....!!!! هههههههه

شكرا لكم وآسف على الإطالة

رد: هل من العيب ان تغسل سيارتك بنفسك ؟؟؟؟؟؟
 

عيب أية بس ياباشا دة أنا ممكن أسيب العربية بالشهر من غير غسيل علشان مش فاضى أغسلها لأنى غير راضى نهائيا عن غسيل البنزينة وبجد تحب تتفرج عليا وأنا بغسل العربية روائان مفيش بعد كدة وغسل بضمير وأتفرج العربية بتبقى عاملة أزاى بعد ما أخلص بتبقى عروسة والله وأفضل واقف شوية كدة أتفرج عليها يا سلام الواحد بيبقى مستمخ على الأخر

رد: هل من العيب ان تغسل سيارتك بنفسك ؟؟؟؟؟؟