|
رد: BYD و الصينى والكورى والأوروبى .. فهل نحن زبائن درجة ثانية !!!
اقتباس:
|
رد: BYD و الصينى والكورى والأوروبى .. فهل نحن زبائن درجة ثانية !!!
مقال رائع كالعاده من كاتب مميز
بس على اد ما المقال جميل وفيه معلومات قيمه جدا على اد ما بيأكد الواقع المؤسف اللي احنا عايشين فيه وللاسف العربيات نموذج يعمم على كل حاجه بنشتريها و ندفع فيها اضعاف القيمه الحقيقيه مع انها للاسف غير مطابقه للمواصفات الادميه تصور لما واحد ينزل يشتري اكل للكلب بتاعه فيجرب يجيب له علبه بلوبيف محلي و يعزف الكلب عنها !!! ان اغلب حلويات الاطفال من زيوت النخيل المهدرجه الثقيله علشان تديها دسم وامراض مستقبليه قاتله ده غير الالوان الصناعيه و مكسبات الطعم ... بطاطس بالكباب و الفراخ و الجبنه المتبله ... يا سلاااااام اي علبه عصير مكتوب عليها ايه ... نكتار .. خلاصه القشر و البذر ومياه بسكر .. وياريته سكر انا اسف لتطرقي لنقاط خارج الموضوع اضافه للموضوع اوبل فكترا ... الجيل التالت (اخر فكترا وصلت عندنا بالايزي ترونيك ) دخلت مصر في 2008 على انها الفكترا الجديده .. هي فعلا كانت جديده بالنسبه لينا لكن بالنسبه ليهم كانت الفكترا القديمه اللي محدش عايز يشتريها علشان الناس كلها مستنيه الانسينيا 2009 والغريبه انها فضلت تتباع في مصر على انها موديل 2009 ويمكن 2010 كمان و لولا ان المخزون خلص كانت اتباعت لحد النهارده لانه مش متوقع نشوف الانسينيا قبل قبل 4 - 5 سنين لما ينزل موديل جديد مكانها مع الاعتذار لملاك الفكترا .. العربيه جميله معترضناش .. لكن ليه يتعمل فينا كده ميتسوبيشي لانسر ( بطه ) الموديل انتهى بنزول الجيل الجديد شارك من 2007 والناس بتجيبها لحد النهارده زيرو ويقولك ياباني ياباني ... ياباني منين يا عم اذا كان في موديل جديد نزل و بيتباع مكانها بقاله 3 سنين لكن احنا اتعودنا ان العربيه ينزل عليها موديلين و تلاته و الموديل الاول لسه بيتباع بعد 18 - 20 سنه زي احدث سيارات شيفروليه الانوس !!! او الفيرنا او النوبيرا او الاوبترا الفيرنا الجديده نزلت بره واحنا هنا يقولك النيو اكسنت سبورت و هي عباره عن شويه نواكل و فانوس ليفت .. قصدي فيس ليفت انا مش قصدي اهاجم العربيات دي او اقلل من شأنها لكن للاسف احنا بيتضحك علينا كل يوم و التاني و احنا عارفين ... لكن ما باليد حيله خصوصا مع وجود صحافه مدفوعه هدفها الرئيسي فلوس الاعلانات وتبقى اي عربيه هي الاحدث و الاوسع و الاكبر و الاقوى .... مذيله بالكلمه السحريه .. في فئتها ما هي اصلها كل عربيه فئه في حد ذاتها .. فئه الدولار و الين و اليورو .. وكله بفئته الف شكر على الموضوع الرائع ... و اه يا دماغي ... ادعوك لقراءه هذه الموضوعات الصحافه المدفوعه و الراس المصدوعه الصحافه المدفوعه ..... و الرأس المصدوعه <<<< الجزء الثاني الصحافه المدفوعه … و المراره المفقوعه |
رد: BYD و الصينى والكورى والأوروبى .. فهل نحن زبائن درجة ثانية !!!
أستاذنا الفاضل .. والأخ الكريم sam ram مشاركة سيادتك أضافة رائعة وأثراء للموضوع أشكر سيادتك جزيل الشكر وأتمنى أن تسعدنا دائما بمرورك الكريم ولك مودتى وتقديرى وأحترامى الكبير |
رد: BYD و الصينى والكورى والأوروبى .. فهل نحن زبائن درجة ثانية !!!
حسبى الله ونعم الوكيل فى كل غشاش ومخادع ومزور
|
رد: BYD و الصينى والكورى والأوروبى .. فهل نحن زبائن درجة ثانية !!!
اقتباس:
الجمارك أخى العزيز .. الدكتور المناهرى .. قد تذكر أنة فى حوار سابق بيننا قلت لسيادتك : أن شركات السيارات فى الخارج تنفق مليارات الدولارات فى الأبحاث والتطوير والتصميم وأقامة المصانع والأنتاج والدعاية وأقامة شبكات موزعين ومعارض فى كل أنحاء العالم وتوظف ألوف من العاملين وترعاهم صحيا وأجتماعيا .. وتتعامل مع مئات الموردين .. وتدفع ماعليها من الضرائب فى بلادها ثم تحددسعر نهائى بناء على كل هذة التكلفة .. تحقق فية الربح المناسب لها وهذا مكسب الشطار ثم تشترى سيادتك السيارة وتحضرها إلى مصر فيقابلك شخص فى الجمرك كل مابذلة من جهد .. هو أنة شرب كوب من الشاى فيطلب منك دفع أضعاف ثمن السيارة كلها ليسمح لك بأدخالها للبلاد وهذا مكسب البليد هو مكسب البليد .. لأنة يعتمد فى دخلة على الجباية وأبتزاز كل من يريد ركوب سيارة محترمة وكاملة المواصفات .. مما أشعل أسعار السيارات فى مصر ..وأعطى الفرصة لمن يريد أن يفعل مايشاء مما وضحناة فى هذا الموضوع وبينما الأول يستمتع بمكسب الشطار .. لأنة فى كل وقت يطور من نفسة ويزيد أنتاجة ودخلة ويضيف لشركتة عاملين أكثر .. وينقذهم من شبح البطالة فماذا يفعل البليد حينما تجبرة الأتفاقات الدولية على تخفيض الجمارك إلى حد الألغاء خلال السنوات القادمة !!!!! وكما قال خبير سيارات أوروبى حين زار بلادنا : إلى متى يدفع المصريون ثمن المرسيدس ليركبوا الفيات |
رد: BYD و الصينى والكورى والأوروبى .. فهل نحن زبائن درجة ثانية !!!
والله يا ابو جيسى انتا راجل موضوعك عجبنى جيدا ورائيك بردة عجبنى جيدا وصدقينى هو دة الواقع للاسف ولازم نقتنع بى وصدقينى لو حسبتها الفرق مش كتير لو العربيية من برة و لا من جوة لو حسبتها صح هتلاقى فروقات قليلة صدقينى
|
رد: BYD و الصينى والكورى والأوروبى .. فهل نحن زبائن درجة ثانية !!!
احييك على الموضوع الرائع ده وفعلا قلبت علينا المواجع اللى مبتنتهيش وكله بيهبش فينا من اول الحكومه لحد التجار الجشعين اللى الحكومه بكل فخر بتحميهم
العالم كله ماشى صح واحنا بس اللى ماشيين بظهرنا لكى الله يامصر ...........والى متىىىىىىىىىىىىىىى؟؟؟؟؟؟(w hat) |
| الساعة الآن 02:12 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017