المشاركة الأصلية كتبت بواسطة mmffor (المشاركة 301106)

اولا حكاية خليك انت في العربيات بتاعتك و خليلنا احنا الصيني نلعب بيه ده اسلوب الفهلوة بتاع المصريين اللي يقول ايه: دا انا افحمته, دا انا اديته كلمه معرف يرد عليها! و انا في الاصل عارف ان واحد من مالكي العربيه حيرد الرد الناشف اللي ملوش طعم ده! عموما انا كلامي عام! والله انا فعلا كنت رايح احجز العربيه على ان سعرها 72 الف لقيتها باقت ب 75 الف و قاللي اصل دي موديل 2010 بقوله ايه الفرق قاللي مفيش فرق و اللي عرفته بعد كده انهم شاله اوبشن حتى مضفوش حاجه!
نقطه 2 ملاكها قالوا التابلوه جلد و كلام شعر في خاماتها فعلا اول ما ركبتها بشوف الخامات تستاهل واللا لأ ( انا مش فارقه معايا 3 الاف زياده من اصل 70 الف ) لقيت خامة التابلوه مش جلد خاااااااااااااااااااااااا الص خامة شبه الكاوتش قريبه من الجلد الصناعي بس عامله زي الكاوتش اكتر ريه و بتلزق في الايد و اللي عنده العربيه يجرب يحكها خفيف بظافره و حيشوف! صعب انها تستحمل الشمس و الحر و التراب! دا غير انها كانت فقيره بالكماليات! الناس بتتكلم عن فتحات تكييف خلفيه! ولا ليها لازمة لان العربيه كان تكييفها ضعيف جدا قدام اصلا!
عموما انا غلط و لملاك العربيه الكلام مش موجه ليكوا ! اكيد انتوا درستوا السوق و العربيه كويس قبل الشراء و ارجو انه يكون خيار موفق ان شاء الله و ربنا يباركلكوا فيها و يستر طريقكوا و ملكوش دعوه بيا اهم حاجه انكوا مبسوطين بعربياتكوا

المشاركة الأصلية كتبت بواسطة citroeen (المشاركة 301150)

يارجالة مش محتاجة المشدادت دى كلنا اخوات وانا عن نفسى اسف لو كان اسم الشركة غلط او مش هى او هى اسف لو كنت غلط بس غصب عنى لان الحوار دة تعب ابويا الله يرحمة اكيد مش هنسى الحوار دة وعلى العموم كلنا اخوات يارجالة و استاذ mmffor راجل محترم وردودة محترمة و بردة استاذ سيف الدين و كلنا اخوات ى الاخر فى الاخر العربيية حتت حديدة واحنا الى بقين لى بعض بس كنت عايز اقول ان بردة شركة شيرى فى الصين هى من احدى الشركات الاولى والكبرى فى الصين و بردة توكيل ابو التوح من اكبر التوكيلات فى مصر وهى (اسبرانزا) واكيد الراجل دة مش هيخش الناس دة اعتقادى وكل عربييات السبرنزا ناجحة فى مصر بدون شكاوى حقيقة وبدليل التاكسى الابيض a516 ومستحملة وبردة b15 عربيية اتحبت بسرعة و جيلى و بجد الصينى اسبت جدارة فى العالم اجمع بجد هى دى الحقيقة

المشاركة الأصلية كتبت بواسطة mmffor (المشاركة 301249)

انا بحترم عربيتي و بصرف عليها بس برضه في الاول و الاخر ما اقدرش اقول عليها زوجتي او بحبها زي زوجتي لحسن اتقطع بسواطير و اتعبى في شنط بلاستيك سوده!!
انا فعلا مش بحب الجمله دي و ما شابهها ((عموما حضرتك اركب العربيات الحلوه وسيبلنا احنا الجاك الصينى دى نلعب بيها .)) اللي عايز يشوف الرأي الاخر و يقبله و يقول وجهة نظر تحترم ماشي و اللي مش عاجبه و جهة النظر و مختلف معاها و عنده دليل يقوله لأ و الله انت غلط علشان كدا و كدا!
لكن الجمله دي بحس انها زي ما بيقولوا كده فكك مننا و خليك في حالك و زي ما انا قلت انا كلامي في الاصل مش موجه لملاكها بل الى الاخرين اللي عايزبن يجيبوا عربيه فبقولهم 78 الف كتير على العربيه و خصوصا انخفاض الاوروبي على الابواب! ده ميدلش ان انا ممعيش تمنها او معايا!!!! و مش عايزك تشوفلي عربيه ب 10 الاف جنيه يا غالي لان انا معايا عربيتي و الحمدلله