رد: مراجعة منتج - كاسيت بايونير 5250 + 2 سماعة بايونير 300 + هدية بسيطة
 

انا اسف يا جماعة الكاسيت طلع 2250

باشا
 

أولا مبروك
بس سؤال الكاست ده حلو يعني عجبك ؟؟
وانسب سماعة ليه ايه انا زيك لا عايزبيز ولا صوت عالي يعني صوت مريح علي قدي

رد: مراجعة منتج - كاسيت بايونير 5250 + 2 سماعة بايونير 300 + هدية بسيطة
 

من فضلكم أنا لسه جايب الكاسيت موضوع النقاش وبفكر أجيب 4 سماعات pioneer 400 wat عليهم وأعمل ليهم صندوق في العربية من ورا ( هاتش باك )
هل الأربع سماعات محتاجين جي إم على الكاسيت عشان نقاء الصوت بشكل أكبر ولا أستنى على الجي إم لحد مجيب علية بازوكة.

شكراً

رد: مراجعة منتج - كاسيت بايونير 5250 + 2 سماعة بايونير 300 + هدية بسيطة
 

تفكير سليم , انا ليا واحد صاحبى مركب اربعة بيونير 400 وات وسى دى 5250 بيونير ومركب معاهم جى إم سيمفونى 250 عشان الفلوس كات زنقت خلاص وبسم الله ما شاء الله الصوت مش عايز اقولك عامل ازاى كأنك مركب صب وبازوكا وعامل بوكس , من الاخر تحفة.

إتوكل على الله

رد: مراجعة منتج - كاسيت بايونير 5250 + 2 سماعة بايونير 300 + هدية بسيطة
 

كومى باشا ياريت يا باشا تسألى صاحبك على الاسعار دى و منين فى طنطا .. و هل الجى ام السمفونى حلو ولا علشان صينى تعبان؟ اصل فى ناس مخوفانى منه انه بيضرب بسرعه

رد: مراجعة منتج - كاسيت بايونير 5250 + 2 سماعة بايونير 300 + هدية بسيطة
 

يا جماعة انا مش فاهم حاجة. أنا لسة جديد خالص فى الحاجات دى وبسمع أشياء غريبة زى جى ام بازوكا صب وحاجات غريبة... انا عندى عربية ماتركس 2001 وفيها كاست وراديو أصلى زى اللى فى الصورة المرفقة. الكاست مش بيشغل غير الشرايط مش السى دى وطبعا فيها راديو am و fm وخلاص. لما أحب أدور أغنية بحط الشريط اللى طالع منه سلك لإلى داخل الموبيل. صوته مش بيبقى حلو بس ساعات بيكون كويس. نفسى أجيب كاست Cd بحيث أقدر اشغل اسطوانات ويكون الراديو له صوت نقى. العربية فيها 6 سماعات ( سماعة فى كل باب ، وأثنين فى التابلوة) ولما بشغل شريط عادى بيكون الصوت مرضى بالنسبة لى....

أنا قلقان من حاجتان علشان كدة مش عارف اشترى أى نوع من الكستات.

أولا حجم الكاست فى العربية كبير زى ما انتم شايفين فى الصورة كبير ومعظم الكاستات اللى على النت بتكون صغيرة فى الابعاد.أكيد هيبقى فى مساحة فاضية والكاست الجديد مش هيبقى مظبوط. هل كل الكاستات كلها بتبقى نفس الحجم؟؟ مش عارف

ثانيا الكاست بتاعى بيركب في العربية فى التبلوة من الخلف بوصلة عريضة (مشط) زى اللى فى الكمبيوتر زمان وتربط الهارد بالكيسة. أتمنى تكونوا فهمتونى.... حد عندة نصيحة لى؟؟؟؟

شكرا للرد ارجو ان ااصورة تكون واضحة