رد: السلسله الذكيه للصيانه الوقائيه
 

هل تريد التعرف على كيفية تغيير طلمبة الزيت لأى محرك

1- أفتح الكبوت وشيل مقاس الزيت من المكنه

2 - دور المكنه لمدة دقيقه تقريبا

3 - أرفع العربيه من الأمامى بالكوريك مع وضع سنادات أمان للأجناب

http://usauto.vo.llnwd.net/o37/prod/...2239382066.jpg


4- شيل غطاء تعبأة الزيت

5 - حل طبة الزيت

6- أنتظر لتفريغ كل الزيت من الكارتير فى وعاء أستقبال للزيت


http://usauto.vo.llnwd.net/o37/prod/...2239381344.jpg

7 - أبدأ فى حل مسامير تجميع غطاء كرتير الزيت على البلوك من أسفل

8- شيل غطاء الكرتير لكى تتمكن من التعامل مع جوان الكرتير وبقاياه


http://usauto.vo.llnwd.net/o37/prod/...2239049538.jpg


9- طبعا حتنظف بقايا الجوان من على الغطاء ومن على البلوك من أسفل

لأننا حنركب جوان كرتير جديد

مع مراعاة عمل نظافه داخليه للأماكن التى تستطيع الوصول أليها

10- حتبص تلاقى الطلمبه بمصفة الزيت أمامك كما بالشكل


http://usauto.vo.llnwd.net/o37/prod/...2239227402.jpg

11- حل مسامير تركيب الطلمبه على البلوك من الداخل وركب الطلمبه الجديده

ممكن تستعمل المصفاه القديمه لو حالتها جيده أو تغيرها بمصفاه أخرى

12- حتركب جوان كرتير كرتير جديد على غطاء الكرتير

13 - ركب غطاء الكرتير بجوانه على البلوك من أسفل

14- حترجع تضيف زيت من فتحة الملو بعد تركيب طبة الكرتير لأننا كنا حالينها

وأحنا بنزل الزيت


http://usauto.vo.llnwd.net/o37/prod/...2239375787.jpg


15 - بعد وضع الزيت وتركيب الغطاء حتبدأ تتعامل مع قياس الزيت وتدور مكنتك

وأنت واقف وتتابع الآداء

قبل الأنطلاق لتجربة السياره

16- بعد عمل مشوار بسيط أرجع وأعد قياس الزيت للأطمئنان على نجاح المهمه

http://usauto.vo.llnwd.net/o37/prod/...2239382728.jpg

رد: السلسله الذكيه للصيانه الوقائيه
 

كيف يمكنك تغيير زيت الباور بكل سهوله

الطريقه


http://usauto.vo.llnwd.net/o37/prod/...2239161948.jpg


1- أفتح غطاء تنك زيت الباور

2- حل أفيز خرطوم زيت الباور التحتانى الرايح للطلمبه من التنك ( خرطوم السحب )


http://usauto.vo.llnwd.net/o37/prod/...2239364201.jpg

3 - حط الخرطوم فى وعاء لتنزيل زيت الباور


4- أعد تركيب خرطوم زيت الباور مكان ماحليته وأربط الأفيز


5- أملا تنك الزيت بزيت الباور الجديد لحد علامة ال max


http://usauto.vo.llnwd.net/o37/prod/...2239365568.jpg


6 - ركب غطاء تنك الزيت


7- دور مكنتك وحود الدركسيون كاملا لليمين واليسار


8- بطل المكنه وأفحص منسوب الزيت مره أخرى


9- زود زيت أن أحتجت مره تانيه بعد فحص المنسوب

رد: السلسله الذكيه للصيانه الوقائيه
 

ما هذه المعلومات الشيقة دى ...بجد حضرتك اكثر من رائع يابشمهندس سمير المفروض ياخدوك فى مصانع CNA فى ألمانيا ولكا احنا مش بنقدر هذه الخبرات التى ممكن ان تجعل من مصر دولة عظمى زى اليابان وألمانياROSE4U

رد: السلسله الذكيه للصيانه الوقائيه
 

الله يخليك

ومتشكر على زوقك

أحنا بنحاول نتعلم مع بعض

ماينفعنا مع سيارتنا

يعنى هى هوايه مش أكتر

رد: السلسله الذكيه للصيانه الوقائيه
 

جزاك الله خيرا يا بشمهندس
عايزين حاجات مثلا عن تغيير السيور
تيل الفرامل مثلا وانه ازاي يكون انتهى عمره...
وفي مثلا حاجات بيزيكس زي مثلا عند تغيير الاطارات افضل مكان لوضع العفريته سواء في الخلف والامام

مثلا حاجات بسيطه برضو ومهمه الفتره الجايه وهوا كيفية تغيير ريسش المساحات

ده كله على سبيل المثال لا الحصر يابشمهندس وكان نفسي اكتبهم انا لكن انا بمتحن البكاليريوس حاليا وبحاجه لدعاؤكم وباذن الله لما اخلص احاول اعمل مواضيع مهمه زي مواضيع حضرتك لانك دبيت فيا روح الحماس والتشجيع لتوصيل معلومات للآخرين


والله الموفق


تحياتي

رد: السلسله الذكيه للصيانه الوقائيه
 

ربنا ينجحك أن شاء الله

ونشوف منك حاجات حلوه كتير

حلاوة النجاح

على الأقل

رد: السلسله الذكيه للصيانه الوقائيه
 

بجد يعجز لساني عن شكرك يا باشمهندس سمير
ومتحرمناش من مواضيعك ياباشا, وكنت عاوزك تتكلم عن تغيير التيل الخلفي ومعرفة كفاءته , وزيت الفرامل وهل التعامل معاه زي زيت الباور ولا حاجة تانية؟