رد: ماهو الروديه
 

طيب يا طبيبنا هو ايه فائدة الفايز فى العمة
هل لدخول هواء ساخن ولا لدخول دخان مزيت عشان ينزل مع البنزين والهوا عشان يزيت الشمبر فى حركته
ايه الى ممكن الواحد يعمله على اسوء الظروف
شمبر وروديه
ولا شمبر وبس
ولو طنشت ممكن يحصل انتكاسة فى الموضوع

رد: ماهو الروديه
 

ماهو أنت محددتش برضه حالة المكنه أيه لحد دلوقتى

وممكن تجرب حاجات كتير

زى أضافة زيت شنبر مع غيار الزيت

بصفه مؤقته

على ماتقرر قدام

موعد تغيير الشنبر وعمل الروديه

وده بيتحدد حسب الآتى

1- ملاحظتك لمعدل أستهلاك الزيت

2- ملاحظتك لمعدل أستهلاك البنزين

3- ملاحظتك لمعدل مقدرة السياره على القيام بواجبات السحب ومجابهة أى أحمال مطلوبه

____________________

نفترض فيها حاجه من دول مش ظريفه وعيارها فالت

يبقى ما باليد حيله

شنبر وروديه على طول

رد: ماهو الروديه
 

على فكره

يفضل

بل واجب

وقت عقد العزم والنيه على تغيير طقم شنبر

يجب عمل روديه

لأن الروديه من أهم الأعمال الازمه للحصول على كفاءة حريق عاليه

فالصبابات الغير مطبعه جيدا

أثرها على كفاءة غرف الحريق فى الحبك الميكانيكى أكبر من عيب الشنبر نفسه

رد: ماهو الروديه
 

الله ينور عليك يا هندسا
طيب كنت عايز اعرف ايه فائدة الفايز فى دخوله على العمة
وهل هو هواء محمل بأبخرة الزيت فيعمل على تزيين الشمبر من الداخل ويدخل مع البنزين والهواء
ولا لدخول هواء ساخن
فيدته ايه
معلش سهرتك انهرده شوية

رد: ماهو الروديه
 

شوف يا أخى

فى المنظومات الهندسيه المغلقه والمعرضه لأرتفاع فى الضغوط أثناء قيامها بوظيفتها

لابد من تواجد خط فائظ باى تصميم

سواء فائظ طبيعى

أو فائظ جبرى

والمقصود بالفائظ هو التهويه عن المناطق المحمله بالضغوط زى باطن المكنه ( اى الكرتير )

لأن محركات الأحتراق الداخلى ( زى محرك السياره )

لازم بيحصل نسب تفويت خفيفه من خلال الشنابر لها وبالتالى أرتفاع الضغط داخل الكرتير

طبعا معدل التفويت نسبى

بيضمحل قليلا مع المحركات الجديده وبيزداد مع المحركات القديمه

بسبب عمليات التقادم والتهالك الطبيعيه نتيجة عمل الأجزاء الميكانيكيه

زى الحركه التردديه بين البستم بشنابره على الجدران الداخليه لغرف الحريق

( لأن زى ما كلنا عارفين )

مهما تقدمت العلوم .....فلن تكتمل

لأن الكمال لله ...........جل فى علاه

___________________

نفترض بأه مكنش فيه خطوط فائظ وتهويه عن كرتيرات المحركات

كان أيه إللى حيحصل

حيزيد الضغط مره فى مره فى مره وهكذا

زى ماتكون بتنفخ بالونه

زيادة الضغط تلك غير مطلوبه وضاره على المحركات للآتى

1- بتؤدى إلى سخونة المحركات وبالتالى ده غير مطلوب

2- بتؤدى إلى الأسراع بتلف مناطق الحبك للأماكن المفتوحه

زى تلف سيلات عمود الكرنك

رد: ماهو الروديه
 

تمام كدا يعنى ملهوش دعوة بالكربراتير ولا بينفع الكربيراتير فى حاجه
ولا ايه

رد: ماهو الروديه
 

بياخد الأبخره الناتجه عن التفويت وأرتفاع الضغط فى الكرتير

ويوديها للعمه علشان يخش مع الهواء تانى لغرف الحريق ( منه فيه )

ولا ده ولا ده

أنظر المشاركه السابقه خاصتى