مصر موتورز مجتمع السيارات - عايز رأيكم فى الاقتراح ده

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - عايز رأيكم فى الاقتراح ده (https://www.masrmotors.com/vb/showthread.php?t=40252)

رد: عايز رأيكم فى الاقتراح ده

Injection استاذ التقنية الصوتية
الف ملبون شكر
لقد استفدت جدا من المعلومات التى ذكرتها فى الموضوع
ولكن لى سؤال ركبت فى العربية 2 تويتر شماسة امامية ولكن صوت البيز فى السماعات مغطى عليهم
هل دة عيب تركيب ام ماذا
النظام عندى
كاست mp3رودستار +2 سماعة بالباب الامامى كينوود 2way 150w
+2 sony 300w خلفى 2 way
لآسف على الاطالة

رد: عايز رأيكم فى الاقتراح ده

اقتباس:

المشاركة الأصلية كتبت بواسطة محمد فيصل (المشاركة 293989)

Injection استاذ التقنية الصوتية
الف ملبون شكر
لقد استفدت جدا من المعلومات التى ذكرتها فى الموضوع
ولكن لى سؤال ركبت فى العربية 2 تويتر شماسة امامية ولكن صوت البيز فى السماعات مغطى عليهم
هل دة عيب تركيب ام ماذا
النظام عندى
كاست mp3رودستار +2 سماعة بالباب الامامى كينوود 2way 150w
+2 sony 300w خلفى 2 way
لآسف على الاطالة

ياباشا العفو ألف شكر على كلامك.

المشكلة ممكن تكون من حاجتين.

الأولى أن التويترات نوعيتها وحشة ومش ماركة معروفة, وده اللى أنا أرجحه, التويترات البايونيير بتبقى فوق ال 100 جنيه, ودى طبعا مالهاش حل وتنافس السماعات العادية فى القوة.

التانية أن فعلا المشكلة مشكلة توصيل, لو اللى وصل عكس توصيلات سماعة أو تويتر عن زميله, الصوت بيطلع من ناحية ويطلع عكسه من الناحية التانية وبالتالى الأثنين بيلغوا بعض, وده بيبقى ملحوظ أكثر فى السماعات لما تلاقيهم شغالين جامد بس أنت مش سامع حاجة.

بس أنا واثق فعلا من الأحتمال الأول, أصلا أتلسعت كتير جدا من الصينى, لغاية ماجبت سماعات كينوود وعرفت أن الغالى تمنه فيه.

وفيه أحتمال كمان, ممكن يكون الكاسيت ال settings بتاعته فيها حاجة غلط, الأكوالايز مش مظبوط صح أوفيه fader مش مظبوط أيا كان, وده مأثر على الصوت الخارج.

وأنا أفضل أن حضرتك تروح لمختص فاهم شغله, يكشف على التوصيلات, ويشوف التويترات فيها cross over يلغى باقى الموجات الصوتية ولا لأ, ممكن تكون المشكلة من توصيلة غلط أو تويترات غير جيدة.

وربنا يوفقك ياباشا فى حل المشكلة.

رد: عايز رأيكم فى الاقتراح ده

مستر انجيكشن
كان ليا استفسار انا عربيتى لانوس 2004 العربية معايا فبريكة الكسيت كلريون واربع سماعات جولدستار احمد بهجت مش عارف كام وات
لقيت بعض السمعات بايظة وكنت عايز اغير السمعات بسمعات وات اعلى بدون قطع فى الصاج او اى حاجة وعايز صوت نقى بنفس الكسيت ولا رائيك اغير الكسيت بالمرة المهم انا بحب كل حاجة تكون مكنها بدون تعديل

رد: عايز رأيكم فى الاقتراح ده

هو الكاسيت كويس مش وحش, أنا مستحرم تغييره بصراحة, وصوته كويس مش بطال, بس مش زى كاسيت بايونيير ديجيتال جديد طبعا.

السماعات الجولدى دى تعبانة جدا وصوتها وحش وبيخروش, والرق بتاعها ورق, وبالتالى بتبوظ بسرعة, ولما بتعلى الكاسيت عن النص بتلاقى الوش أشتغل من كل حتة.

فيه ياباشا سونى وكينوود وبايونيير, هات حاجة كويسة فى حدود 120 الى 180 وات, فيه بايونيير 180 وات دى كويسة جدا, الطقم هيعمل 120 جنيه فيما فوق شوية, ودول الوات بتاعهم كفاية أوى علشان الكاسيت أصلا ضعيف (سواء الأصلى أو أى كاسيت تانى).

ودى صورتهم, السماعة 2 واى يعنى بتطلع بيز وميد رينج
http://www.viewpoints.com/images/rev...42317_full.jpg

السماعات دى هتركب مكان القديمة مباشرة, الكنبة اللى ورا هتتخلع علشان الكوبستة تتفك, وتتشال السماعات القديمة ودى تركب مكانها.

واللى قدام الباب البلاستيك :) هيتخلع وتتركب السماعات الجديدة مكان القديمة وخلاص من غير أى تعديل.

بس أسأل على المقاس اللى عندك ياباشا قبل ماتشترى الأول, وشوف السماعات هتركب عليه ولا لأ, ويفضل تشترى وتركب عند نفس الشخص.

وبأذن الله هتسمع صوت نضيف, وعايز أقول لحضرتك أى تغيير عن السماعات الأصلية هيحسسك بفرق رهيب.

رد: عايز رأيكم فى الاقتراح ده

طيب ينفع مستقبلا اجيب امبليفير على السمعات الجديدة وهحس بفرق
وكنت عايز اجيب واحد بس المشكلة ما بحبش زحمة كتير فى العربية بحب البساطة

رد: عايز رأيكم فى الاقتراح ده

هو من ناحية ينفع ينفع, أنما لو حضرتك بتفكر تجيب أمبليفاير, السماعات ديه فى بداية السلم بتاعه, يعنى لو جيبنا أمب 400 وات, دى فى الأول وفى الأخر 180 وات بس, هى مناسبة للكاسيت, لكن حرام تجيبهم لأمبليفاير, فيه سماعات تانية تركب وتديك قيمة أعلى للفلوس اللى هتتدفع فيها.

وطالما حضرتك بتحب البساطة جرب السماعات دى, مش هتعملك فرح, بس صوتها هيبقى كويس جدا جوه العربية, بمراحل عن السماعات الأصلية.

أنما الأمبليفاير محتاج قصة تانية خالص, سماعات أعلى, ولو جيبته وجبتله 4 سماعات هيبقى القنوات ال 4 بتوع الكاسيت فاضيين, وممكن ساعتها تجيبلهم هما كمان سماعات ويبقى عندك 8 سماعات.

او بنفس الأمبليفاير, ممكن تركب عليه سماعتين أقوياء وبازوكا أوصب, و4 سماعات على الكاسيت ويبقى عندك 6 سماعات وصب.

رد: عايز رأيكم فى الاقتراح ده

اقتباس:

المشاركة الأصلية كتبت بواسطة Injection (المشاركة 291060)

بص ياباشا, النظام عندك ضعيف جدا, وعايز أقلك أنك لوجبت سماعات نضيفة بس, هتحس بفرق بين السماء والأرض.

الصب ياباشا مابيركبش فى أى حتة, الصب لازمله صندوق علشان يطلع الصوت, لو جربت تسمع صب 1000 وات من غير صندوق هتلاقيه ولا سماعة من اللى ب 15 جنيه, لكن فى صندوق أو بازوكا الوضع هيتقلب تماما.

لكن فى حاجة جت فى بالى, الرف هيبقى مقفول على الصندوق بتاع العربية, يعنى الصب هيركب على الرف كأنه فى صندوق, لكن صندوق العربية مش مقفول تماما, فبالتالى لو ركبتهم على الرف مع كل خبطة بيز هتسمع زن وقرف من الهواء اللى عمال يخرج ويدخل صندوق العربية.

لكن فى فئة من الصبات أسمها فرى أير, دى ينفع تتركب بدون صندوق, وهى دى اللى ينفع تركبها على الرف وتسمع منها بيز, لكن صب عادية على الرف مش هتسمع البيز بتاعها غير وأنت واقف بره العربية, علشان العربية هتتحول لصندوق للصب بس زى الفقرة اللى فوق..........

عايز رأيى, هات سماعتين بايونيير بيضاوى للرف اللى ورا فى حدود 400 وات ماكس (ممكن أقل سنة), وسماعتين مدورين فى نفس الحدود, وسماعتين تانيين مدورين فى حدود 200 الى 300 وات ماكس, وجى أم 4 قنوات 400 وات كينوود, هتركب عليه السماعتين البيضاوى والسماعتين المدورين الأقوياء :), والسماعتين الفاضلين يركبوت على الكاسيت على طول.

كده تبقى عملت نظام أحسن من الصب, النظام اللى حضرتك كنت عايز تعمله حتى لو عملته بصب free air البيز هيغطى على صوت السماعات, ومش هتقدر تستخدم الصبات بقدرتهم الا لو حطيت تويترات أو سماعات بيضاوى كومبوننت علشان تعادل البيز.

أما نظام محطوط فيه سماعات كومبوننت (يعنى بتطلع بيز وتريبل وميد رينج) صوته بيطلع متناسق ومفيش حاجة اعلى من التانية.

ماشاء الله واضح ان حضرتك فاهم
انا مفهمتش اي حاجة ايه ياترى
ايه الفرق بين البيضاوي و المدور؟
و اسمها ايه السماعات الي بيبقي فيها تويتر؟