رد: رحلة جماعية لواحة سيوه
 

تحياتى
1- العدد مفتوح وحسب ما نقوم بالحجز حيث الإقامه بمنتجع سيوه باردايس سفارى
2-التكلفة للفرد العام الماضى كانت 375 جنيه للفرد شامل المواصلات والوجبات ( فطار + عشاء ) والمزارات وطبعاً فى حالة حضورك بالسيارة سيتم خصم قيمة المواصلات
3-المسافة من الإسكندرية الى سيوه حوالى 600 كم أى حوالى 7 ساعات بالأتوبيس
4-الطريق حتى مطروح ممتاز ومن مطروح لسيوه ( 300) كم مفرد لكنه متسع ومرصوف جيداً
5-الطريق لا يحتاج لسيارة 4X4 وتكفى سيارة عادية بس تكون متظبطة
6- المكان مميز جداً حتى لكبار السن ( أنا من كبار السن ولا أفوت هذه الرحلة )
7- أنا أعشق هذه الواحة ولا يمكن ما أبقاش معاكو

رد: رحلة جماعية لواحة سيوه
 

طيب حضراتكوا ناويين على مواصلات ولا بالعربيات والاقامة كام يوم؟؟؟؟؟؟؟؟

رد: رحلة جماعية لواحة سيوه
 

الله فعلن فكره كويس ان شاء الله اكون معاكم و فى المقابله القادمه اكيد هنتكلم فى الموضوع ده
و شكرا ليك جدا يا استاذ نبيل

رد: رحلة جماعية لواحة سيوه
 

ROSE4Uاكيد طبعا يا استاذ نبيل انا جى معاكم و لو عاوزين النيفا انا مستعد
و زى ما كريم قال اكيد فى يوم المقابله هنتفق على برنامج الرحله
شكرا ليك يا استاذ نبيلROSE4U

رد: رحلة جماعية لواحة سيوه
 

جميل جدا يا استاذ نبيل وشاكر لإهتمامك وعلى فكرة انت لسه شباب خالص دانا عندى ليك عروسة ههههههههههه444546

بس انا ليا كام تعليق :
1- هما ال 375 جنيه دول كانوا على كام يوم ولا كانوا يوم واحد ولا ايه

2- انا إنشاء الله جاى بعربيتى فهيبقى لغاية الفندق والتنقلات بين المزارات بالاتوبيس صح ولا انا مخطئ؟+ هل هناك المكان امان بالنسبة لركنة العربية وانى ممكن اسيبها فترة التنزهات؟+ ياريت اعرف فرق قيمة المواصلات اللى هتتخصم لو جيت بالعربية؟

3- هل المجموعة اللى هتطلع إنشاء الله هتبقى كلها شباب ولا فى حد هيجيب اسرته معاه لان انا عايز اجيب مراتى وابنى أسرتى يعنى ودى مهمة علشان محدش يبقى متحير بين الاعضاء وماسرته وطبعا أكيد هتأثر على طرف منهم بالسلب وو أكيد هتأثر على العضو فى المقام الأول؟

4- ياريت لو مقدرتش احضر المقابلة اللى جاية إنشاء الله تبقوا تعرفونا ايه اللى وصلتوا ليه ولو حد معاه لاب ممكن نتواصل معاكوا اونلاين.


معليش انا طولت عليك بس ده من عشمى ف سعة صدرك وطولة بالك وابقى قوللى ابعتلك صورة العروسة يمكن تعجبك!!!!!!!!!!!!!!!!!!!! !!!!!!!1

تحياتى

رد: رحلة جماعية لواحة سيوه
 

إنشاء الله انا جاى بالعربية والمدة تلات ايام maximum

رد: رحلة جماعية لواحة سيوه
 

أنا طلعت الرحلة دى كذا مرة وكانت فى كل مرة 3 أيام وليلتين
فى اليوم الأول وصول المنتجع والتسكين ثم التحرك بالكارتات ( وسيلة المواصلات الوحيده ) لعمل مزارات اليوم الأول
فى اليوم الثانى استكمال المزارات بالأوتوبيس فى أماكن بعيده شوية وحتى الساعة 3 عصرا ثم العودة للمنتجع وعمل رحلات السفارى فى الصحراء لمن يرغب بسيارات 4X4 ودى ليها اشتراك تانى ( حوالى 60 جنيه ) وهى إختيارية وفى المساء حفل سمر به شواء وباربيكيو
فى اليوم الثالث وضع الشنط فى الأتوبيس واستكمال باقى المزارات وحتى الساعة 3 عصراً ثم المغادرة
ده باختصار برنامج الرحلة ، وأنا الآن بأعمل اتصالات مع منظم هذه الرحلات للإتفاق معه على كافة التفاصيل