المشاركة الأصلية كتبت بواسطة pharm45 (المشاركة 276843)

ياجماعة متهولوش وتكبروا الموضوع أكبر من حجمه ماهى المرسيدس بتتجمع فى مصر يعنى مش كل العربيات اللى بتتجمع فى مصر وحشة وسيئة للدرجة دى.........بس أنا كنت عايز أسأل على حاجة ضرورى جدااااا:-
حتى المرسيدس اخى المحترم طلع فيها عيوب وتم سحب اكثر من 100 عربية من السوق المصرى بسبب عيوب فى الباور وحتلاقى الكلام دة فى الموضوع اللى عاملة استاذنا احمد فاروق والموضوع بعنوان (الكمال لله حتى المرسيدس بها عيوب )

أنا عندى دلوقتى تويوتا أفانزا 2009وكنت حابب أركبلها طقم صدادات حديدية أمامى وخلفى فهل ده فى خطر على العربية زى الشاسية مثلا وياريت لو حد يعرف اركبه فييين بتاع التويوتا أفانزا مش الماتريكس يقولى العنوان.............

بص يااستاذى حتنزل شمبليون بجانب التوفيقية حتلاقى بيبيعوا الصدادات الأمامى والخلفى للجيب وال4x4 وحتلاقى كتير اوى محلات فى شارع احمد سعيد حتلاقى بتاع 12 محل عندة اللى يناسبك .
وحاجة تانية أنا كنت تعرضت لحادث من الأمام وواحد ابن حلال قطع عليا الطريق فى مفرق والكصدام الأمامى كان اتكسر وأنا كنت عايز اشترى واحد جديد مش من التوكيل أجيبه منييين؟؟؟؟؟؟وأيضا كنت عايز فانوس خلفى بس أصل أنا سألت فى التوكيل قالى انه ب760 جنيه!!!!ليه مش عارف لو حد يعرف أجيب واحد صينى منين ب200أو300 جنيه يقولى ضرورى أصل نزلت التوفيقية 4مرات ولفيت السبع دوخات ومش لاقيه.......
هو الأكصدام ضايع خالص للدرجة اللى تغيرة عشان فى ناس متخصصة فى تصليح الأكصدامات الفبر وموجودين فى شارع احمد سعيد بردة ولو هيتغير حيكون من الحرفيين اضمن واحسن وبالنسبة للفوانيس فى كذا واحد عندك مثلا فى جسر السويس حتلاقى كل حاجة هناك ورخيص مش غالى وفى بردة فى التوفيقية بجانب ابو طارق بردة حتلاقى .

معلش طولت عليكم بس أرجو أى حد عارف أى حاجة يقولى ضروووورى

المشاركة الأصلية كتبت بواسطة 12345smsm (المشاركة 283123)

بيني وبنكم ياجماعه الاستراد هو الحل الافضل
انا عن نفيس جبت عربيتي من بره مصر ووقفت علي بعد الجمارك والاقرميات زي مصر
هي لفه شويه ودخه بس مريح دماغي
وبنسبه للصيانه عملت تعاقد مع الشركه وفسرفز زي اي حد او ممكن تعمل لها صيانه في اي مركز
خدمه معتمد