مصر موتورز مجتمع السيارات - هواء السلانسيه فى الحقن الألكترونى

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - هواء السلانسيه فى الحقن الألكترونى (https://www.masrmotors.com/vb/showthread.php?t=38018)

رد: هواء السلانسيه فى الحقن الألكترونى

اقتباس:

المشاركة الأصلية كتبت بواسطة samirayad (المشاركة 271945)

حساس وضع بوابة الثروتل

وبيسمى TPS SENSOR

أى THROTTLE POSITIONING SENSOR

_________________________

طبعا بيفضل قبل أتخاذ أى أجراء مع الحساس ده

أن يتم عمل نظافه وتزييت لأكس قرص البوابه

لتسهيل شغل الحساس وعدم أحداث عرقله فى أشارته الكهربيه الذاهبه

لوحدة التحكم

لأن هذا الحساس معقد هندسيا ويتم تشغيله هندسيا من خلال نهاية أكس قرص باب البوابه

علشان كده

أنا بأسميه

عين وحدة التحكم فى معرفة البوابه ....مفتوحه أد أيه

ومفتوحه ولا لا

_________________

بأذن الله حنعمل موضوع عن الحساس ده من كل الزوايا

لكى يتعرف عليه الجميع

اكس قرص البوابة اللي هو لما تدوس بنزين بيفتح القرص عالآخر صح؟طيب يتنظف ازاي بمنظف الإنجكشن؟ هو انا لما رحت للكهربائي لعبللي في الإسبيراتير والrpm نزل علي 1100 ومانزلش عن كده وقاللي غير بوجيهات (المكنة استيراد1600 انجكشن ودي البوجيهات اللي جايه فيها) بس هي بتدور من اول تكة برده لازم تتغير؟ وقاللي البوابة من الركنة عشان كده العربية عالية ومع الوقت هتنزل بس مانزلتش غير سنة

رد: هواء السلانسيه فى الحقن الألكترونى

اقتباس:

المشاركة الأصلية كتبت بواسطة samirayad (المشاركة 272003)

الحقيقه أنا معنديش فكره عن مكونات محرك سيارتك

ولا كيفية سريان الأمور لمكونات المحرك

وبرضه مش فاهم أيه دخل الكمبروسور بالمحرك عندك

المفروض الكمبروسور خاص بدايرة تكييف السياره

وأيه علاقة كل ده بموضوع السولونيد والكامه

فلو كان لديك لينك خاص بكتالوج السياره أو محركها

فسوف أقوم بتنزيله والأطلاع على المكونات لتحليل الموقف من الزاويه الفنيه بصوره أكثر دقه

وأشوف المهندس ده : عاوز أيه بالضبط

اكيد أننى لم اوضح الموضوع جيدا

موديلات المرسيدس الكمبروسور أى فيها تربو ( أو الشاحن ) Supercharger و هى تنزل فى الموديلات 4 سليندر من بعد عام 2000 و لكن الألمان يطلقون كمبروسور على شاحن الهواء أو التربو .

كنت حاسس بصوت خشن شويه فى التدوير صباحا و لكن اخبرنى المهندس بأنه صوت التربو ( الكمبروسور ) و بالطبع ليس له علاقه بكمبروسور التكييف .

بخصوص السولونيد Solenoid و الكامه فده كان نتيجة الكشف على السكانر عندما طلبت اجراء فحص شامل للأطمئنان فقط , فأخبرنى انهم ربما يحتاجون للتغيير فى المستقبل و اردت معرفة وظيفتهم بالضبط .

ربما تساعدك هذه الفقره

اقتباس:

four cylinder petrol engines have an actuator that alters the cam timing to one of two positions This actuator is hydraulically operated and triggered by a solenoid. The solenoid coil has part of the wiring loom attached to it by a plug. An oil seal fails at the plugs connection with the solenoid coil allowing oil to slowly flow onto the plug. Oil finds its way by capillary action between the copper wire and plastic sheath of the loom, and migrates two metres along it until it reaches the car's ECU damaging it. This would of course also affect an auto gearbox if fitted. A safeguard is available in the form of a short 150mm loom extension with plug and socket. This stops the capillary action. Spare part numbers that make up this pro-active unit are (a) 1110510177 cost £30.00 (b) 1119970186 cost £1.69 and (c) 2711502733, cost £16.90. If the oil gets to the ECU the cost of repair is around £1,400 incl VAT.

و هى من هذا الموقع

انا ضعيف شويه فى البحث و لكن للتسهيل فموديل السياره
E200 kompressor W210 - 2000 CC

رد: هواء السلانسيه فى الحقن الألكترونى

اقتباس:

اكس قرص البوابة اللي هو لما تدوس بنزين بيفتح القرص عالآخر صح ؟

صح

اقتباس:

صح؟طيب يتنظف ازاي بمنظف الإنجكشن؟

ممكن تنظف البوابه بأى منظف للرواسب وبعد كده تزيت نهايات الأكس بال wd40

اقتباس:

) بس هي بتدور من اول تكة برده لازم تتغير؟

تغيير البوجيهات عمل روتينى لأى مكنه ومن ضمن الصيانه الوقائيه

وطالما عندك البوجيهات الأصليه

هات زيها جديد وركبه

اقتباس:

وقاللي البوابة من الركنة عشان كده العربية عالية ومع الوقت هتنزل بس مانزلتش غير سنة

كلامه صح بالنسبه لتأثير الركنه على تقل عمل البوابه

ومش صح بالنسبه لأنتظار الأيام لتسهيل عمل البوابه

والمفروض تعمل شوية نظافه

طالما المكنه أستيراد وكانت مركونه فى شون الأستيراد

رد: هواء السلانسيه فى الحقن الألكترونى

اقتباس:

موديلات المرسيدس الكمبروسور أى فيها تربو ( أو الشاحن ) Supercharger و هى تنزل فى الموديلات 4 سليندر من بعد عام 2000 و لكن الألمان يطلقون كمبروسور على شاحن الهواء أو التربو .

كنت حاسس بصوت خشن شويه فى التدوير صباحا و لكن اخبرنى المهندس بأنه صوت التربو ( الكمبروسور ) و بالطبع ليس له علاقه بكمبروسور التكييف .

ده كلام سليم
وكده الخشونه صباحا مع تدوير المكنه ممكن يكون سببها جلب التربو تشارجر

ممكن تعمل كشف على خط تزييت كراسى تحميل مكونات التربو ( مروحة التوربينه ومروحة الكمبروسور )

ممكن تكون الخشونه دى بسبب أنخفاض كفاءة التزييت قبل أدارة الماكينه لعيب ما فى منظومة تزييت التربو

اقتباس:

بخصوص السولونيد Solenoid و الكامه فده كان نتيجة الكشف على السكانر عندما طلبت اجراء فحص شامل للأطمئنان فقط , فأخبرنى انهم ربما يحتاجون للتغيير فى المستقبل و اردت معرفة وظيفتهم بالضبط .

ربما تساعدك هذه الفقره

ساراجع الموقع للأطلاع على أى بيانات فنيه تفيد فى وضع اليد على حقيقة الأمر

وسأوافيك بالرد مستقبلا بأذن الله بعد دراسة فنيات المحرك

رد: هواء السلانسيه فى الحقن الألكترونى

اقتباس:

على فكره

أنا لم أتعمق فى الموقع ولكنى ألقيت عليه نظره عابره

لأنه مش مبين أوى النواحى التكنيكيه الخاصه بديزاين مكنتك

ولكن من خلال تلك الفقره من أقتابسك

اقتباس:

four cylinder petrol engines have an actuator that alters the cam timing to one of two positions This actuator is hydraulically operated and triggered by a solenoid.

أن السولونويد بالفعل خاص بمنظومة التاكيهات كما توقعت أنا سابقا

السولونيد بيتحكم فى عملية توقيت الصبابات ( يعنى عندك وضعين لشغل الصبابات )

بحيث يتم التحكم فى عملية فتح وغلق الصبابات حسب الحمل

طبعا وحدة التحكم على علاقه بالسولونيد

وبترسل له بالكهرباء من خلال غلق خط الأتصال الأرضى عليه

لتحديد أى وضع من الوضعين حتشتغل عليهم الصبابات

الهدف فعلا من تلك القصه

هو رفع معدلات الآداء

فتقريبا المهندس ظهر معاه أكواد أعطال مع الفحص بالأسكانر

وبيتوقع منها ظهور مشاكل مستقبليه من منظومة التحكم فى شغل الصبابات

رد: هواء السلانسيه فى الحقن الألكترونى

سلام عليكو..... انا اشتريت عربية تويوتا كرولا98 اوتوماتك من كام يوم و فيها نفس المشاكل اللى خضرتك بتقول عليها من رجه فى العربيه لو مديها d او R وبذات ال R لو واقف او سلانسيه بس بتروح اول مديها بنزين انا الصراحة كنت قفلت من العربيه لحد ما لقيت الموضوع و حسيت ان ديه فعلا هى مشكلة العربية بس المشكلة ان عربيتى كاربيراتير مش حقن الاكترونى

رد: هواء السلانسيه فى الحقن الألكترونى

مجهود رائع ومعلومات غزيره يابشمهندس سمير ربنا يزيدك