مصر موتورز مجتمع السيارات - طلب نصيحة و تسعير شراء كابريس كلاسيك موديل 1983

مصر موتورز مجتمع السيارات (https://www.masrmotors.com/vb/index.php)

- كلاسيك (https://www.masrmotors.com/vb/forumdisplay.php?f=182)

- - طلب نصيحة و تسعير شراء كابريس كلاسيك موديل 1983 (https://www.masrmotors.com/vb/showthread.php?t=36164)

رد: طلب نصيحة و تسعير شراء كابريس كلاسيك موديل 1983

اقتباس:

المشاركة الأصلية كتبت بواسطة hazem_khidr (المشاركة 255400)

السلام عليكم استاذ علي
انا رأيي من رأيي باقي الشباب
الفيصل في الشراء هو تواجد قطع الغيار و اسعارها
و ملائمه العربيه لقريبك من حيث الوسع و الركنه (جايز يكون عنده جراج)
انما الكابريس كعربيه لا غبار عليها و عربيه معمره جدا
و صعب انك تلاقي فيها فانوس مكسور او حاجه من هذا لاقبل الا لو مقطوره طلعت فوقيها:)
الاتوماتيك بتاعها برضه كويس و لو الفتيس كويس يبقي مش حتلاقي له مشاكل لان الامريكاني معمر جدا في الجير بتاعه.
خلي قريبك يستخير و يشوف قطع الغيار نظامها ايه من المحل اللي صاحب العربيه بيقول عليه.
و بعدها يتوكل علي الله و يشوف هو ناوي علي ايه

شكرا يا حازم باشا
أنا باحترم رأيك جدا و أظن أنه عين الصواب
ربنا يسهل
بس المشكلة حانكشف عليها ازاي و فين ؟؟

رد: طلب نصيحة و تسعير شراء كابريس كلاسيك موديل 1983

اقتباس:

المشاركة الأصلية كتبت بواسطة BoPPoS (المشاركة 255403)

الاول ... السلام عليكم ...

ياسيادنا ... ليه البهدله دي كلها ..؟؟؟؟؟

انا بعشق الكابريس ... ولو معايا فلوس والله ما هستنا لحظه ...

عربيه ركوبه ركوبه يعني .... مافيهاش غلطه ....

وكل مشكله وليها حل ....

الموتور والبنزين ؟؟ .... بقت غاز

الحجم الكبير ؟؟؟ .... مش اعرض من الداتسون او السرفيس ؟؟؟

وموضوع الركنه ده ساعتها ربنا يفرجها ..

وقطع الغيار ؟؟؟... ممكن تنزل وتشوف المحل ده وتجيب كل قطع الغاير المتوقع انها تبوظ

زي الفوانيس وطرمبة بنزين وكام سير وشوية حبشتكانات كده ...

مهما حصل ... اظن اللي هيسوق الوحش ده هيكون معاه رخصه .. او بيعرف يسوق مش واحد جاي من الشارع

وعارف ومقدر المسؤوليه واكيد لما يركبها ويدوق طعم الدلع هيحافظ عليها اكتر

وعندي اقتراح حلو ... ممكن بال20.000 دي يجيب حته موديل 89 واكيد هتبقى احلى

وتعليقا على كلام الاخوه لما الموتور يبوظ .... حاتلي عربيه موتورها بيشتغل 25 سنه زي الوحش ده ويبقى لسه فيه صحه ؟؟؟؟

ولو الموتور مات .... بسيطه .... نزل موتور شيفروليه الدبابه جديد معاه تيربو ... هيخلع امها ...

وربنا يوفقك للخير ...

وتقبل تحياتي ... مع احترامي وتقديري لجميع اعضاء المنتدى ....

شكرا على الرد
وجهة نظر جيدة

رد: طلب نصيحة و تسعير شراء كابريس كلاسيك موديل 1983

اقتباس:

المشاركة الأصلية كتبت بواسطة hossamhussein0 (المشاركة 255420)

عزيزي صاحب الموضوع

مع احترامي الكامل لاراء الجميع ،،،، رايي الشخصي كما يلي :-

المميزات

العربية دي حاجة ثانية خالصصصص عربية قوية جدا و بالرغم من حجمها الكبير لكنها بتتعامل زي الطفل الصغير يعني هتشوف احلي باور و اقوي موتور اللي بلمسة بنزين بتحس ان العربية بتطير مش بتمشي ، و كمان معاملات امان غير عادية و هيكل من الفولاذ اللي يخلي اوتوبيسات النقل العام تبعد عنك و ماتفكرش ترمي عليك و انت ماشي ، هذا بالاضافة الي تكييف لا يوصف و صالون غاية في الوسع و الرفاهيه و كمان سعرها مش هيجيب حاجة محترمة من الماركات الاخري ،،، و علي فكرة كان جاري في العمارة معاه واحدة موديل 78 لونها اسود و باعها بـ 22000 ج بس الكلام ده كان من سنتين و كان وقتها الاسعار لسع ماسكه نفسها شوية و كمان العربيات دي معمرة جدا جدا لدرجة تفوق كل التوقعات.

عيوبها

الركن و صعوبة وجود مكان مناسب في الشوارع المزدحمه - زيادة الاستهلاك للوقود حتي لو كانت غاز ( عربية 5000 سي سي ) - قلة قطع الغيار ، يعني كفاية انها لو عاوزة اي حاجة فيها كام مشوار و كام يوم عقبال ما تلاقيها - كمان الضريبة السنوية 1000 ج - و حجم العربية الكبير يحتاج الي حد حريف سواقة علشان يلمها و يسيطر عليها و خصوصا انه لو غمز دواسة البنزين حاجة بسيطة بس هيلاقيها زي الثور الهائج

و نصيحة

اذا كانت امكانياته المالية جيدة و العربية حالتها جيدة يبقي يتوكل علي الله ، أما لو كانت امكانياته المادية محدودة يبقي يصرف نظر و يفكر في حاجة اكثر اقتصاديه

شكرا على الرد
كلام موزون جدا

رد: طلب نصيحة و تسعير شراء كابريس كلاسيك موديل 1983

اقتباس:

المشاركة الأصلية كتبت بواسطة alymonir (المشاركة 255593)

شكرا على الرد
كلام موزون جدا

احنا في الخدمة SLAM

رد: طلب نصيحة و تسعير شراء كابريس كلاسيك موديل 1983

4BY4السلام عليكم 4BY4
بجد موضوع جميل وشيق جدا واحب اقول لكل صاحب كابرس كلاسيك مبروك علية الوحش الامريكى انا عن نفسى جبت كابرس كلاسيك مو 89 موتور انجكشن 8 سلندر 5100 سى سى وعلى فكرة الناس اللى بتقول ملهاش قطع غيار اقولهم انتو مش عارفين حاجة قطع غيارها با الكامل موجودة عند واحد اسمة صابر الشيمى على الدائرى ناحية بهتيم عندو كل قطع غيارها جديد ومستعمل وارخص من الموديلات الحديثة على سبيل المثال جبنا 2طقم الفانوس بتاعها جبناهم ب 500 جنية وعدلنا عليهم لمبات 200_260 بقى نورها ملوش حل الشارة بتاعتها ب 40 جنية السير الكبير بتاعتها جديد ب 90 وعلى فكرة قطع غيار الجيب الشيروكى بتركب عليها وليها تعديلات من قطع غيار تانية مارش الميتسوبيشى بيركب عليها كارونة تويوتا بتركب عليها وحجات كتير وكفاية الامان اما عن استهلاك البنزين فهى بتعمل 140 عا السريع او 70وسط البلد وممكن تخليها تعمل اكتر من كدة فى جهاز بييجى من امريكا اسمة بلازما سبارك بعد ما يركب عليها يخليها تعمل 180 فى الصفيحة او اكتر والموتور معمر جدا جدا وكفاية ان الكل بيخاف منهاوبيحترمها سواءنقل او ميكروباص
العربية حلوة بمعنى الكلمة بس اللى يركبها لو مكنش سواء بجد ها يبهدلها ويبهدل الناس بس هى عربية محترفة فى الغرز والمناورات انا بعمل بيها البدع عا الطريق وانا راكب عا الصلنصية بحط رجلى عا الفرامل من قوتها مش بدوس بنزين خالص وممكن بعد ما تركب لها جهاز البلازما سبارك تقدر تشغلها غاز طبيعى بكامل قوتها انا قولت اللى عندى ومنتظر ردكم وفى ناس كتير بتبيع قطع غيارها وميكانيكى الشيروكى بيفهم فيها بس يكون ميكانيكى بجد مش بتاع بطيخ(what)

رد: طلب نصيحة و تسعير شراء كابريس كلاسيك موديل 1983

بسم الله الرحمن الرحيم اخي العزيز طبعا احب اقولك لحضرتك عربيه ممتازه بس سنه 1983 وديها كمان 10 سنين يعني حلوه اوي لغايه 1993يعني انا لو مكانك مش هشتريها مع احترامي للاسد الى عجز كابرس كلاسيك وطبعا زياده على كلام الاعضاء المحترمين الي هو مش اي صنيعي بيشتغل فيها ندره قطع الغيار تقيله في البيع زاويه الدوران واسعه غول في البنزين وشرحه في الزيت انا بقه بقولك متنساش الضريبه والتامين يا بطل تقل جيبك كل سنه وانت بتجدد لانها بتدخل في شريحه ضريبه ترفيه ودي بتكون على المحركات الكبيره انا سمعت انها 8700 ccوالله اعلم

رد: طلب نصيحة و تسعير شراء كابريس كلاسيك موديل 1983

جزاك الله خيرا
الموضوع اتكنسل من زمان