|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
كلامى موجه لأى واحد عايز يطلع رخصة قيادة
أولاً لازم تتعلم على أى سيارة بتاعة واحد صاحبك أو حد قريبك وتكون سيارة مانوال ولما تجيد السواقه توجه على الفور لإدارة المرور التابع لها وكمل الإجراءات أو إذهب لمدرسة تعليم السواقه فى المنطقة التابع لها وهاتاخد كام حصة نظرى وعملى وتعلم اشارات وعلامات المرور وتقدم للإمتحان وبيكون فى يوم مخصص للمدرسة وبتكون الأسئلة النظرية سهلة ، وعند الإمتحان العملى على سيارة إدارة المرور بيكون جنبك عسكرى من الإدارة إديله قهوته وهو ها يتصرف وده الكلام الفعلى اللى مافهوش لا رشاوى ولا توصيه ولا محسوبيه |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
أسرع طريقه مجربه بجد انك تدخل على النت تحاول تحل كام اختبار أشارات طبعا بتعمل بحث فى جوجل على أختبار الاشارات وبتحل حوالى 3 او 4 اختبارات لحد ما تجيب فيهم مجموع عالى فى الاجابات كدة إن شاء الله تروح وانت ضامن الاشارات فى جيبك وبالنسبه لأختبار القيادة من الاخر مش هنضحك على بعضينا بيخلص الراجل اللى جنبك على خمسين جنيه وما بيخلكش تدوس على دواسات بيخليك تمسك الطارة ويمشى بيك على الهادى وخصوصا فى الرجوع بالخلف بيقول لك لم الدركسيون ليه رجعه عليك وكده يعنى وتبقى كل اللى دفعته 50 ج وانت ضامن انك واخد الرخصه بجد GIFT4U
|
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
اقتباس:
مع احترامي الشديد ليك ازاي الاتنين يتجمعو مع بعض قهوته و لا رشاوي ولا حاجه ؟؟.......!!!!!!!!!! والرخصه والله مفهاش فزلكه اتعلمي برا الاول و بعد كده قدمي و باذن الله هتعدي بالامان و ده الي انا عملته وبالتوفيق |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
بكره تعرفى انى كلامى صح
ياريت تفتكرى كلامى كويس جدا جدا جدا جدا والايام بيننا خليكى معززة مكرمه فى بيتك واخوكى او جوزك هما الى يبقوا سواقين عندك والله العظيم والله انا اعصابى كل يوم بتتحرق من السواقه فى مصر وبالذات لو كان الانسان محترم وماشى حسب التقاليد وقوانين المرور وياريت كل واحد دمه حامى يفهم الكلام كويس وبعدين يهاجم الناس او انه يخليه فى نفسه ومايعملش فيها اوزيد |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
وبالنسبه للرشوه
هى دى سبب المصايب كلها لان الى بيطلعها برشوة يبقى ما بيعرفش يسوق وخايف يفشل وهما دول الى بيعملوا الكوارث كلها انا طلعت الرخصة فى ساعتين لكل واحد عاوز الرخصة يروح المدرسة بتاعت المرور ومش اى مدرسة تانية وهايخدها باذن الله وهايبقى كمان بيعرف يسوق وبيعرف اصول السواقه |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
اولا انا باشكر للمرة التانية كل اللى تكرم بالرد جزاكم اللة خيرا
ثانيا بالنسبة لى شخصيا انا على يقين بان اى انسان ماينفعش يفكر يطلع رخصة من غير ما يبقى محترف سواقة ...لية بقى؟؟ اكيدعشان يحافظ على حياتة و حياة اولادة وحياة الاخرين بس بالنسبة لموضوع الرخصة انا قدامى من الاهل والاصدقاء كام نموذج عقدونى شوية من قصة الرخصة دى و اقربها اخويا اللى بيسوق العربية من وهو عندة 15 سنة يعنى محترف سواقة لما راح يطلع الرخصة وقال للراجل اللى جنبة سيبنى انا هاسوق الراجل خلاة يسقط ودى مرة ومرة تانية فى الكمبيوتر وهكذا حكايات غريبة خليتنى متحيرة شوية بالنسبة لموضوع الرخصة وعاوزة اعرف ازاى تطلع بسلاسة من غير كلاكيع اما بالنسبة للاخ اللى بينصحنى بترك فكرة السواقة نهائيا فعاوزة اقولة انا فاهمة كويس وجهة نظر حضرتك و خصوصا انى باقعد جنب زوجى وشايفة حالة القيادة اللى زى الزفت بمصر بس فى ظروف معينة بتخلينى لازم اعتمد على نفسى بالنسبة لقيادة السيارة يعنى الموضوع لاهو تسلية ولا تضييع وقت ولا ندية ....الموضوع ببساطة ان طبيعة الحياة بتفرض علينا ظروف لازم نواجهها ونتغلب عليها يعنى زى ما الراجل بيسوق العربية لقضاء مصالحة كذلك المراة واخيرا شكرا مرة اخرى |
رد: م الاخر ......اسرع طريقة لاستخراج الرخصة اية؟؟؟؟؟؟؟؟؟؟
والله يا جماعة انا بقالي سنة كاملة بسوق ومش في اسكندرية لأ في القاهرة لأن شغلي هناك وبعااااااااااااااني من الناس اللي بتسوق هناك لأني بحس ان كتير منهم ومع احترامي الشديد ليهم تحس انهم سواقين ميكروباصات وما يعرفوش وما يسمعوش عن حاجة اسمها اشارات ولا انوار ولا اي حاجهPOLICEE ووقت ما يحب يدخل يمين بيدخل حتى لو كان في اقصى اليسار وايده على الكلاكس تييييييييييييييييييييييتA NAA7TG ولما حبيت اطلع الرخصه هناك قالولي لأ لازم تجيب ايصال كهرباء او مياه او غاز طيب يا جماعه انا شغلي هنا وده عقد العمل بتاعي وآدي عقد إيجار الشقه برضه مفيش444546 وقررت اني ما اطلعش الرخصه في القاهره غير لما أنزل اسكندرية بس للأسف مش هنزل أجازة غير اسبوع واحد يبدأ من الأحد وينتهي الخميس علشان العيد ومش عارف اعمل ايه وشكلي مش هطلعها خالص(what) آسف على الاطالة |
| الساعة الآن 07:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017